Генералниот секретар на НАТО, Марк Руте, рече дека Украина и САД во моментов разговараат за начините за напредок.

Тој додаде дека е внимателен оптимист и овие разговори можат да доведат до добри резултати.

Руте исто така изјави дека Доналд Трамп јасно ја покажал и американската и неговата лична посветеност на НАТО.

„Трансатлантското партнерство останува основата на нашиот сојуз“, додаде Руте на прес-конференцијата што ја одржа со полскиот претседател Анджеј Дуда.

Канадскиот премиер Џастин Трудо денеска изјави дека канадската страна е заинтересирана за намалување на сите американски царини и додаде дека ќе продолжи да соработува со високи функционери на администрацијата на американскиот претседател Доналд Трамп во врска со царините што САД планираат да ги воведат на сите увозни производи од Канада.

„Разговорите се во тек. Нашата цел е да ги отстраниме сите царини. Трговската војна може да трае во догледна иднина“, рече Трудо и ги повика граѓаните да продолжат да „купуваат канадскo“ кога е toa можно, пренесува CTV News.

Тој не ги откри деталите од телефонскиот разговор со Трамп во средата, истакнувајќи дека станува збор за „многу суштински повик“, пренесува Танјуг.

Канадскиот премиер рече дека во вчерашниот разговор го предупредил американскиот претседател дека американските царини ќе им наштетат на американските работници и бизниси.

Потребна е сеопфатна проценка на штетата што ја предизвикаа поранешните колонијални сили на други земји, изјави денеска претседателот на партијата Единствена Русија, Дмитриј Медведев.

„Треба да разговараме за напредокот на работата за сеопфатна проценка на штетите што неометрополитенските држави, што е термин што го користиме сега, им ги нанесоа на различни држави, нивниот социо-економски развој и, во суштина, нивната иднина“, рече Медведев.

Тој нагласи дека колонијалните сили се обидуваат да ги доведат во заблуда ослободените народи и да ги избришат од нивната меморија злосторствата од минатото, но и од сегашноста, пренесува РИА Новости.

Медведев рече дека меѓународното движење „За слобода на народот“, формирано пред една година, се залага за воспоставување на Денот на сеќавање на жртвите на колонијализмот на 14 декември.

„Потсетувам дека ова е датумот на усвојување на Декларацијата за давање независност на колонијалните земји и народи во 1960 година. Русија, заедно со сродните земји, поднесоа ваква нацрт-резолуција на дискусија, познато е, со значително мнозинство гласови на 4 декември минатата година“, рече Медведев, пренесува Танјуг.