Свет
Рајски остров на Таjланд стана остров на смртта
Тајландскиот остров Кох Тао многумина го нарекуваат рај. Нуркачките уживаат во неговите кристално чисти води, а туристите од западните земји уживаат и во баровите на плажа на кои има постојана забава.
Но, овој рајски остров сè почесто добива и негативна конотација. Најмалку деветмина туристи од Европа во периодот од 2014 година починале или исчезнале на овој остров. Поради тоа, британските таблоиди почнаа да го нарекуваат ,,остров на смртта”.
По тврдењето на 19-годишна британска туристка дека била силувана во Кох Тао во јуни годинава, овој остров повторно се најде во фокусот на вниманието и го доведе во прашање работењето на полицијата и нејзиниот капацитет да се справи со сериозните злосторства што се случуваат против туристите.
Првично, полицијата негираше дека се случило силување и уапсила десетина луѓе за објавување на ваквата информација на Фејсбук. Полицијата, исто така, издаде налози за апсење за уредник на интернет-весник во Велика Британија и администратор на фејсбук-страница во Калифорнија. По отворањето на истрагата и интервјуирање на младата жена во Велика Британија, полицијата минатиот месец рече дека не нашле докази за нејзиното обвинување и го затвори случајот. Тие рекоа дека ќе го отворат случајот ако се појават нови докази.
Одлуката ја разочара и ја налути мајката на младата жена, која инсистира дека 19-годишната девојка ја кажува вистината. Таа ја обвини полицијата за несоодветна истрага и прикривање криминал на островот.
,,Целата истрага е фарса од самиот почеток”, изјави таа. ,,Зошто некој би измисли нешто такво?”
Тајланд, со околу 35 милиони посетители минатата година, е една од најпопуларните туристички дестинации во светот и се промовира себеси како ,,Земја на насмевки”. Владата е осетлива на критиките што би можеле да ја поткопаат репутацијата на земјата.
Тамошните власти сметаат дека провокативното однесување и облеката на туристите би можеле да го предизвикаат насилството и нападите врз туристките.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Повеќе торнада ја погодија Оклахома, објавени се снимки
Вчера вечерта се формираа повеќе торнада низ американската сојузна држава Оклахома, вклучително и едно што помина низ Оклахома Сити.
Засега не се знае колкава е штетата и нема информации за повредени, пишува News9.
Претходно во вечерните часови беа пријавени торнада на западот на државата. Првиот се појави во округот Роџер Милс, а следниот во близина на Кастер Сити.
Свет
Раиси летал со хеликоптер од американско производство, објави иранска новинска агенција
Иранската државна новинска агенција ИРНА објави дека Раиси летал со хеликоптер Bell 212 од американско производство.
Според воениот аналитичар на Си-ен-ен, Седрик Лејтон, станува збор за хеликоптер кој веројатно е во служба од 1960-тите.
Тој додаде дека причина за несреќата може да биде набавка на резервни делови, или потешкотии во набавката.
Хеликоптерот најпрвин бил произведен во САД, а потоа и во Канада.
„Во конкретниот случај, мислам дека проблемите со резервните делови поради санкциите, плус времето кое беше многу лошо во последните неколку дена во овој дел од северозападниот дел на Иран, само придонесоа за несреќата.
Сето тоа, мислам, придонесе за низа инциденти и низа одлуки кои пилотот, а можеби и самиот претседател, ги донел кога се работи за летање со овој авион… И за нивна жал, резултатот е оваа несреќа.
Како корисен хеликоптер, Bell 212 е наменет да може да се прилагоди на сите видови ситуации, вклучително и превоз на луѓе, распоредување на воздушна опрема за гасење пожар, транспорт на товар и оружје.
Иранскиот модел што се урна во неделата беше конфигуриран да превезува владини патници.
Според документите за сертификација на типот со Агенцијата за воздухопловна безбедност на Европската унија, може да превезува 15 лица, вклучувајќи го и екипажот.
Ваков хеликоптер користи јапонска крајбрежна стража, американски агенции за спроведување на законот и противпожарна заштита, тајландска национална полиција и многу други.
Не е јасно колку има иранската влада, но нејзините воздухопловни сили и морнарицата имаат вкупно 10 такви хеликоптери.
Последната фатална несреќа во која учествуваше Bell 212 беше во септември 2023 година, кога приватно летало се урна во близина на брегот на Обединетите Арапски Емирати, според Flight Safety Foundation, непрофитна организација која се фокусира на безбедноста на воздухопловството.
Последната иранска несреќа од овој тип се случи во 2018 година, во која загинаа четири лица.
Свет
(Видео) Нема преживеани во хеликоптерската несреќа со иранскиот претседател, објавија иранските агенции
Иранските агенции јавуваат дека местото на падот на хеликоптерот е пронајдено и дека нема преживеани, пренесува Си-Ен-Ен.
„Нема знаци на живот од хеликоптерот на претседателот Ебрахим Раиси“, соопшти државната телевизија.
Ројтерс објави дека хеликоптерот целосно изгорел во падот, повикувајќи се на ирански претставник.
Location of crash site of Pres. Raisi’s chopper determined: Sourcehttps://t.co/6mWrIRVVJj pic.twitter.com/sAkjeXgTeH
— IRNA News Agency (@IrnaEnglish) May 20, 2024
„Во несреќата целосно изгоре хеликоптерот на претседателот Раиси… за жал, се стравува дека сите патници се мртви“, рече официјалниот претставник.
Државната иранска телевизија: Потврдена е смртта на претседателот
Потврдено е дека иранскиот претседател, министерот за надворешни работи и уште неколку лица загинале во хеликоптерската несреќа, јави државната телевизија.
نمای نزدیک از محل سقوط بالگرد رئیسجمهور pic.twitter.com/fwAOGyveNg
— خبرگزاری فارس (@FarsNews_Agency) May 20, 2024
Државните медиуми јавуваат дека хеликоптерот се забил во врвот на планината.