Свет
САД и Јужна Кореја потпишаа договор за слободна трговија
Американскиот и јужнокорејскиот претседател, Доналд Трамп и Мун Џае-ин, потпишаа договор за слободна трговија.
Трамп договорот го нарече историска пресвртница во трговијата.
Тој посака нови преговори за трговски договори со повеќе земји во светот, а смета дека ревидираниот договор со Јужна Кореја ќе ги намали бирократските пречки и ќе го зголеми просперитетот во двете земји.
Трамп рече и дека договорот ќе го намали трговскиот дефицит помеѓу Соединетите Американски Држави и Јужна Кореја и ќе отвори ниво можности за извоз на американски производи во тие земји, пред сè, автомобилските, фармацевтските и земјоделските производи.
„Нашите две земји поставија пример за пријателство и соработка на полето на трговијата, каков што ретко се гледа во овие времиња“, наведе Трамп.
По потпишувањето, Мун рече дека компаниите во двете земји ќе може да работат под стабилни услови. Тој додаде дека се надева оти ревидираниот договор со САД ќе помогне билатералната соработка да се зацврсти и во други области.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.