Свет
Путин разговараше со претседателот на Иран; Кремљ: Акцентот е ставен на зајакнување на соработката

Рускиот претседател Владимир Путин телефонски разговарал со иранскиот претседател Ебрахим Раиси и двајцата го истакнале зајакнувањето на политичката, трговската и економската соработка, соопшти денеска Кремљ. Во соопштението не е наведено кога се одвивал разговорот, ниту пак се споменува испорака на оружје на Иран во Москва.
Русија ги засили напорите за зајакнување на врските со Иран и другите незападни земји откако почна инвазијата на Украина на 24 февруари, што беше остро осудено од западните земји.
„Тие разговараа за повеќе прашања со акцент на зајакнување на соработката на политичко, трговско и економско поле, вклучително и транспорт и логистика“, соопшти Кремљ.
Висок руски безбедносен функционер се состана со иранските лидери во Техеран во средата и двете земји ветија дека ќе ги зајакнат врските. Посетата доаѓа во време кога Украина и западните земји ја обвинуваат Русија дека користи ирански беспилотни летала за уништување на енергетската инфраструктура на Украина.
Иран вели дека и’ доставил на Русија мал број беспилотни летала пред почетокот на војната. Во октомври, двајца високи ирански функционери и двајца ирански дипломати изјавија за Ројтерс дека Иран ветил дека ќе и испорача на Русија ракети земја-земја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Орбан: Зеленски ќе трпи долгорочни последици

Унгарскиот премиер Виктор Орбан изјави дека украинскиот претседател Володимир Зеленски ќе ги сноси последиците за неодамнешните напади врз гасоводот „Дружба“, кој ги снабдува Унгарија и Словачка.
Во објава на Фејсбук, Орбан истакна дека „Зеленски отворено ѝ се закани на Унгарија“ и призна дека нападот врз нафтоводот бил одговор на противењето на Будимпешта на членството на Украина во Европската Унија.
„Зеленски отворено ѝ се закани на Унгарија. Тој призна дека го гранатираат нафтоводот „Дружба“ затоа што не го поддржуваме нивното членство во ЕУ. Оттука следува дека Унгарците донеле правилна одлука. Зеленски ќе има долгорочни последици за зборовите што ги изговорил“, рече Орбан.
Фото: принтскрин
Свет
Германија попушти под притисокот, ќе продолжи да прифаќа бегалци од Авганистан

Германија наскоро ќе ја укине повеќемесечната суспензија за прием на ранливи авганистански државјани што вети дека ќе ги прифати, објави денес весникот „Велт“, повикувајќи се на владини извори, објави „Ројтерс“.
Околу 2.000 Авганистанци, на кои им е одобрено преселување во Германија во рамките на програмата за луѓе во ризик под власта на Талибанците, се заробени во соседен Пакистан со месеци откако Берлин ја замрзна програмата како дел од ветувањето за запирање на миграцискиот бран.
Групите за човекови права и десетици погодени Авганистанци ја оспорија суспензијата на суд, а некои добија судски пресуди што дополнително го зголемија притисокот врз Берлин да дејствува.
Прашањето стана уште поитно бидејќи Пакистан презема чекори за протерување на документирани авганистански бегалци, вклучително и оние кои се дел од германската програма за преселување, до крајниот рок на 1 септември.
Според весникот „Велт“, семејствата на засегнатите лица веќе се информирани за продолжувањето на програмата, а првите семејства на Авганистанци се очекуваат во наредните денови.
Германската влада планира дискретно да ги преселува авганистанските бегалци со редовни комерцијални летови со застанувања во Дубаи или Истанбул пред да пристигнат во Германија, а точниот број на лица на кои моментално им е одобрено заминување сè уште не е познат, објави весникот.
Министерството за надворешни работи само потврди дека процедурите за верификација продолжуваат и дека вработени се испратени во Пакистан за да продолжат со обработката на случаите.
Свет
Турски аналитичар: САД би можеле да ја жртвуваат Украина

Соединетите Американски Држави би можеле да ја жртвуваат Украина во обид да се спротивстават на сè поцврстиот сојуз меѓу Русија и Кина, процени турскиот аналитичар Мехмет Али Бал, пренесува „Хабер“.
Тој нагласи дека територијалните отстапки од страна на Киев нема да претставуваат закана за Вашингтон, додека губењето на територијата би било егзистенцијално прашање исклучиво за самата Украина.
Американскиот претседател Доналд Трамп неодамна изјави дека европските лидери покажуваат разбирање за потребата од територијални отстапки за Украина. Според медиумите, се очекува американскиот лидер да реагира остро на наводното трошење на воена помош и да го принуди украинскиот претседател Володимир Зеленски да ги прифати условите на Москва.
„САД, особено Трамп, мора да обезбедат мир во Украина за да го докажат своето глобално лидерство. Сепак, губењето на територијата за Украина не е егзистенцијална закана за САД. Дури и за Европа, оваа загуба повеќе не е стратешки значајна. САД, особено Трамп, во конфликт со сојузот на Русија и Кина, можат да ја жртвуваат Украина, ако не целосно, тогаш во значителна мера“, оцени Али Бал.
Според него, САД нема да претрпат сериозни загуби доколку се случи такво сценарио, додека Кина ќе продолжи да се соочува со предизвиците на својата „агресивна извозна политика“ поради регионалните и глобалните тензии.
Но, Бал заклучи дека Украина е таа што нема алтернатива во оваа ситуација, бидејќи за неа тоа е „прашање на егзистенција“.
Фото: принтскрин