Свет
Путин ја пофали соработката со Казахстан, Ердоган и иранскиот претседател го повикаа Западот
Рускиот претседател Владимир Путин денеска во Казахстан ги пофали билатералните односи со таа земја, која ја оцени како негов „најблизок сојузник“, а за која се се’ позаинтересирани големите сили кои сакаат да го поткопаат традиционалното влијание на Москва во Централна Азија.
Во соседен Узбекистан на економскиот самит турскиот претседател Реџеп Таип Ердоган заедно со иранскиот претседател Ебрахим Раиси упатија нови критики до Западот поради ситуацијата во Газа.
Во Астана, главниот град на Казахстан, Владимир Путин и неговиот колега Касим Зомарт Токаев изразија задоволство од односите меѓу двете земји во сите области, иако казахстанскиот претседател ги негува односите со Западот, Кина и Турција.
„Ние не сме само сојузници, туку и најблиски сојузници“, рече Путин, кој е редовно присутен во Централна Азија по инвазијата на Украина, а Токаев го пофали „непоколебливото пријателство“ меѓу Русија и Казахстан.
Посетата на Путин се случува една недела по посетата на францускиот претседател Емануел Макрон на Казахстан, при што беа потпишани важни договори во областа на енергетиката. Казахстан ќе ја снабдува Кина и со ураниум.
Ердоган: Западот е лицемерен, го гледа масакрот во Газа
Во Ташкент, главниот град на Узбекистан, лидерите на девет земји се собраа на самитот на Организацијата за економска соработка, каде турскиот претседател Ердоган го обвини Западот за „лицемерие“ во однос на ситуацијата во Појасот Газа.
„Западните земји, кои постојано зборуваат за човекови права, слободи и демократија, оддалеку го набљудуваат целиот масакр извршен од Израел“, рече тој, уверувајќи дека забележал „многубројни примери на лицемерие“.
Со сличен тон, иранскиот претседател Ебрахим Раиси го обвини Западот дека е одговорен за ситуацијата во Газа, по едномесечната војна меѓу Израел и Хамас.
„Исламската Република Иран верува дека целосната поддршка на Западот, особено на американската влада, за ционистичката инвазија на Газа е причина што ова злосторство продолжува“, рече Раиси, кој разговараше за ова прашање во Таџикистан во средата со својот колега Емомали Рахмон.
Освен за Газа, на самитот се разговараше и за соработка во областа на хуманитарната помош и транспортот, бидејќи тие земји се обидуваат да добијат излез до морето, пред се преку Пакистан, кој на средбата го претставуваше премиерот.
„Светската политичка архитектура се менува пред нашите очи“, рече узбекистанскиот претседател Шавкат Мирзијоев, кој исто така повика на зајакнување на трговијата меѓу земјите од Организацијата за економска соработка.
Русија сè уште е незаменлив партнер на Централна Азија и се обидува да го потврди своето присуство, пред се во областа на енергетиката, откако европскиот пазар беше затворен поради санкциите на Западот поврзани со инвазијата на Украина.
Москва на тој начин започна големи енергетски проекти, како што е испораката на гас за Узбекистан преку Казахстан и се позиционира во проектите на нуклеарни централи и хидроцентрали во неколку земји во регионот, со цел да им конкурира на Европа и Кина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јапонија по втор пат ја рестартира најголемата нуклеарна централа во светот
Јапонија денес ја рестартираше најголемата нуклеарна централа во светот, соопшти операторот на централата, откако претходниот обид во јануари беше ненадејно прекинат поради мал дефект. Проблем со алармниот систем на централата во јануари го прекина првото рестартирање на централата од катастрофата во Фукушима во 2011 година, објави France 24.
Токиската електрична компанија за енергија (TEPCO) соопшти дека електраната Кашивазаки-Карива во префектурата Ниигата е рестартирана во 14 часот по локално време. Централата беше надвор од употреба откако Јапонија ја прекина нуклеарната енергија по катастрофалниот земјотрес и цунамито што предизвикаа топење на три реактори во нуклеарната централа Фукушима.
Но, Јапонија сега повторно се свртува кон нуклеарната енергија за да ја намали зависноста од фосилните горива, да постигне јаглеродна неутралност до 2050 година и да ги задоволи растечките енергетски потреби поттикнати од развојот на вештачката интелигенција. Конзервативната премиерка, Санае Такаичи, која оствари убедлива изборна победа, ја застапува нуклеарната енергија како двигател на азискиот економски гигант.
Кашивазаки-Карива е најголемата нуклеарна централа во светот според потенцијалниот капацитет, иако само еден од нејзините седум реактори сега е рестартиран. Од затворањето по катастрофата во Фукушима, 14 реактори продолжија да работат според строги безбедносни правила, главно во западна и јужна Јапонија.
Ова е првата единица на TEPCO што се рестартира од 2011 година. Компанијата, исто така, управува со оштетената централа Фукушима Даичи, која е во процес на деактивирање. Комплексот Кашивазаки-Карива е опремен со ѕид за заштита од цунами висок 15 метри, подигнати системи за итна енергетска ефикасност и други безбедносни подобрувања.
И покрај ова, јавноста во областа околу централата е длабоко поделена. Според анкетата во префектурата Ниигата спроведена во септември, околу 60 проценти од жителите се противат на рестартирањето, додека 37 проценти го поддржуваат. Жителите изразија загриженост за ризикот од голема несреќа, наведувајќи чести скандали со прикривање, помали инциденти и планови за евакуација што ги сметаат за несоодветни.
фото/Depositphotos
Европа
Празната украинска амбасада во Москва казнета поради неплаќање струја
Московскиот суд ѝ наложи на украинската амбасада во Русија, која е затворена од почетокот на руската инвазија во февруари 2022 година, да плати повеќе од 5,5 милиони рубли, или околу 71.000 долари, за неплатени сметки за електрична енергија. Одлуката е донесена и покрај тоа што зградата на амбасадата е празна откако беа прекинати дипломатските односи, објави Украинска правда, повикувајќи се на руската новинска агенција ТАСС.
Арбитражниот суд во Москва ѝ наложи на украинската амбасада да го плати долгот по тужбата поднесена од Московската обединета електроенергетска мрежа. Една од одлуките наведува дека на амбасадата ѝ е наредено да наплати 3.462.603,63 рубли главен долг, 179.982,05 рубли казни, соодветната затезна камата што почнува од 17 април 2024 година до датумот на фактичкото плаќање и 31.411 рубли државна давачка.
Судот, исто така, ги потврди дополнителните барања на истата компанија во вкупен износ од повеќе од 2 милиони рубли, или околу 26.000 долари, што вклучува и казни и такси за доцнење во плаќањето. Украинскиот претседател Володимир Зеленски го објави прекинувањето на дипломатските односи со Русија на 24 февруари 2022 година, денот кога започна руската инвазија.
Потоа, украинската амбасада во Москва и конзуларните установи во Русија престанаа да ги извршуваат своите функции. Во април 2023 година, Градскиот совет на Киев го раскина договорот за закуп на земјиште со руската амбасада во украинскиот главен град, а набргу потоа, московските власти го раскинаа договорот за закуп со украинската амбасада.
Свет
Двајца пилоти загинаа во хеликоптерска несреќа за време на воена вежба во Јужна Кореја
Јужнокорејски воен хеликоптер AH-1S Кобра се урна за време на тренинг лет во северната област Гапјеонг, при што загинаа двајцата членови на екипажот, соопшти војската.
Хеликоптерот се урна кратко по 11 часот по локално време, а причината за падот сè уште не е позната, се вели во соопштението.
Двајцата членови на екипажот беа однесени во блиските болници, но подоцна беа прогласени за мртви.
Војската ги приземји сите летови на хеликоптерите AH-1S по падот и формираше тим за итни интервенции за да ја испита причината за падот.
Обуката вклучуваше вежбање процедури за итно слетување без исклучување на моторите, соопшти војската.
Празната украинска амбасада во Москва казнета поради неплаќање струја
Московскиот суд ѝ наложи на украинската амбасада во Русија, која е затворена од почетокот на руската инвазија во февруари 2022...
(Видео) Моќен напад со дронови врз Одеса: погодена зграда, едно лице загина
Руските сили извршија серија напади со ракети и беспилотни летала врз неколку украински градови во текот на ноќта. Во Одеса,...
Зеленски: Русија секојдневно ја напаѓа нашата железничка инфраструктура
Украинскиот претседател Володимир Зеленски изјави дека Русија речиси секојдневно ја напаѓа железничката инфраструктура на Украина, но дека Киев сè уште...
Почувствуван земјотрес во Тетово и околината
Телеметриската сеизмолошка мрежа на Република Северна Македонија одржувана од Сеизмолошката опсерваторија при Природно-математичкиот факултет во Скопје, вчера вечер во 23...
Војници во влага, на перници стари со децении, со прибор стар 20 години и руинирани тоалети – синдикатот алармира по појавата на шуга во велешката касарна
Независниот синдикат на професионални војници, реагира поради појавата на шуга кај новопримените професионални војници во касарната „Алексо Демниевски – Бауман“...
Српската полиција се огласи по киднапирањето на Даниел Кајмакоски: Се трага по двајца осомничени
Министерството за внатрешни работи на Србија соопшти дека полицијата трага по две лица осомничени за киднапирање на македонскиот пејач Даниел...
(Видео) Договорено покачување на платите за околу 11.000 административци до 2028 година
Околу 11.000 вработени во јавната администрација, судовите и обвинителствата ќе добијат покачување на платите од речиси 40 отсто до 2028...
Кајмакоски е дома; Рашиќ: „Смирено и храбро се соочил со киднаперите, но му треба мир“
Mиланка Рашиќ, која е задолжена за односи со јавноста за Даниел Кајмакоски, соопшти дека разговарала со него по ноќта помината...
ВМРО-ДПМНЕ реагира: Заев се јави во одбрана на својот криминал, тој е таткото на бизнисот со канабис
Олицетворението на криминалот, главата на октоподот во корупцијата и лидерот на СДС од сенка, Зоран Заев се јави во одбрана...
Заев се закани со тужба, тврди дека не е поврзан со конфискацијата на канабисот и облакодерите во Дубаи: „Шират лаги и клевети“
Поранешниот премиер Зоран Заев преку статус на Фејсбук порача дека по пет години молк, сега е подготвен да одговори со...
Почина Бред Арнолд – пејачот на американскиот бенд 3 Doors Down
Бред Арнолд, пејачот и основач на американскиот рок-бенд 3 Doors Down, најпознат по хитовите „Kryptonite“, „When I’m Gone“ и „Here...
Во Дубаи уапсен сторителот на обидот за атентат врз рускиот генерал Алексеев, ФСБ уапси и соучесник во Москва
Сторителот на обидот за атентат врз генерал-полковникот на руската воена разузнавачка служба, Владимир Алексеев, беше приведен во Дубаи и предаден...
(Видео) Протести против Зимските олимписки игри во Милано: демонстрантите фрлаа димни бомби и шишиња кон полицијата
Илјадници луѓе се собраа во Милано на протест против Зимските олимписки игри само еден ден по церемонијата на отворање во...
(Видео) Полицијата заплени 40 тони дрога: откриена неусоглесеност на количините кои правните лица ги поседуваат, произведуваат, набавуваат и отуѓуваат
Министерството за внатрешни работи извести дека во тек е опсежна акција, во рамки на која е запленета голема количина на...
Двегодишно дете со тешки телесни повреди од Битола пренесено во Скопје, го нападнале кучиња скитници додека си играло
Лекарите од Клиничката болница во Битола вчера во полиција приавиле дека примиле двегодишно дете со тешки телесни повреди по напад...
(Видео) Петрушевски: Од 27 тони запленета дрога, повеќе од две третини е на фирма на соработник на Зоран Заев
Над 2/3 од 27 тони запленета дрога е од фирма на кадар на СДС, соработник на Зоран Заев, рече денес...
Левица ќе иницира разрешување на Ристовска, имаат информации за понижување, викање и навреди во ДКСК
Наместо да ја насочи својата енергија кон расчистување на корупцијата, членката на Државната комисија за спречување на корупцијата (ДКСК), Цвета...
Низ разузнавачките канали протекоа детали за „Дмитриев пакет“, вреден е 12 трилиони долари, вели Зелениски
Украинскиот претседател Володимир Зеленски предупреди дека постои ризик САД и Русија да склучат билатерални договори кои се однесуваат на Украина,...
Судот нареди на администрацијата на Трамп да врати од Хондурас три депортирани семејства и да ги плати трошоците за враќање
Окружниот суд во Сан Диего пресуди федералната влада на САД да ги врати трите семејства од Хондурас, наведувајќи дека нивното...
Независниот полициски синдикат утре организира протестен марш во Битола: За закани за тепање и убивање полицајци се оди во притвор
Независниот полициски синдикат (НСП) утре во Битола организира марш за еднакво спроведување на законите кон сите сторители на кривични дела,...
