Свет
САД купуваат 200 милиони дополнителни дози од вакцината на „Фајзер“

„Фајзер“ и германскиот партнер „Бионтек“ во петокот објавија дека американската влада купува 200 милиони дополнителни дози на вакцината против Ковид-19 и би можеле да ја набават и новата верзија на вакцината насочена кон новите варијанти на вирусот.
Со тоа, вкупниот број на дози наменети за Соединетите Држави изнесува 500 милиони, со приближно 208 милиони дози веќе доставени, според владините податоци.
„Фајзер“ минатата година потпиша договор со американската влада за 100 милиони дози на вакцина за речиси 2 милијарди долари, со опција за купување на други 500 милиони дози.
Повеќето од новите дози ќе бидат испорачани до крајот на годината, а останатите 90 милиони ќе бидат доставени до 30 април следната година.
Директорот на Центарот за контрола и превенција на болести во САД во четвртокот рече дека просекот на нови случаи во САД во седум дена пораснал за 53 проценти во однос на претходната недела.
Делта-варијантата на вирусот, најдена во Индија, е присутна во повеќе од 80 проценти од новите случаи на национално ниво.
„Фајзер“ објави претходно овој месец дека компаниите планираат да побараат одобрување од регулаторите на САД и Европа за дополнителни дози на вакцината против „Ковид-19“
Компаниите смислија нова верзија на вакцината насочена кон делта-варијантата, која планираат да ја тестираат во наредните недели, но наведоа дека сегашната вакцина може да обезбеди и заштита од таа варијанта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Канадскиот премиер: Путин се плаши

Канадскиот премиер Марк Карни, на заедничка прес-конференција со германскиот канцелар Фридрих Мерц, рече дека Владимир Путин се плаши да се сретне со Володимир Зеленски за да разговара за условите за завршување на војната.
Карни истакнува дека Зеленски е подготвен за средба со Путин на која било неутрална територија. Тој, исто така, вели дека Зеленски не очекува Путин да дојде во Киев или дека самиот ќе патува во Москва за таква средба.
„Сепак, секоја неутрална локација би била прифатлива“, рече Карни.
Тој додаде дека е клучно сојузниците да продолжат да ѝ даваат поддршка на Украина додека не се одржи тој состанок.
Фото: ЕПА
Свет
Пукање во католичко училиште во САД: две деца убиени, напаѓачот се самоубил

Најмалку две лица се убиени, а 20 се повредени во пукање во католичкото училиште „Благовештение“ во Минеаполис, Минесота, САД, потврди полицијата.
Како што е потврдено, две деца, на возраст од 8 и 10 години, се убиени.
More than 20 people were injured and at least two were killed in a tragic shooting incident at Annunciation Catholic Church and its school, located in the southeast neighborhood of Minneapolis, Minnesota, USA, during a morning school Mass.
Among the injured, at least 14 people… pic.twitter.com/9f9WTH2Dof— khaled mahmoued (@khaledmahmoued1) August 27, 2025
Напаѓачот е исто така мртов. Полицијата верува дека напаѓачот, кој си го одзел животот на паркингот пред училиштето, дејствувал сам. Полицијата соопшти дека имал околу 20 години, но сè уште не е познато дали бил поранешен ученик во училиштето.
Вооружен со три оружја, вооружениот човек отворил оган низ прозорците кон децата и другите верници за време на мисата по повод првата недела од школувањето по празниците.
Гувернерот на Минесота, Тим Волц, потврди дека пукањето се случило во католичко училиште и го опиша инцидентот како „страшен чин на насилство“.
Претседателот на САД, Доналд Трамп, објави дека е целосно информиран за инцидентот и дека ФБИ брзо реагира и е на местото на настанот. „Молете се за сите погодени“, напиша Трамп на Truth Social.
Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.