Свет
САД и сојузниците најавија испраќање тешко оружје во Украина

Соединетите Држави и нивните сојузници ветија нова испорака на потешко оружје за Украина на денешниот состанок во германската воздухопловна база и ја отфрлија заканата на Москва дека нивната поддршка за Киев може да доведе до нуклеарна војна.
Неодамна, Американците одобрија испораки со оружје во вредност од стотици милиони долари, вклучувајќи артилерија и беспилотни летала што одбиваа да ги испратат во претходните фази на војната, а сега сакаат и нивните сојузници да го сторат истото.
„Земјите ширум светот се обединети во нивната решеност да ја поддржат Украина во нејзината борба против руската империјалистичка агресија“, изјави американскиот секретар за одбрана Лојд Остин пред претставниците од повеќе од 40 земји во воздухопловната база Рамштајн во Германија, седиштето на американските воздухопловни сили во Европа.
„Украина очигледно верува дека може да победи, а исто така и сите овде“, рече Остин, најавувајќи вакви состаноци секој месец.
„Денешниот состанок ќе стане контакт група за одбраната на Украина која ќе се состанува секој месец“, рече Остин, пренесе АФП.
Германија ја промени досегашната политика и денеска најави дека во Украина ќе испрати лесни тенкови со противвоздушни топови.
Марк Мајли, началникот на Здружениот генералштаб на САД, им рече на новинарите дека следните неколку недели во Украина ќе бидат „многу, многу критични“.
„Потребна им е постојана поддршка за да бидат успешни на бојното поле“, рече тој, додавајќи дека конференцијата има и за цел да ја координира воената помош за Украина, вклучувајќи тешко оружје.
Остин, кој во неделата го посети Киев заедно со американскиот државен секретар Антони Блинкен, изјави вчера: „Сакаме да ја видиме Русија ослабена до тој степен што не може да ги прави работите што ги направи при инвазијата на Украина“.
Германија, најголемиот руски потрошувач на енергија, исто така рече дека се надева оти ќе ја елиминира руската нафта од своите резерви во рок од неколку дена
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски: Договорот за минералите е прв резултат од мојата средба со Трамп во Ватикан

Украинскиот претседател, Володимир Зеленски, денеска го нарече историски договорот за минерали меѓу САД и Украина.
„Ова е првиот опиплив исход од средбата во Ватикан, што навистина го прави историски“, објави Зеленски, осврнувајќи се на разговорот со американскиот претседател, Доналд Трамп, на маргините на погребот на папата Франциско во саботата.
Договорот наскоро треба да биде ратификуван од украинскиот парламент.
Според договорот, Украина ќе обезбеди вредни природни ресурси за да може Вашингтон да продолжи да го поддржува Киев во одбраната на земјата од руската инвазија.
„Договорот значително се промени за време на подготвителниот процес. Сега станува збор за навистина еднакво партнерство, кое создава можности за значителни инвестиции во Украина и значајна модернизација на украинските индустрии и, што е подеднакво важно, нејзините правни практики“, рече Зеленски во неговото вечерно обраќање.
„Договорот не предвидува задолжување. Тој предвидува формирање фонд за реконструкција кој ќе инвестира во Украина и ќе генерира профит. Тоа значи дека ќе работиме заедно со Америка, врз основа на фер услови, обезбедувајќи Украина и САД, кои ни помагаат во одбраната, да заработат пари во ова партнерство“, рече Зеленски.
Договорот, како што додаде, е клучен и за напорите на Киев да ги поправи односите со Трамп и Белата куќа, кои се влошија откако тој ја презеде функцијата во јануари.
Свет
Експлозија во теретана во Виена, повредени пожарникари

ЕНеколку лица се повредени по експлозија, а потоа и пожар во теретана во Виена.
Се сомнева дека експлозијата се случила во сауната на теретаната.
Набргу по експлозијата избувнал пожар.
На местото на настанот брзо пристигнале пожарникарите и брзата помош. Пожарникарите успеале да влезат во салата, а недолго потоа дошло до експлозија. Притисокот од експлозијата оддалечил двајца пожарникари и тие потоа биле повредени.
Друга екипа на пожарникари успеала навреме да го запре пожарот.
Свет
(Видео) Турската полиција на нозе: приведени 384 лица по судирите на протестите

Турската полиција приведе 384 лица кои учествуваа на денешните првомајски собири по судирите со полицијата поради забраната за јавни собири на плоштадот Таксим, соопшти Кабинетот на гувернерот на Истанбул.
Демонстрантите се обидоа да маршираат кон централниот градски плоштад Таксим и беа блокирани и туркани од полицијата, што доведе до судири додека демонстрантите се обидоа да ги пробијат барикадите, објави Ројтерс.
people who carried out a labor day protest in Turkey are detained. Lawyers who come to defend people are not taken to courthouse. Lawyers in Turkey are not taken to the courthouse #ViolenceInTaksim pic.twitter.com/lVWUmGfTot
— T26 (@sendevletmis_26) May 1, 2025
На видеата се гледаат судири меѓу полицијата во антидемонстративна опрема и насобраниот народ.
Синдикатите и невладините организации повикаа на протести и марш во Истанбул, каде во последните недели имаше масовни демонстрации поради приведувањето на градоначалникот и главниот политички ривал на турскиот претседател Реџеп Таип Ердоган, Екрем Имамоглу.
Илјадници луѓе се собраа денеска во Анкара на главно мирни маршеви и демонстрации, а собири се одржаа и во други турски градови.