Свет
Рухани ги обвинува Израел и САД за смртоносната бомба во Иран
Иранскиот претседател Хасан Рухани ги обвини Израел и САД дека стојат зад самоубиствен бомбашки напад во четвртокот во југоисточниот дел на Иран во кој загинаа 27 припадници на Иранската револуционерна гарда и вети одмазда против Џаиш ал-Адл, “платеничката група” која наводно го извршила нападот во нивно име, пренесува Ројтерс.
„Ова злосторство ќе остане како валкана дамка во црното досие на главните поддржувачи на тероризмот во Белата куќа, Тел Авив и нивните регионални агенти”, изјави тој.
Ќе се погрижиме оваа платеничка група да плати за крвта на нашите маченици. Главниот корен на тероризмот во регионот се Америка и ционистите, а некои земји што произведуваат нафта во регионот исто така финансиски ги поддржуваат терористите”, додаде Рухани за ИРНА.
Врховниот лидер, ајатолахот Али Камнеи, објави тврдење дека сторителите на нападот се поврзани со шпионски организации.
„Постои врска помеѓу ова злосторство и некои регионални и меѓународни шпионски и разузнавачки агенции”, посочи Хамнеи.
Бомбата, која беше насочена кон автобус на Револуционерната гарда, е една од најсмртоносните во Иран во последниве години. Рухани ги повика другите земји во регионот да се борат против тероризмот.
„Ако ова продолжи , а тие не можат да ги сопрат терористите, јасно е – врз основа на меѓународното право – дека имаме одредени права и ќе постапиме по нив во соодветно време”, рече тој.
Нападот се совпадна со конференцијата за Блискиот Исток во Полска организирана од САД во обид да го зголемат притисокот врз Техеран. Министерот за надворешни работи, Мохамед Џавад Зариф, ја нарече конференцијата „Варшавски циркус” и нагласи:
„Соработници на истите тие терористи се радуваа на улиците на Варшава и го поддржуваа нападот со твитер-ботови? САД се чини дека секогаш го прават истиот погрешен избор, но очекуваат различни резултати “.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Крстевски: Во првиот круг Росоман покажа дека сака промени, а во втор круг уште помасовно да излеземе и да го заокружиме бројот 9 за општината да се развива
Денес Росоман повторно покажува дека не се плаши од промени, дека знае да се бори за својата иднина. Во првиот круг ја видовме силата на народот со јасна порака: Росоман сака промени! Росоман сака работа и резултати, вели кандидатот за градоначалник на ВМРО-ДПМНЕ за општина Росоман, Ѓорѓи Крстевски на денешниот настан во општина Росоман, под слоганот „Вистинскиот избор! Твојот човек! Твоето место! За твојата иднина!“, во рамките на изборната кампања за вториот круг од локалните избори кои ќе се одржат 2 ноември.
Крстевски посочи дека тие што со години владееле со лаги, со притисоци и со страв нека знаат дека времето им завршува, дека народот се биди и не се заплашува, а кога Росоман ќе се разбуди, тогаш нема сила што може да го запре.
Понатаму, Крстевски додаде дека во вториот круг нема калкулации и дека има само две страни, едната на страната на народот, а другата на страната на корупцијата, на страната на иднината, или на страната на минатото.
Ние стоиме со народот, вели Крстевски и затоа, пред сите вас, ветувам дека во наредниот период ќе реализираме проекти што ќе ја променат општината.
„Заедно со градоначалникот Митко Јанчев и општина Кавадарци, ќе воведеме годишна карта за Паркинг од 800 денари за сите жители на општина Росоман и бесплатен превоз за сите пензионери кои ќе го користат Јавниот превоз. Ќе обезбедиме храна за дечињата во основното училиште, а не како сега во спотови. Ќе се обезбедат бесплатни униформи а не како до сега родителите да бидат изложени на дополнителни трошоци притиснати од раководството на општината. Заедно со АД Водостопанство ќе отвориме подрачна канцеларија во Росоман, ќе се воспостави кол центар 24/7 каде граѓаните ќе ги пријават своите проблемите, а за сите семејства од социјален ризик ќе воведеме бесплатна градинка“, рече Крстевски.
Додаде дека заедно со Владата и министерството за транспорт и врски, се обврзуваме дека ќе ја направиме клучката и долгоочекуваниот проблем во Сирково, конечно да се реши.
„Ова не се само ветувања ова се конкретни дела што ќе ги почувствува секое семејство, секој земјоделец, секој млад човек што сака да остане во Росоман. Ќе изградиме општина која ќе биде пример за чесност, работа и одговорност. Ќе ставиме крај на расипништвото, на поделбите, на стравот. Ќе покажеме дека кога народот се обединува, нема сила што може да го победи“, истакна Крстевски.
Крстевски повика на 2 ноември да се излезе масовно на гласање и да се заокружи бројот 9, за да покаже Росоман дека избира иднина, не минато, а со тоа ќе се покаже дека народот е посилен од партиските вработувања, од притисоците и од лагите.
Свет
Шпанија не се предава! Повторно ќе бара од Европа да се престане со поместувањето на часовниците на лето и зима
Шпанија повторно ќе се обиде да предложи промената на времето од летно кон зимско и обратно да се укине во Европската Унија од 2026 година. Како што истакна шпанскиот премиер Педро Санчез, тоа е „застарена практика“ која „веќе не штеди енергија“ и „предизвикува непријатност и негативни здравствени ефекти“.
Во сите анкети спроведени во Шпанија и низ цела Европа, мнозинството се против летното и зимското сметање на времето, истакна Санчез. Сепак, во изјавите на премиерот, не е јасно која од временските зони ќе ја задржи Шпанија.
Летното сметање на времето завршува во ноќва, кога стрелките ќе се поместат еден час назад.
Во 2018 година, граѓаните на Европската Унија се изјаснија дека се за укинување на промената на времето – повеќе од 80 проценти од 4,6 милиони учесници во анкетата се изјаснија позитивно. Европскиот парламент, исто така, со огромно мнозинство го поддржа предлогот. Но, сè уште се чека одобрение од 27-те земји-членки на ЕУ кои воопшто не го разгледале предлогот од 2018 година.
Свет
Мадуро: САД измислуваат нова војна, носачот на авиони „Џералд Р. Форд“ испратен на Карибите
Претседателот на Венецуела, Николас Мадуро, ја обвини администрацијата на Доналд Трамп дека „измислува нова војна“, откако САД испратија воен носач на авиони во Карипското Море.
Според „Би-Би-Си“, најголемиот американски носач на авиони, USS Gerald R. Ford, кој може да носи до 90 летала, претставува значително зголемување на американското воено присуство во регионот.
Вашингтон тврди дека операцијата е насочена против трговијата со дрога и дека веќе се изведени неколку воздушни напади врз криминални организации. Трамп го обвини Мадуро дека е лидер на нaрко-картел, што венецуелскиот претседател категорично го негира.
Мадуро предупреди дека САД бараат нов вечен конфликт и потсети дека ветиле дека нема да се впуштаат во нови војни. Аналитичарите наведуваат дека толку големо воено присуство не е потребно за операции против дрога и го толкуваат како обид за притисок врз режимот во Каракас.
Американскиот Конгрес, вклучително и дел од републиканците, изразија загриженост за законитоста на нападите и овластувањата на претседателот, предупредувајќи дека Белата куќа ја узурпира контролата врз употребата на воена сила.

