Свет
Рибари извлекле вреќи со дрога вредна 18 милиони евра, мислеле дека е дезодоранс

Рибарите во Мјанмар пронашле вреќи со дрога вредна 18 милиони евра – кристален метамфетамин, пренесува АФП, повикувајќи се на официјална изјава.
Во Андаманското Море по должина на брегот на Мјанмар лебделе 23 вреќи со дрога. Во секоја вреќа имало пластични кеси со ознака „Кинески зелен чај“.
Тоа е амбалажа што најчесто ја користат бандите од Југоисточна Азија за шверц на кристален метамфетамин до далечни дестинации, вклучувајќи ги Јапонија, Јужна Кореја и Австралија.
Рибарите кои ја нашле дрогата сметале дека е дезодоранс, се намачкале со кристали, добиле изгореници на кожата и изгубиле свест.
Fishing 650kg meth out of the sea indicates how out of control drug manufacturing is in Myanmar. Fishermen Find 650kg of Crystal Meth Floating in ‘Fish Food’ Sacks at Sea https://t.co/noiFch27cV
— Dr Ronan Lee ☘️? (@Ronan_Lee) October 19, 2019
Веднаш потоа, тие повикале полиција која пронашла уште две вреќи. Вкупната количина на пронајдена дрога е 691 килограм, со пазарна вредност од 20,2 милиони американски долари или 18,09 милиони евра.
„Никогаш не сум видел дрога како лебди во океанот“, рекол локален претставник на партијата Национална лига за демократија, кој им помагал на рибарите и полицијата.
Полицијата во Мјанмар не соопштила за што станува збор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.
Регион
Топлотниот бран ги затвори Акропол и археолошките локалитети во Атина

Поради топлотниот бран и високите температури што од почетокот на седмицава ја зафатија Грција, археолошките локалитети во Атина, како и Акропол и во текот на викендов ќе бидат затворени за туристи во периодот од 12 до 17 часот.
Новиот топлотен бран што ја зафати Грција, според најавите и прогнозите се очекува да трае до недела.
Вчера беше најтоплиот ден, просечната максимална температура достигна 37,6 степени Целзиусов, на Пелопонез измерени речиси 46 степени, а во многу делови од земјата надмина 42 степени.
Свет
Русија до Западот: Тврдоглаво игнорирате додека режимот во Киев се обидува да ја спаси кожата на Зеленски

„Тврдоглаво се обидувате да игнорирате како темелно корумпираниот режим во Киев се обидува да ја спаси кожата на украинскиот претседател Володимир Зеленски, доведувајќи ја во прашање иднината на својата земја. За тоа детално ќе разговараме на посебниот состанок што го побаравме за 31 јули, каде што предлагаме фокусирање на акциите што ја поткопуваат потрагата по дипломатски пат за решавање на украинскиот конфликт – вклучително и обидите да се попречи директниот руски-украински преговарачки процес во Истанбул“, изјави заменикот на рускиот амбасадор во ОН, Дмитриј Пољански, на седницата на Советот за безбедност, обраќајќи им се на претставниците на западните земји, пренесува ТАСС.
Според него, Русија подолго време и доследно предлага решавање на украинската криза по дипломатски пат.
„Но вас тоа не ве задоволува – сè додека сте подготвени да продолжите да се борите против Русија преку рацете на Украинците. А фактот што ги има сè помалку – воопшто не ве вознемирува“, предупреди рускиот дипломат.
Русија и Украина во мај и јуни одржаа две рунди преговори, по што следуваше размена на заробеници и предавање на телата на загинатите украински војници. Двете страни исто така разменија нацрти меморандуми за решавање на конфликтот.