Свет
Путин: Русија ќе продолжи да ги јакне вооружените сили
![](https://makfax.com.mk/wp-content/uploads/2018/09/Putin-2.jpeg)
Рускиот претседател, Владимир Путин, рече дека Русија ќе продолжи да ги зајакнува своите вооружени сили со цел да го одбрани суверенитетот на земјата и да ги поддржи сојузниците.
„Наша должност кон татковината е да бидеме подготвени да го браниме нашиот суверенитет, безбедноста и националните интереси и, ако е потребно, да ги поддржиме нашите сојузници“, рече Путин при посетата на војниците на полигонот Кугол во рамките на воените маневри „Исток 2018“.
Тој додаде дека Русија ќе продолжи да ги зајакнува своите вооружени сили, да ги опремува со најмодерно оружја и технологија и да ја развива меѓународната воена соработка.
Исто така, рече и дека Русија е мирољубива земја која нема и не може да има планови за агресија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Разбојници разнеле банкомат во Загреб, полицијата ја блокирала бензинската пумпа
![](https://makfax.com.mk/wp-content/uploads/2023/04/Capture-10.jpg)
Во Загреб во текот на ноќта од четврток кон петок имало нов обид за упад во банкомат.
Мета на крадците овој пат бил банкоматот на Рајфајзен банка, кој се наоѓал веднаш до бензинска пумпа.
„Утринава поминував покрај бензинската пумпа и ја видов полицијата како дежура покрај банкоматот. Некој го разнел во текот на ноќта“, изјави сведок за „24часа“ за кражбата со експлозив што се случи во петокот вечерта во загрепски Бузин. На местото на настанот пристигнала полиција со четири возила. Форензичарите земале мостри.
Отпадоци имало насекаде, а засега нема информации колку пари успеале да украдат. Истрагата е во тек и ќе се испитуваат бројните надзорни камери лоцирани во областа.
Загрепската полиција подоцна го потврди инцидентот.
„Вечерва, 5 јули, околу 3 часот во Нови Загреб, на авенијата Вечеслав Хољевац, на бензинската пумпа, според досега собраните информации, непознат сторител со неутврдено средство предизвикал експлозија на банкомат. Истрагата е во тек а ќе следи и кривична истрага“, беше кратко соопштено, пренесува медиумот.
Свет
Дизни воведе санкции за Бајден: „Додека тој е кандидат, демократите нема да видат ниту долар“
![](https://makfax.com.mk/wp-content/uploads/2024/06/bajden-italija.jpg)
Наследничката на Дизни, Абигејл Дизни, рече дека ќе ги замрзне донациите за Демократската партија додека актуелниот претседател Џо Бајден не се откаже од трката за реизбор, по лошиот настап во дебатата со републиканскиот ривал Доналд Трамп минатата недела.
„Имам намера да прекинам каков било придонес за партијата додека не го заменат Бајден на врвот на листата. Ова е реализам, а не непочитување. Бајден е добар човек и добро и служи на својата земја, но влогот е превисок“, изјави за CNBC Абигејл Дизни.
Таа предупреди дека демократите ќе загубат доколку Бајден не се откаже и додаде дека последиците од губењето ќе бидат „навистина страшни“.
Бајден во четвртокот објави дека не планира да се повлече од трката за уште еден мандат, и покрај повиците на многу демократски претставници и гласачи да го сторат тоа.
Конвенцијата на Демократската партија ќе се одржи на 19 август, а на неа и формално треба да се избере кандидат за претстојните претседателски избори.
Свет
Ердоган од трибините ќе ја бодри Турција во четвртфиналето
![](https://makfax.com.mk/wp-content/uploads/2023/07/5890c3b1-c49a-4ee8-a480-12b0b4df30f4.jpg)
Турското претседателство официјално објави дека шефот на државата Реџеп Таип Ердоган ќе пристигне во Германија на саботниот четвртфинален натпревар на Европското фудбалско првенство меѓу Турција и Холандија.
Натпреварот ќе се игра во Берлин со почеток во 21 часот, а следува по дипломатскиот инцидент меѓу Германија и Турција што се случи поради реакцијата на турскиот фудбалски репрезентативец Мерих Демирал за време на осминафиналето против Австрија.
Турција победи со 2-1, а двојниот стрелец Демирал вториот гол го прослави со гест кој крена голема прашина.
Демирал со високо кренати раце имитираше глава на волк, гестикулирајќи знак кој се поврзан со „Сивите волци“, ултранационалистички огранок на Партијата за националистичко движење (МХП), која е коалициски партнер на турската владејачка партија АК, предводена од претседателот Ердоган. Во Германија, потегот на Демирал беше осуден како расистички.
Германските медиуми објавија дека УЕФА го санкционирала Демирал со два натпревари, но Фудбалската федерација Турција доцна синоќа ја демантираше информацијата која ја објави весникот „Билд“, наведувајќи оти истрагата сè уште е во тек.