Свет
„Ројтерс“: Америка и Украина ќе го потпишат договорот за минералите
Соединетите Американски Држави и Украина планираат да потпишат договор за минерални суровини, по расправијата во Овалната соба минатиот петок, кога украинскиот претседател Володимир Зеленски ја напушти Белата куќа, објави Ројтерс, цитирајќи четири извори запознаени со ситуацијата.
Американскиот претседател Доналд Трамп им рекол на своите советници дека сака да го најави договорот во своето обраќање пред Конгресот, што ќе се случи вечерва, соопштија три извори, нагласувајќи дека договорот се уште не е потпишан и дека ситуацијата може да се промени.
Белата куќа не одговори веднаш на барањето за коментар. Украинската претседателска администрација во Киев и Украинската амбасада во Вашингтон не одговорија веднаш на барањата за коментар.
Кавга во Белата куќа
Договорот беше прекинат во петокот по спорниот состанок на Овалната соба меѓу Трамп и украинскиот претседател Володимир Зеленски, што резултираше со брзо заминување на украинскиот лидер од Белата куќа.
Зеленски отпатува во Вашингтон за да го потпише договорот. За време на таа средба, Трамп и потпретседателот Џеј-Ди Венс го критикуваа Зеленски, велејќи му дека треба да им се заблагодари на САД за поддршката наместо да бара дополнителна помош пред американските медиуми.
„Се коцкаш со Трета светска војна“, му рече Трамп.
Зеленски: Подготвени сме да седнеме на преговарачка маса што е можно поскоро
Американските власти разговараа со претставници на Киев во последните денови за потпишување на договорот за минерали и покрај спорот и ги повикаа советниците на Зеленски да го убедат украинскиот претседател јавно да му се извини на Трамп, рече еден од изворите запознаени со ситуацијата.
Зеленски на „Икс“ објави дека Украина е подготвена да го потпише договорот и рече дека му е жал за она што се случи во Белата куќа.
„Нашиот состанок во Вашингтон, во Белата куќа во петокот, не помина според планираното“, напиша тој во својата објава.
„Украина е подготвена да седне на преговарачка маса што е можно поскоро за да се доближи траен мир“, додаде Зеленски.
Што ќе биде договорено?
Не се знае дали има промени во договорот.
Договорот што требаше да биде потпишан минатата недела не вклучуваше експлицитни безбедносни гаранции за Украина, но им овозможи на САД пристап до приходите од природните ресурси на Украина. Тој, исто така, предвидува дека украинската влада придонесува со 50 отсто од идната монетизација на сите природни ресурси во државна сопственост во фондот за реконструкција управуван од САД и Украина.
Трамп вчера сигнализираше дека неговата администрација останува отворена за потпишување на договорот, велејќи им на новинарите дека Украина „треба да биде поблагодарна“.
„Ние им дадовме многу повеќе од Европа, а Европа требаше да даде повеќе од нас“, додаде Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Русија: Два нафтени резервоари во пламен по украински напад со дрон
Два резервоари за складирање нафта се запалиле во руското пристаниште Темрјук во Краснодарскиот крај, по украински напад со дрон, соопшти денеска регионалниот штаб за вонредни состојби.
Пожарот зафатил површина од околу 2.000 квадратни метри, пренесува Интерфакс.
Во гаснењето учествуваат 70 лица, меѓу кои и припадници на Главната управа на Министерството за вонредни ситуации на Русија за Краснодарскиот крај.
Footage published by Exilenova shows drone strikes on a tanker and port infrastructure at the Taman marine terminal in Krasnodar Krai, Russia, during the night of December 21–22. https://t.co/WCi3GJeTB9 pic.twitter.com/meWR47N3C2
— NOELREPORTS 🇪🇺 🇺🇦 (@NOELreports) December 24, 2025
Според првичните информации, нема жртви, додаде оперативниот штаб.
Во меѓувреме, Министерството за одбрана на Русија соопшти дека руските сили во текот на ноќта собориле 141 украински дрон над руската територија.
„Од 23:00 часот по московско време на 24 декември до 7:00 часот по московско време на 25 декември, системите за противвоздушна одбрана пресретнаа и уништија 141 украинско беспилотно летало со фиксни крила“, се наведува во соопштението, кое го пренесува РИА Новости.
Како што се наведува, 62 дрона биле уништени во Брјанската област, 12 во Тулската, 11 во Калушката, а девет во Московската област.
Дополнително, осум дрона биле соборени во Адигеја, седум во Краснодарскиот крај, по шест на Крим и во Ростовската област, по пет во Белгородската и Воронешката област, како и над Азовското Море.
Четири дрона биле уништени во Курската област, а еден во Волгоградската област, соопшти министерството.
Фото: pexels
Свет
(Видео) Трамп и Нетанјаху со пилотски очила во ВИ-снимка: „Победнички круг“
Во објава на Инстаграм, со која очигледно се одбележуваат шест месеци од израелскиот конфликт со Иран, прес-службата на премиерот Бенјамин Нетанјаху сподели вештачки генерирано видео на бомбардер Б-2 кој прелетува над мрежа од згради во неидентификувана пустинска област.
Во видеото, кое трае само неколку секунди, премиерот на Израел и претседателот на САД Доналд Трамп носат пилотски очила за сонце и накратко се погледнуваат.
A message to Iran: Netanyahu’s office shared an AI video showing him and U.S. President Donald Trump flying a B-2 bomber together. pic.twitter.com/rM05YsHs4J
— Open Source Intel (@Osint613) December 24, 2025
„На нашиот победнички круг. #sixmonths“, стои во описот на објавата.
Израел соопшти дека неговата сеопфатна офанзива во јуни, насочена кон највисоките ирански воени команданти, нуклеарни научници, постројки за збогатување ураниум и програмата за балистички ракети, била неопходна со цел да се спречи, како што наведуваат, иранскиот план за уништување на еврејската држава.
Иран доследно негира дека тежнее кон развој на нуклеарно оружје.
Како одговор на израелските напади, Иран истрелал кон Израел повеќе од 500 балистички ракети и околу 1.100 дронови.
Кон самиот крај на војната, Соединетите Американски Држави им се приклучија на нападите врз иранските нуклеарни постројки.
Фото: Depositphotos
Свет
Американскиот претставник во НАТО: Можен договор за Украина во следните 90 дена
Постојаниот претставник на САД во НАТО, Метју Витакер, во интервју за „Фокс њуз“ изјави дека е можен договор во Украина во следните 90 дена.
„Ако биде завршено, тоа ќе биде во следните 90 дена“, рече Витакер.
Тој додаде дека е очигледно дека оваа зима може да биде навистина тешка за Украинците поради нападите врз енергетската инфраструктура.
Витакер додаде дека Вашингтон планира да продолжи да врши притисок врз двете страни за решавање на спорот. Ако некој може да го стори тоа, нагласи постојаниот претставник на САД, тоа е американскиот претседател Доналд Трамп.
Учесниците во мировниот процес во Украина работат на четири финални документи, објави Витакер.
Според дипломатот, на преговарачката маса моментално е нацрт-мировен план од 20 точки, како и документи за мултилатерални безбедносни гаранции и специјални гаранции од САД.
Четвртиот документ е посветен на план за повоено економско закрепнување и развој.
„Сите овие документи се дискутираат во реално време. Мислам дека сега имаме прилично добро разбирање за тоа што сака Украина“, додаде Витакер.
На 20 декември, делегации од Украина, САД и европски земји се состанаа во Мајами. По разговорите, специјалниот претставник на американскиот претседател, Стивен Виткоф, и секретарот на Советот за национална безбедност и одбрана на Украина, Рустем Умеров, објавија идентични изјави на социјалните мрежи. Тие рекоа дека за време на нивните состаноци страните разговарале за мировниот план од 20 точки и безбедносните гаранции на Вашингтон за Киев.
Покрај тоа, учесниците на состанокот одвоија време да разговараат за развојот на планот „економија и просперитет“.
Според Володимир Зеленски, украинската и американската делегација подготвиле нацрт-документи за рамка за завршување на конфликтот со Русија за време на нивните разговори во Мајами.
Фото: unsplash
Католиците ширум светот денес го слават Божиќ
Католиците, протестантите и другите верници кои се придржуваат до грегоријанскиот календар, денес ширум светот го одбележуваат еден од најрадосните празници...
Трката по суперинтелигенција: Технологија што го менува светот или опасна илузија
Колумнистот на Гардијан, Рафаел Бер, пишува дека ако вештачката интелигенција не им го променила животот на луѓето во 2025 година,...
Променливо облачно со дожд и снег на планините, од утре стабилизирање на времето
Времето денеска ќе биде променливо облачно со повремени локални врнежи од дожд, особено претпладне во источните делови од земјата. На...
Апелација ја зголеми затворската казна за двајцата директори поради пожарот во модуларната болница во Тетово
Апелационен суд Гостивар ја преиначи пресудата за случајот со модуларната болница во Тетово и на двајцата обвинети им ја зголеми...
Бугарија понуди мазут за Македонија, од Владата уверуваат дека не е потребна надворешна помош
Бугарија ѝ понудила на Македонија итни залихи на мазут, со цел да помогне во надминување на кризата во снабдувањето со...
Мухамет Хоџа и Беким Сали се новите министри во Владата
Собранието ги избра Мухамет Хоџа за министер за животна средина и просторно планирање и Беким Сали за министер за европски...
Вработените во Народниот правобранител алармираат: Се наоѓаме во безизлезна состојба
Вработените во Народниот правобранител и двајцата преостанати заменици на народниот правобранител велат дека се наоѓаат во безизлезна состојба и дека...
Николоски: Владата ќе донира 100 нови комби-возила за „Пошта“
Работиме за Македонска пошта како државна пошта конечно да ја издигнеме со квалитет и да обезбедува најквалитетни услуги на пазарот....
Мицкоски со порака до граѓаните што заминале во странство: Каде и да одите, колку и да сте успешни, таму секогаш ќе бидете дојденци
Вашето враќање е порака дека Македонија не е заборавена, корените не се пресечени и дека љубовта кон домот не исчезнува,...
Наќе Чулев: Незаконски бев отпуштен од работа, со години трпев јавно понижување
Поранешениот директор на Агенцијата за разузнавање и министер за внатрешни работи, Наќе Чулев, објави дека судот донел пресуда во негова...
(Видео) „100 милиони евра загуба – кој профитира од увозот на струја“, прашува Димитријевиќ
„Наместо да ги покачи платите и пензиите, власта ја покачи сметките за струја, удри по стандардот на народот. Државата нема...
Вонредни екипи ќе ги читаат броилата за време на празниците и викендите
Зголемен е процентот на отчитување на броилата на 95% на тримесечно ниво (на 90% на месечно ниво), таргетирани се 10.000...
Нов дефокус, сега Бугарите се криви за покачувањето на струјата, велат од СДСМ
„Ги слушаме претставниците на ВМРО Ванчовистичка во јавните настапи како зборуваат за внесување на Бугари во Устав. Дали сега за...
Андреј Жерновски, симбол на неуспех и директен учесник во скандали и предавство на националните интереси, не е и не може да биде нов лик на СДС, велат од ВМРО-ДПМНЕ
СДС може колку сака да го претставува новоформираното партиски раководство, како кадровска реформа и „нова“ сила, тоа не поминува. Реформа...
„Една од институциите во која видни партиски лица од СДС и ДУИ си ги сместувале своите најблиски е ‘ЕСМ снабдување со топлина’, велат од ВМРО-ДПМНЕ
„За СДС и ДУИ ништо не било свето. Институциите ги гледале единствено низ призмата сместување во топлите и удобни фотелји...
Додека граѓаните плаќаат најскапа струја, власта се правда дека покачувањето е минимално, велат од партијата Левица
„Наместо покачување на платите и животниот стандард, граѓаните од јануари ќе плаќаат повисоки сметки за струја, благодарение на немањето визија...
„Две моќни одлуки со кои се нанесува директен удар врз хаосот и долгогодишната небрежност во јавното здравство“, велат од „Влен“
„Вчера, на седницата на Владата, беа донесени две моќни одлуки со кои се нанесува директен удар врз хаосот и долгогодишната...
(Видео) Украинците: Соборивме авион за да можеме да разнесеме подморница
Безбедносната служба на Украина (СБУ) објави дека соборила модернизиран поморски извидувачки авион Ил-38Н „Sea Dragon“ во руската воздухопловна база во...
(Видео) Нова експлозија во Москва во близина на местото на кое пред два дена беше убиен генерал
Експлозија што се случи синоќа во јужниот дел од Москва уби три лица, вклучувајќи двајца припадници на руската сообраќајна полиција,...
Папата: Русија се чини дека го одбила барањето за примирје за Божиќ
Папата Лав XIV повика на еднодневно божиќно примирје низ целиот свет вчера вечер, без да спомене никаков конкретен конфликт, но...
