Свет
САД: Торнадо и невреме во Алабама, најмалку шест мртви

Најмалку шест лица загинаа во невремето и во торнада што вчера го погодија центарот на Алабама, изјави гувернерот на Алабама, Кеј Ајви.
„Моите молитви се со семејствата на починатите. На сите ни е премногу познато лошото време, но нашите луѓе се отпорни. Ќе го преживееме ова и ќе бидеме уште посилни“, додаде Ајви, пренесува „Ројтерс“.
Вчера гувернерот прогласи вонредна состојба во шесте области на Алабама кои беа најтешко погодени од невремето.
A #tornado watch has been issued until 7 PM EST for eastern #AL into western and northern #GA. Thunderstorms moving across AL have a history of producing severe weather, including tornadoes, and will move into western GA through the afternoon and evening hours. pic.twitter.com/ayCHYAgMj8
— NWS Storm Prediction Center (@NWSSPC) January 12, 2023
Областите за кои станува збор се Отаго, Чемберс, Куза, Далас, Елмор и Талапуса.
Силните ветрови и обилните дождови оштетија домови и прекинаа струја во десетици илјади домови во делови од Џорџија, Мисисипи и Алабама.
Повеќе од 250 лета од меѓународниот аеродром „Хартсфилд-Џексон“ во Атланта и меѓународниот аеродром „Шарлот Даглас“ во Даглас беа откажани или одложени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски вели дека украинската армија ги продолжува операциите во рускиот регион Курск

Претседателот на Украина, Володимир Зеленски денеска изјави дека украинската армија ги продолжува операциите во рускиот регион Курск.
– Нашите сили ги продолжуваат активните одбранбени операции во одредени подрачја на (руските) области Курск и Белгородск, истакна Зеленски.
Рускиот претседател Владимир Путин вчера изјави Курск е целосно ослободен.
Русија повторно воспостави контрола над Курск. Авантурата на режимот на Киев целосно пропадна, изјави вчера Путин.
Претставници на украинската армија вчера ги демантираа тврдењата на Путин и на Генералштабот на руската армија дека Курск е ослободен.
Свет
Русија лансираше 97 беспилотни летала во неколку региони низ Украина

Во текот на ноќта, Русија лансираше 97 беспилотни летала во неколку региони низ Украина, соопштија Воздухопловните сили на вооружените сили на Украина.
Воздухопловните сили објавија на Телеграм дека украинските сили собориле 66 руски беспилотни летала во текот на ноќта.
Во голем број украински региони е прогласена воздушна опасност поради лансирање руски беспилотни летала, вклучувајќи ги Полтавската и Харковската област, Одеса, Киев, Суми, Чернигов, Днепропетровск и Запорожје
Свет
Од денеска за верниците се отвора гробницата на папата Франциско во базиликата Санта Марија Маџоре во Рим

Од денеска гробницата на папата Франциско во базиликата Санта Марија Маџоре во Рим ќе биде отворена за верниците, соопшти Ватикан.
Папата, кој почина на 88-годишна возраст на 21 април од мозочен удар, беше погребан вчера во гробница одвоена помеѓу две капели во римската базилика, по церемонија на жалост одржана во Ватикан. Церемонијата на поставување на ковчегот траеше околу половина час.
На погребот во базиликата Санта Марија Маџоре присуствуваа само најблиските, а едноставниот, дрвен ковчег на папата беше пречекан со ѕвона.
На мисата во Ватикан, според официјалните податоци од Ватикан, присуствуваа околу 250.000 луѓе, како и 170 странски делегации. Меѓу нив имаше шефови на држави и влади, монарси, поранешни државници, политичари од Италија и други земји, интелектуалци, уметници. Подоцна, италијанскиот министер за внатрешни работи Матео Пјантедози изјави дека најмалку 400.000 луѓе присуствувале на погребот на папата Франциск, собрани на плоштадот „Свети Петар“ и по улиците на Рим.
Целиот настан го следеа околу 2.700 акредитирани новинари.