Свет
САД се заканија со сериозни последици ако Венецуела го уапси ‘претседателот’ Гуаидо

Американскиот советник за национална безбедност, Џон Болтон, ја предупреди владата во Каракас, што тој ја нарече нелегитимна, да не му фали ни влакно на Хуан Гваидо, опозиционерот што Вашингтон го смета за претседател на Венецуела.
„Дозволете ми да повторам – ќе има сериозни последици за оние што се обидуваат да ја поткопаат демократијата и да му наштетат на Гваидо”, се закани Болтон во вторникот, обраќајќи му се на државниот јавен обвинител на Венецуела, за кој рече дека му се заканува на самопрогласениот претседател.
Заканите од Болтон доаѓаат откако јавниот обвинител Терек Вилијам Саб вчера побара на Гуаидо, да му биде забрането да ја напушти земјата врз основа на кривичната истрага за неговите антивладини активности кои го загрозуваат уставниот поредок. Властите може да ги замрзнат банкарските сметки на Гуаидо и да го спречат да ја напушти земјата.
Во понеделникот, Болтон и секретарот за финансии, Стивен Мнучин, најавија дека САД ќе ги искористат сите средства на нафтената компанија ПДВСА, и ќе ги насочат кон сметки кои ќе им бидат достапни само на Гуаидо или на нова избрана влада што САД ќе ја одобри.
Заканите на Болтон по неговите коментари во Белата куќа во понеделникот дека многу венецуелски офицери размислуваат да преминат на страната на Гуидо и по возбудата околу неговите стратешки видливи забелешки за ‘5000 војници во Колумбија’. Владата во Богота, пак, вели дека нема никакви сознанија дека пристигнуваат американски војници.
САД се чинат многу сериозни во врска со промената на режимот во Каракас. Минатата недела, Стејт Департментот го назначи Елиот Абрамс, осуден учесник во скандалот „Иран-Контра“ со долго, ‘валкано’ искуство во Латинска Америка, како свој клучен човек за ‘носење демократија” во Венецуела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Франција почна со достава на хуманитарна помош од воздух во Газа

Франција започна да испушта 40 тони хуманитарна помош од воздух во Газа, повикувајќи го Израел да дозволи целосен пристап до областа.
„Соочени со апсолутна итност, штотуку спроведовме операција на испуштање хуманитарна помош од воздух во Газа. Благодарност до нашите јордански, емиратски и германски партнери за нивната поддршка и до нашиот воен персонал за нивната посветеност“, напиша францускиот претседател Емануел Макрон на социјалната платформа X.
„Испуштањето хуманитарна помош од воздух не е доволно. Израел мора да дозволи целосен хуманитарен пристап за да се намали ризикот од глад“, додаде тој.
Италија, пак, има намера да евакуира болни палестински деца од Појасот Газа за да им обезбеди медицинска помош, изјави министерот за надворешни работи Антонио Тајани.
Тајани рече дека Рим подготвува план за воздушен транспорт на 50 лица, вклучувајќи возрасни кои ќе ги придружуваат децата.
Тој, исто така, објави планови според кои Италија ќе им се придружи на земјите што доставија помош од воздух во Газа, но не прецизираше конкретен датум за нивно спроведување.
Авиони управувани од Израел, Јордан и Обединетите Арапски Емирати од неделата, кога Израел почна да дозволува повеќе помош во затворените територии по месеци речиси целосна блокада, испуштаат палети со хуманитарна помош од воздух.
Германија и Франција, исто така, денесја почнаа да испуштаат помош од воздух, поради предупредувањата за претстојниот глад во Газа, иако Обединетите нации и другите агенции за помош ги критикуваа таквите мерки како во голема мера симболични, тврдејќи дека е многу поевтино и поефикасно да се достави помош по копно.
Покрај тоа што дозволува испуштања од воздух, Израел, исто така, дозволи влез на 200 камиони дневно од ОН и други агенции од неделата.
Фото: ЕПА
Свет
Путин: Првиот сериски ракетен систем „Орешник“ е во рацете на армијата

Рускиот претседател Владимир Путин објави дека првиот сериски произведен ракетен систем со среден дострел, „Орешник“, заедно со првата ракета од оваа серија, официјално е доставен до руските вооружени сили. Станува збор за нов стратешки систем што Москва го претставува како одговор на сè поизразените закани од Западот.
„Го произведовме првиот сериски комплекс ‘Орешник’, првата сериска ракета, и таа веќе е во рацете на армијата“, рече Путин за време на состанокот со белорускиот претседател Александар Лукашенко додавајќи дека се очекува постепено проширување на овој систем, вклучително и распоредување во Белорусија во текот на 2025 година.
Употребата на „Орешник“ првпат беше откриена на 21 ноември 2024 година кога Русија изврши напад врз воениот објект Јужмаш во Днепар (поранешен Днепропетровск) како одговор на нападите на украинските сили со американски ракети ATACMS и британски ракети Storm Shadow. Путин потоа истакна дека ниеден современ противвоздушен систем не може да пресретне ваков тип ракета и најави дека во иднина населението ќе биде однапред информирано за евакуација.
Според достапните информации, „Орешник“ е хиперсоничен ракетен систем со можност за носење повеќе независно водени бојни глави (MIRV), базиран на технологиите на претходниот систем RS-26 „Рубеж“. Ракетата достигнува брзина над 10 маха, што ја прави речиси невидлива од повеќето постојни системи за воздушна одбрана.
Додека официјална Москва истакнува дека станува збор за оружје што ги гарантира безбедноста и територијалниот интегритет на Русија, воените аналитичари истакнуваат дека системот не е наменет за прецизни удари врз тактички цели, туку првенствено има улога на стратешко одвраќање и демонстрација на сила. Сепак, симболичната и психолошката вредност на системот, особено во контекст на сегашните геополитички тензии, останува значајна.
Масовното производство на комплексот „Орешник“ треба да се забрза во текот на 2025 и 2026 година, а најавено е дека значителен број единици ќе бидат оперативно распоредени и во Русија и на територијата на сојузничката Белорусија, според написите во медиумите.
Фото: принтскрин
Свет
Рубио за Путин: Трамп нема да чека вечно

Американскиот државен секретар Марко Рубио изјави дека администрацијата на претседателот на Соединетите Американски Држави, Доналд Трамп, го губи трпението со рускиот претседател Владимир Путин во врска со завршувањето на војната во Украина.
„Она што најмногу го мачи претседателот се овие одлични телефонски разговори, каде што сите велат, знаете, би сакале да завршиме со ова и да најдеме начин да продолжиме напред. Потоа тој ги вклучува вестите и гледа како уште еден град е бомбардиран“, изјави Рубио за „Фокс њуз“.
Тој додаде дека САД истражуваат нови начини за постигнување напредок во мировните преговори, но предупреди дека трпението на Трамп истекува.
„Досега, барем како што го перципираме, немаше искрен интерес од руска страна за постигнување на оваа цел. Но, очигледно е дека претседателот нема да чека вечно“, заклучи Рубио.
Во вторникот Трамп му даде на Путин 10 дена да се согласи на договор за прекин на огнот или ќе се соочи со нови, сурови санкции.
Фото: принтскрин