Свет
Русија верува дека Западот вештачки ги засилува тензиите во Персискиот Залив

Москва е загрижена поради зголемувањето на тензиите во Персискиот Залив и гледа обиди да се поттикнат овие тензии, изјави рускиот министер за надворешни работи, Сергеј Лавров, пренесува „Спунтик“.
„Гледаме дека некои наши западни колеги вештачки се обидуваат да ја разгорат ситуацијата. И Русија и Иран се спротивставуваат на ваквите обиди со предлог за воспоставување еднаква, заемно корисна соработка во овој важен регион “, рече Лавров на средбата со својот ирански колега Мохамед Џавад Зариф.
Изјавата следува откако Пентагон во неделата рече дека американската војска спровела серија напади кои биле насочени кон пет објекти на Катаиб Хезболах во Сирија и во Ирак.
„Како одговор на континуираните напади на Катаиб Хезболах (КХ) врз ирачки бази кои се домаќини на коалициските сили од оперрацјата Inherent Resolve (ОИР), американските сили спроведоа прецизни дефанзивни напади против пет објекти на КХ во Ирак и во Сирија кои ќе ја намалат способноста на групата да спроведува идни напади врз силите на ОИР “, рече портпаролот на Пентагон, Џонатан Хофман.
Катаиб Хезболах е ирачка шиитска паравоена група формирана за време на војната во Ирак како бунт против воената окупација на САД по инвазијата на САД во 2003 година.
Портпаролот на Кремљ, Дмитриј Песков, во меѓувреме изјави дека САД не ја известиле Русија за нападите врз објектите на Хезболах, вклучително и оние во Сирија.
Претходно годинава Лавров изјави дека Русија бара решение за тензиите во Персискиот Залив преку дијалог и без неосновани обвинувања.
„Нашиот придонес е ревидираниот руски концепт за колективна безбедност во регионот претставен ова лето“, рече Лавров во обраќањето пред Генералното собрание на ОН.
Кон крајот на јули руското МНР претстави, во услови на засилени тензии меѓу САД и Иран, ажурирана верзија на иницијативата наречена Колективен безбедносен концепт за регионот на Персискиот Залив, во која се предлага откажување од трајно распоредување трупи од вонрегионални држави во регионот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Пленковиќ: Хрватска не тргува со оружје и воена опрема со Израел

Хрватскиот премиер, Андреј Пленковиќ, денеска негираше дека Хрватска тргува со оружје со Израел, одговарајќи на барањето на хрватскиот претседател Зоран Милановиќ до владата да престане да тргува со оружје и воена опрема со таа земја.
Кога беше замолен да ја коментира изјавата на Милановиќ, Пленковиќ рече дека „нема трговија со оружје и воена опрема со Израел“, пренесува ХИНА.
Хрватското Министерство за одбрана во саботата објави дека официјален Загреб во моментов не набавува оружје за хрватската армија од Израел.
Свет
Силна бура погоди неколку области на Кина

Поројни дождови и бури погодија неколку области на Кина во текот на викендот, предизвикувајќи евакуација на над 300 жители во областите на градот Жаокинг во јужната покраина Гуангдонг и уривање на десетици патишта, објавија денеска кинеските медиуми.
Во таа област се урнаа 54 патишта, а издадени се предупредувања за зголемен ризик од поплави, објави агенцијата Синхуа.
Според метеоролозите, во градскиот округ Нанфенг се забележани рекордни врнежи од дожд од 258,7 милиметри.
Свет
Полска ги продолжи граничните контроли со Литванија и Германија до 4 октомври

Полска ги продолжи граничните контроли со Германија и Литванија за уште два месеци, до 4 октомври, и во петокот ја информираше Европската комисија за тоа, објави денес министерот за внатрешни работи и администрација Марчин Кервињски.
„Фактот дека нашата гранична ограда е 98 проценти ефикасна ги принуди белоруските и руските служби и службите за нелегална миграција да се префрлат на други рути. Денес, главната задача не само за нас, туку и за нашите партнери во Европската Унија е да ја блокираме, ако можам така да кажам, рутата што е префрлена на Литванија и Латвија“, изјави Кервињски пред новинарите.
Министерот за внатрешни работи потсети дека дури и во времето кога беа обновени контролите на тие две граници на Полска со нејзините соседи од Шенген зоната, се очекуваше тие да бидат продолжени иако првично беа воведени само за еден месец.
„Во септември, врз основа на податоците од Граничната стража, армијата и полицијата, ќе донесеме одлука дали ќе преземеме нови чекори или не“, рече Кервињски.
Во текот на четирите недели, колку што траат контролите, Полска одби да прифати 124 лица на границата со Германија, 61 на границата со Литванија, додека досега прифати да прифати 81 странец на границата со Германија, депортирани назад во Полска во согласност со европските прописи.
Најновите податоци до крајот на јули покажаа дека полските граничари на границата со Германија и Литванија провериле 328.000 луѓе и речиси 160.000 возила.
За време на контролите, на границата со Литванија беа уапсени 12 шверцери на луѓе, а од почетокот на годината, на источните граници на Полска беа уапсени вкупно 316 организатори на нелегални гранични преминувања.
Граничните контроли воведени од Германија кон крајот на 2023 година и од Полска од 7 јули се официјален одговор на Берлин и Варшава на домашната политичка криза кога радикалната десница и екстремистите, во Германија AfD и во Полска целата опозициска десница, со сесрдна поддршка од претседателот во заминување и новоизбраниот врз основа на кампањата на американскиот претседател Доналд Трамп, го користат спектарот на нелегални мигранти за да предизвикаат политичка криза и недоверба во владата.
Со контролите на границата со Литванија, проевропската центристичка влада на премиерот Доналд Туск реагира на промената на рутата на нелегалната миграција низ Русија и Белорусија, бидејќи владата на Туск дополнително обезбеди граница и ограда висока 5,5 метри на источната граница, а сега мигрантите влегуваат во Европската Унија преку балтичките земји.
Полските власти неколку пати најавија дека контролите на западната граница ќе останат сè додека не бидат укинати од Германија.