Свет
Русија прогласи вонредна состојба во областа Курск
Русија денеска прогласи вонредна состојба во областа Курск, каде што веќе четири дена траат судирите со украинските војници.
Одлуката Министерството за вонредни состојби ја соопшти по седницата на владината комисија за превенција и отстранување вонредни ситуации.
„Во разговорот беше опфатена ситуацијата во областа Курск поради нападот на украинските вооружени сили. Во регионот е воспоставено федерално ниво на одговор“, се вели во соопштението.
Во текот на ноќта кон вторникот Украина го засили гранатирањето на областа Курск. Артилерискиот бараж беше проследен со упад на украинската пешадија, поддржана од тенкови и оклопни возила, во близина на градот Суџа.
Руското Министерство за одбрана во вторникот соопшти дека 300 украински војници, 11 тенка и 20 оклопни возила ја преминале руската граница, но во средата началникот на рускиот Генералштаб, Валериј Герасимов, тврдеше дека околу 1.000 украински војници биле вклучени во битката.
Експертите веруваат дека има неколку можни цели за нападот, вклучително и уништување на клучната транзитна точка за испорака на руски гас во Европа, одвлекување на вниманието на руската команда од Донбас, прекинување на железничката рута за снабдување на руските сили во регионот Харков во Украина и зајакнување на моралот на украинската војска.
Руските власти изразија загриженост за нуклеарната централа „Курск“, која се наоѓа во близина на борбите, и наводно ја зајакнале безбедноста, соопшти Рускиот гардиски корпус.
Локалните власти во областа Курск соопштија дека во украинскиот напад загинале пет цивили, меѓу кои и болничар, возач на брза помош и 24-годишна трудница, а 66 лица се повредени, меѓу кои и шест деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.