Свет
Резултатите од вакцинацијата против коронавирусот во Израел покажуваат исклучително низок процент на зараза

Првите резултати од студиите за ефектите на вакцинацијата во Израел укажуваат на значителен пад на бројот на инфекции, како и на бројот на заразени пациенти што се лекуваат во болници во рана фаза на имунизација.
Како земја во која секој трет жител примил барем една доза, што е најголем удел во светот, Израел, кој има девет милиони жители, може да послужи како тест во глобална иницијатива за вакцинација.
Луѓето се вакцинираат 24 часа на ден, така што многу ранливи групи, меѓу кои се 70 проценти над 60-годишна возраст, веќе добиле пропишани две дози вакцина на „Фајзер/Бионтек“. Во Израел дневно се вакцинираат до 200.000 луѓе, а од минатата недела вакцината им е достапна на луѓето постари од 35 години. Вклучени се и средношколци (на возраст од 16 до 18 години) за да може да полагаат испити, пренесува „Гардијан“.
Израелското Министерство за здравство ги објави првите официјални резултати минатата недела: се покажа дека само 317 од вкупно 715.425 лица (0,04 проценти) се заразиле една недела по добивањето две дози вакцина против коронавирусот – период во кој треба да добијат посилен имунитет. Од тоа, 16 морало да се лекуваат во болница, односно само 0,002 проценти од вкупниот број.
Охрабрувачка е и помалата студија на израелскиот давател на здравствени услуги „Макаби хелткери сервисиз“, објавена во четвртокот, од 163.000 Израелци што ги примиле двете дози, само 31 бил заразен, а во контролната група (која не била вакцинирана), речиси 6.500 лица се заразиле. Според тие податоци, вакцината е ефикасна 92 процента, што е приближно до 95-процентната ефикасност за која зборува „Фајзер“.
„Ова е многу, многу добра вест“, рече д-р Анат Ека Зохар, потпретседателка на „Макаби“ за локалните медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп го коментираше инцидентот со авионот на Фон дер Лајен: Барем не го користеше мобилниот телефон, тоа е добро понекогаш

Претседателот на САД, Доналд Трамп, го коментираше инцидентот со авионот на претседателката на Европската комисија, Урсула фон дер Лајен, кој беше принуден да слета во Бугарија откако Русија наводно го попречи нејзиниот GPS сигнал, објавува РБЦ-Украина.
Трамп го коментираше настанот на свој начин. „Па, таа имаше интересен инцидент. Таа е извонредна жена“, рече тој, истакнувајќи дека никој не знае зошто GPS-от во авионот на претседателката на Европската комисија престана да работи.
„Но, ѝ ја одзедоа можноста да го користи телефонот. Понекогаш тоа е добро“, рече Трамп, додавајќи дека ако тоа му се случело, ќе бил среќен.
Медиумот потсетува дека авионот на претседателката на Европската комисија, Урсула фон дер Лајен, изврши принудно слетување во Бугарија на 1 септември. Како причина беше наведено попречувањето на сигналот од страна на Русија, кое го наруши GPS-системот на авионот, принудувајќи го пилотот да слета користејќи хартиени мапи.
Портпаролот на Кремљ, Дмитриј Песков, ги отфрли обвинувањата, инсистирајќи дека Русија не е вмешана во инцидентот.
„Летот на кој беше Урсула фон дер Лајен емитуваше сигнал со добар квалитет од полетувањето до слетувањето“, објави во меѓувреме FlightRadar.
Фото: принтскрин
Свет
Киев за предлогот на Путин: Зеленски нема да оди во Москва

Предлогот на рускиот претседател Владимир Путин за средба со украинскиот претседател Володимир Зеленски во Москва е неприфатлив, соопшти денес украинската влада.
Министерот за надворешни работи на Украина, Андриј Сибиха, изјави дека најмалку седум земји, вклучувајќи ги Австрија, Ватикан, Швајцарија и три земји од Заливот, се подготвени да бидат домаќини на средба меѓу Зеленски и Путин, пренесува Ројтерс.
„Ова се сериозни предлози и претседателот Зеленски е подготвен за таква средба во секое време. Сепак, Путин продолжува да ги лаже сите нудејќи очигледно неприфатливи предлози“, објави Сибиха на својот профил на мрежата Икс.
Порано денес, Путин изјави дека не ја исклучува можноста за средба со Зеленски и предложи средбата да се одржи во Москва. „Ако Зеленски е подготвен за средба, нека дојде во Москва“, рече Путин, додавајќи дека „има светлина на крајот од тунелот“, пренесува РИА Новости.
Тој истакна дека ако преовлада здравиот разум, тогаш може да се постигне договор за тоа како да се заврши војната во Украина на задоволителен начин.
„Во спротивен случај, ќе мора да решиме сè со воени средства“, рече Путин и додаде дека го информирал американскиот претседател Доналд Трамп дека сака да се сретне со Зеленски.
Тој изјави дека е можно да се постигне прифатлива опција за завршување на војната, додавајќи дека сите обиди на Русија мирно да го реши украинското прашање се осуетени.
Тој истакна дека ја гледа искрената желба на администрацијата на Трамп да го реши украинскиот конфликт и го нарече Зеленски „вршител на должноста шеф на администрацијата на Украина“, пренесува Танјуг.
Фото: принтскрин
Свет
Путин: Ако Зеленски е подготвен за состанок нека дојде во Москва

Рускиот претседател Владимир Путин денес изјави дека не ја исклучува можноста за средба со украинскиот претседател Володимир Зеленски и предложи средбата да се одржи во Москва.
„Ако Зеленски е подготвен за состанок, нека дојде во Москва“, рече Путин, додавајќи дека „има светлина на крајот од тунелот“, пренесува РИА Новости.
Тој рече дека ако преовлада здравиот разум, тогаш може да се постигне договор за тоа како да се заврши војната во Украина на задоволителен начин.
„Во спротивен случај, ќе мора да решиме сè со воени средства“, рече Путин и додаде дека го информирал американскиот претседател Доналд Трамп дека сака да се сретне со Зеленски.
Тој рече дека е можно да се постигне прифатлива опција за завршување на војната, додавајќи дека сите обиди на Русија мирно да го реши украинското прашање се осуетени, според медиумот.
Путин истакна дека ја гледа искрената желба на администрацијата на Трамп да го реши украинскиот конфликт и го нарече Зеленски „вршител на должноста шеф на администрацијата на Украина“.
Сумирајќи ја својата посета на Кина, каде што присуствуваше на воена парада по повод Денот на победата во Втората светска војна, Путин рече дека посетата била многу позитивна и оцени дека Кина останува двигател на глобалната економија. „Во оваа смисла, особено би ја нагласил кинеската иницијатива за глобално управување. Ми се чини дека ова е многу навремено и, што е важно, оваа иницијатива е насочена кон позитивна соработка меѓу оние земји што се собраа на самитот во Кина и нашите потенцијални партнери меѓу земјите што во моментов не сакаат да го прогласат ова партнерство“, рече Путин, додавајќи дека потребата за енергетски ресурси расте, вклучително и во кинеската економија.
Зборувајќи за принципот на мултиполарност, Путин рече дека тоа не значи дека во светот се појавуваат нови хегемони, туку дека сите земји треба да имаат еднакви права.
Рускиот претседател Владимир Путин денес изјави дека, доколку е потребно, Русија е подготвена да го „подигне нивото“ на преговарачите во разговорите со Украина.
Путин не даде повеќе детали, но истакна дека е задоволен од работата на преговарачите и шефот на руската делегација, Владимир Медински, пренесува Ројтерс.
Зборувајќи за Трамп, Путин додаде дека нема подготовки за посетата на Трамп на Москва, ниту пак е познат датумот на таков настан, пренесува Танјуг.
Фото: принтскрин