Свет
САД ги проширија санкциите кон Русија

Соединетите Американски Држави значително ги проширија санкциите против Русија, кои се насочени и кон компании со седиште во Кина кои продаваат полупроводници на Москва.
Меѓу другото, американското Министерство за финансии соопшти дека го зголемува „ризикот од секундарни санкции за странските финансиски институции кои соработуваат со руската воена економија“, а со тоа им се заканува со губење на пристапот до американскиот финансиски систем.
САД, исто така, сакаат да ја ограничат способноста на руската воена индустрија да користи одредени американски софтвери и услуги за информатичка технологија. Повеќе од 300 поединци и субјекти се санкционирани во Русија и пошироко, вклучително и во Азија, Европа и Африка.
Одделно, Министерството за економија соопшти дека ги санкционира компаниите од Хонг Конг кои ја снабдуваат Русија со полупроводници, преземајќи чекори кои би можеле да влијаат на протокот на опрема вредна речиси 100 милиони долари во Москва.
„Денешните дејства ги погодуваат преостанатите рути за меѓународни материјали и опрема, вклучително и нивното потпирање на критична опрема од трети земји“, рече секретарот за финансии Џенет Јелен.
Ова го соопштија САД на денот кога претседателот Џо Бајден замина на состанокот на форматот Г7 на југот на Италија. Еден од главните приоритети на седумте лидери ќе биде зајакнувањето на поддршката за Украина, која сега е во третата година на отпор кон руската инвазија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски вели дека украинската армија ги продолжува операциите во рускиот регион Курск

Претседателот на Украина, Володимир Зеленски денеска изјави дека украинската армија ги продолжува операциите во рускиот регион Курск.
– Нашите сили ги продолжуваат активните одбранбени операции во одредени подрачја на (руските) области Курск и Белгородск, истакна Зеленски.
Рускиот претседател Владимир Путин вчера изјави Курск е целосно ослободен.
Русија повторно воспостави контрола над Курск. Авантурата на режимот на Киев целосно пропадна, изјави вчера Путин.
Претставници на украинската армија вчера ги демантираа тврдењата на Путин и на Генералштабот на руската армија дека Курск е ослободен.
Свет
Русија лансираше 97 беспилотни летала во неколку региони низ Украина

Во текот на ноќта, Русија лансираше 97 беспилотни летала во неколку региони низ Украина, соопштија Воздухопловните сили на вооружените сили на Украина.
Воздухопловните сили објавија на Телеграм дека украинските сили собориле 66 руски беспилотни летала во текот на ноќта.
Во голем број украински региони е прогласена воздушна опасност поради лансирање руски беспилотни летала, вклучувајќи ги Полтавската и Харковската област, Одеса, Киев, Суми, Чернигов, Днепропетровск и Запорожје
Свет
Од денеска за верниците се отвора гробницата на папата Франциско во базиликата Санта Марија Маџоре во Рим

Од денеска гробницата на папата Франциско во базиликата Санта Марија Маџоре во Рим ќе биде отворена за верниците, соопшти Ватикан.
Папата, кој почина на 88-годишна возраст на 21 април од мозочен удар, беше погребан вчера во гробница одвоена помеѓу две капели во римската базилика, по церемонија на жалост одржана во Ватикан. Церемонијата на поставување на ковчегот траеше околу половина час.
На погребот во базиликата Санта Марија Маџоре присуствуваа само најблиските, а едноставниот, дрвен ковчег на папата беше пречекан со ѕвона.
На мисата во Ватикан, според официјалните податоци од Ватикан, присуствуваа околу 250.000 луѓе, како и 170 странски делегации. Меѓу нив имаше шефови на држави и влади, монарси, поранешни државници, политичари од Италија и други земји, интелектуалци, уметници. Подоцна, италијанскиот министер за внатрешни работи Матео Пјантедози изјави дека најмалку 400.000 луѓе присуствувале на погребот на папата Франциск, собрани на плоштадот „Свети Петар“ и по улиците на Рим.
Целиот настан го следеа околу 2.700 акредитирани новинари.