Свират и се исмејуваат на американската химна, ги откажуваат одморите во САД и ги бојкотираат американските производи: Канаѓаните на заканите за царини на американскиот претседател Доналд Трамп одговараат со гнев и патриотски шопинг.

„Сметам дека она што Доналд Трамп и го прави на Канада е апсолутно одвратно“, рече Хјугет Бодоен.

Талкајќи низ супермаркет во Монтреал, 80-годишната жена застанала внимателно да ја проучи етикетата на пакувањето супа од кромид за да утврди дали е направено во САД.

Купувањето американски производи за неа, како и многу други, сега не доаѓа предвид, дури и ако тоа значи дека ќе мора да се одрече од нешто.

„Мораме да реагираме“, рече таа.

Трамп, кој овој месец триумфално се врати во Белата куќа, најави воведување царини од 25 отсто на увозот од Канада, обвинувајќи ја Отава дека не прави доволно за сузбивање на илегалната имиграција и шверцот со фентанил.

Канадскиот премиер Џастин Трудо во понеделникот изјави дека американските царини, кои требаше да стапат на сила во вторник, ќе бидат одложени за 30 дена, откако му вети на Трамп дека ќе ги заостри безбедносните мерки на границата со САД, ќе назначи службеник за борба против фентанил и за сузбивање на перењето пари.

Но, во својата прва реакција, тој најави одмазднички царини, повикувајќи ги Канаѓаните да купуваат локално и да размислат да го поминат својот одмор во Канада наместо во САД.

Изгледа го слушаа. Неколку луѓе од различни градови со кои разговараше АФП пред да се објави суспензијата на санкциите рекоа дека ќе го направат токму тоа.

Памела Тенант, која живее во Онтарио, планираше да ја посети Јужна Каролина во март, но се предомисли, налутена од нападите на Трамп.

„Се плашам дека Американците на крај ќе поверуваат во она што го зборува Трамп“, рече таа. „Не смета за лош сосед. На целиот свет му кажува дека сме лоши луѓе и дека ги искористуваме“, но тоа е „се лага“.

На социјалните мрежи кружи список на американски производи кои треба да се бојкотираат.

Неколку провинции, вклучително и Онтарио, која продава американски алкохолни пијалоци во вредност од 1 милијарда долари секоја година, соопштија дека веднаш ќе престанат да продаваат американско пиво, вино и алкохолни пијалоци во знак на протест.

„Не ја започнавме оваа битка, но ќе ја добиеме“, изјави во понеделникот премиерот на Онтарио, Даг Форд.

Бојкотот ќе има влијание врз американските производители и бизниси, но Канада се уште е „релативно мал пазар“ за нив, така што ќе биде „првенствено симболичен“, вели Џулиен Фредерик Мартин, професор по економија на Универзитетот во Квебек во Монтреал.

Но, престанокот на пристигнувањето на канадските туристи „може да има значително економско влијание“ врз американските држави како Мејн, Флорида, Калифорнија и Аризона, рече Лорн Шихан, професор на Универзитетот Далхози, специјализиран за туризам.

САД се главната дестинација за одмор за Канаѓаните. Во 2023 година беа направени повеќе од 25 милиони посети за работа, одмор или шопинг.

At the Raptors game in Toronto, the crowd booed the U.S. National Anthem before playing against the Clippers.
pic.twitter.com/G1eM00RpWs

— Made In Canada (@MadelnCanada) February 2, 2025

И канадските навивачи изразија гнев, исвиркувајќи ја американската химна на кошаркарскиот НБА натпревар на Торонто Репторс против Лос Анџелес Клиперс на нивниот домашен терен во неделата.

Американскиот претседател Доналд Трамп вчера изјави дека им наредил на своите советници да го уништат Иран во случај на атентат врз него.

„Ако го сторат тоа, тие ќе бидат уништени“, им рече Трамп на новинарите додека потпишуваше извршна наредба со која и се наредува на американската влада да наметне максимален притисок врз Техеран. „Оставив инструкции – ако го направат ова, ќе бидат уништени, нема да остане ништо“, додаде тој.

Во случај на смрт на Трамп, потпретседателот Џеј Ди Венс ќе ја преземе претседателската функција, но не мора да биде обврзан да ги следи упатствата што ги остави неговиот претходник, според АП.

Американските федерални власти со години ги следат иранските закани кон Трамп и другите функционери во неговата администрација. Во 2020 година, Трамп нареди атентат на Касем Сулејмани, командант на силите Кудс на Иранската револуционерна гарда.

Иранската закана за Трамп доведе до засилени безбедносни мерки во деновите пред неговиот предизборен митинг во Пенсилванија во јули, каде што беше погоден со куршум во увото, според американски официјални лица. Меѓутоа, тогаш властите рекоа дека не веруваат дека Иран е поврзан со обидот за атентат.

Американското Министерство за правда во ноември објави дека е спречен иранскиот заговор за атентат на Трамп пред претседателските избори.

Пред два дена, 15-годишниот ученик Харви Вилгус беше избоден до смрт во католичкото средно училиште „Сите Светци“ во Шефилд. И покрај напорите на медицинскиот персонал, Харви починал набргу по инцидентот. Вториот 15-годишен ученик е уапсен под сомнение за убиство и моментално е во притвор, пишува „Скај њуз“.

„Го одобривме обвинението за убиство против 15-годишно момче во врска со смртта на Харви Вилгус (15) во католичкото средно училиште „Ол Сентс“ на 3 февруари.

Училиштето беше затворено по инцидентот, а учениците беа испратени дома во мали групи. Полицијата ја повика јавноста да избегнува шпекулации на интернет и да не го открива идентитетот на малолетниот осомничен, со цел да се обезбеди правично судење. Тие, исто така, објавија дека Харви се здобил со сериозни повреди и покрај напорите на медицинскиот персонал, починал набргу по пристигнувањето на итната помош.

Неговата сестра Софи Вилгус му оддаде почит, велејќи дека нејзиното срце е скршено на милион парчиња. Семејството на Харви го опиша како грижлив и хумористичен млад човек и изрази длабока тага поради неговата загуба. Настанот предизвика шок и тага во заедницата, при што многумина му оддадоа почит на Харви со положување цвеќе и пораки надвор од училиштето. Сочувство изрази и британскиот премиер.

Инцидентот се случи откако учениците од средното католичко училиште кое беше оценето добро од Офстед во 2023 година за безбедносни стандарди, беа принудени да се сокријат под нивните клупи минатата недела поради заканувачки однесување од мала група ученици. Полицијата во Јужен Јоркшир соопшти дека интензивно работи на составување целосна слика за тоа како се одвивала оваа трагедија.