Свет
Речиси 160 држави бараат доказ за случајот „Скрипал“, објави руската амбасада во Лондон

Околу 160 држави, кои не се членки на западниот блок, одбиваат да го прифатат тврдењето на Велика Британија дека Русија стои зад инцидентот во Солсбери и бараат Лондон да ги презентира доказите, соопшти Амбасадата на Русија во Лондон.
Додека голем број држави во западниот свет, освен неколку значајни исклучоци, се обединети со Велика Британија, која ја обвини Русија за труење на поранешниот шпион со воен токсичен агенс, други земји не се убедени во реториката на британската премиерка Тереза Мај, изјавил портпаролот на Амбасада на Русија во Лондон за „Спутник“.
„Дури и ако Меј рече дека е апсолутно сигурна дека Русија е одговорна за инцидентот во Солсбери, таа ќе треба да ги претстави сите докази до Русија, меѓународната заедница и британската јавност. Ова е мислењето на речиси 160 земји кои не се членки на западниот блок”, рекол тој додавајќи дека е очигледно дека никој во поширокиот свет не би ги земал британските зборови здраво за готово.
Во понеделникот голем број држави, покрај САД, 18 земји од ЕУ и некои други европски земји, Канада и Австралија, ја поддржаа Велика Британија и објавија дека ќе протераат руски дипломати од нивните земји во солидарност со Британија. Вашингтон најави протерување на 60 руски дипломати, вклучително и 12 од руската мисија во Обединетите нации. Најголемото масовно протерување руски дипломати во историјата од Москва беше оценето како екстремно непријателски и неоправдан чекор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.