Свет
Русија го надградува својот најмоќен радар додека го чува на борбена должност
Руските специјалисти го надградуваат најмоќниот радар со долг опсег „дарјал“ во градот Печора, во северозападниот дел на Република Коми, без да го повлечат од борбената должност на која е 35 години, пренесува ТАСС.
„Денес успешно ја продолжуваме работата за подобрување на оперативните карактеристики на локаторот без загрозување на режимот на борбена должност”, соопшти директорот на радиотехничкиот институт „Минтс“, Александар Осипов.
„Минтс“ е дел од изведувачот за одбрана RTI Systems.
Како што објави RTI, денес овој радар го контролира воздушниот простор до северниот брег на Алјаска и Канада, целосно го опфаќа Гренланд и делумно Исланд.
„Денес радарот во Печора е подложен на длабока модернизација и е единствениот оперативен радар од класата ‘дарјал'”, истакнаа од RTI.
„Дарјал“ е единствениот радар способен да ги идентификува малите цели на голема оддалеченост. Може да ги следи дури и леталата во високиот орбитален простор во геостационарните орбити.
Зградата на радарот е висока стотина метри, а локаторот е еквивалентен на град со население од 100 000 луѓе според капацитетот на неговата потрошувачка на енергија и снабдување со вода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русите пак ја нападнаа Украина, има загинати
Украина пријави нов руски напад врз нејзината енергетска инфраструктура во текот на ноќта, во кој едно лице загина, а неколку региони останаа без струја. На пат кон освојување на важниот логистички центар Покровск на исток, руската војска ги интензивира и воздушните напади врз гасните и енергетските постројки низ цела Украина, зголемувајќи ги стравувањата од сурова зима за цивилите со падот на температурите.
„Непријателот повторно започнува масовен напад врз енергетската инфраструктура на Украина. Затоа се воведени вонредни прекини на електричната енергија во голем број региони“, изјави министерката за енергетика Свитлана Гринчук на Фејсбук.
🤬 Russians massively attacked Dnipro and its suburbs with kamikaze drones. One of the drones punched through a residential block, collapsing several floors.
Eyewitnesses have shared photos of the aftermath. pic.twitter.com/6vIC0HsbYY
— Denys from Kharkiv (@GlushkoDenys) November 7, 2025
Свет
Руската воздушна одбрана соборила 79 украински дронови
Руската воздушна одбрана соборила 79 украински дронови во текот на ноќта, соопшти руското Министерство за одбрана.
– Во текот на изминатата ноќ, силите на воздушната одбрана на должност пресретнаа и уништија 79 украински беспилотни летала од авионски тип. Вкупно 36 беа над територијата на Ростовскиот регион, 10 над територијата на Брјанскиот регион, 9 над територијата на Курскиот регион, се вели во соопштението на министерството.
Свет
САД ги укинаа санкциите против сирискиот претседател
САД денес ги укинаа санкциите врз сирискиот претседател Ахмед ал-Шариа, само неколку дена пред неговата средба со американскиот претседател Доналд Трамп.
Според белешката на веб-страницата на американското Министерство за финансии, САД ги отстранија ознаките за глобални терористи од ал-Шариа и сирискиот министер за внатрешни работи Анас Хатаб. Велика Британија, исто така, денес ги укина санкциите врз сирискиот претседател, еден ден откако Советот за безбедност на ОН го стори истото.
Портпаролот на Европската унија денес изјави дека одлуката на ОН ќе влијае и врз мерките на ЕУ. Ал-Шариа и Хатаб претходно беа под финансиски санкции кои беа насочени кон Исламска држава и Ал Каеда.
фотo: принтскрин

