Свет
Русија распиша меѓународна потерница по убиецот на Дарја Дугина
Русија издаде меѓународна потерница за Наталија Вовк, која е обвинета за убиство на руската новинарка и политиколог Дарја Дугина.
Како што е соопштено за „Спутник“, Московскиот градски суд наредил Наталија Вовк да биде притворена два месеца по нејзиното апсење на територијата на Русија или екстрадиција.
Наталија Вовк е обвинета за убиство извршено од група лица, мотивирано од политичка или друга омраза. Во Русија ѝ се заканува затворска казна од осум до 20 години.
Дарја Дугина загина на 20 август кога експлодирал автомобилот што го возела. Таа починала на самото место. Автомобилот експлодирал кога врз него била поставена активирана експлозивна направа. Федералната служба за безбедност на Русија соопшти дека зад убиството на руската новинарка стојат украински специјални служби, а сторител е украинската државјанка Наталија Вовк, која со ќерката пристигнала во Русија на 23 јули.
Според информациите на ФСБ, кога автомобилот во кој се наоѓала Дугина бил кренат во воздух, Наталија Вовк и нејзината ќерка отпатувале за Естонија преку регионот Псков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото) Илјадници луѓе се збогуваа со џиновските панди кои заминуваат од Токио на лекување во Кина
Две џиновски панди , кои живееле во зоолошката градина во Токио 13 години, денеска се вратиле на лекување во Кина , а илјадници луѓе се збогувале од нив пред нивното заминување.
Мажот Ри Ри и женката Шин Шин, двајцата на 19 години, пристигнаа во зоолошката градина Уено во Токио во февруари 2011 година и неодамна се лекуваа од висок крвен притисок во поодминати години, соопштија градските власти.
Пандите рано утринава го напуштиле претходниот дом и биле качени во авион за Кина, каде што ќе бидат сместени во огромен резерват за панди во југоисточната провинција Сечуан, каде што се родени.
Околу 2.000 луѓе, од кои некои цела ноќ чекаа во ред, вчера ја посетија зоолошката градина Уено за последен пат да ги видат своите миленици и да се збогуваат со нив.
За време на престојот во Токио, Шин Шин родила четири младенчиња.
Во светот има вкупно околу 1.600 панди, од кои само триесетина живеат во зоолошки градини надвор од Кина.
Свет
(Видео) Израел повторно го напаѓа Бејрут
Израелската војска соопшти дека извршила напад врз Бејрут, Либан.
Според очевидци на Ројтерс, се слушна силна експлозија, а од јужните предградија на градот се крена облак чад.
Израел рече дека нападот бил „прецизен“ и дека цел бил областа Дахиех.
Тоа беше истиот дел од градот каде што Израел го уби лидерот на Хезболах Хасан Насрала во петокот.
#Israeli military has carried out new air attacks on Lebanon, including #Dahiyeh, the southern suburb of the capital #Beirut. pic.twitter.com/tI1dqQbXIE
— WAR & CRIME WORLD NEWS (@WARCRIMENEWS) September 29, 2024
Свет
Телото на лидерот на Хезболах е извлечено од урнатините
Телото на лидерот на Хезболах Хасан Насрала е пронајдено, изјавија два извори за Ројтерс.
Медицински и безбедносни извор изјави дека „неговото тело е пронајдено недопрено“ на местото на израелскиот воздушен напад врз јужното предградие на Бејрут.
„Тој немаше директни рани и се чини дека причината за смртта е траума од тапа сила од силината на експлозијата“, велат тие.
Во моментов не е возможно независно да се проверат овие тврдења.