Свет
Светски научници: Високите температури ја намалија стапката на смртност од коронавирус
Смртноста од Ковид-19 значително се намали со доаѓањето на потоплите денови, покажа студијата на меѓународната група на научници направена во осум европски и 15 кинески болници.
Хрватскиот микробиолог, професор Гордан Лауц, еден од членовите на групата од 51 научник, вели дека тоа е голема студија која го покажува сезонскиот ефект на вирусот САРС-КоВ-2, во која биле опфатени 6.914 пациенти хоспитализирани поради коронавирус и 37.187 лица кои самостојно пријавувале симптоми на корона во Велика Британија.
„Се следи индивидуалниот тек на болеста на 6.914 хоспитализирани пациенти. Во сите болници е забележано дека смртноста е значително намалена. Постојат неколку можни објаснувања за тоа, но истражувањата сугерираат дека најверојатно објаснување е промена на температурата, односно доаѓање на пролетта“, вели Лауц и потенцира дека вирусот не е променет, туку ефектот кој е резултат на последиците од условите во кои вирусот влијае на луѓето.
Според него, се чини дека престанокот на загревањето ја намали сериозноста на симптомите во цела Европа, но тоа, за жал, значи дека вирусот всушност не е променет.
Затоа, посочува тој, на почетокот на сезоната на греење би можеле повторно да имаме потешки форми на заболување, рече Лауц за загрепски „Вечерњи лист“.
Како што изјави на својата фејсбук-страница, во моментот има помалку смртни случаи во повеќето делови на светот, а бројот на тешки случаи е намален, но сè уште не е јасно дали намалениот број на тешки случаи е последица на сезоната или на намалениот број инфекции поради социјално дистанцирање.
Лауц исто така вели дека покрај тоа што влијае на преносот на вирусот, топлото време може да влијае и на способноста на луѓето да се борат со вирусот и со тоа да го спречат развојот на тешка болест.
Иако во моментов тоа се добри вести, посочува Лауц, тоа, за жал, значи дека со враќањето на зимата би можел повторно да настапи потежок „зимски“ Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Путин го свика Советот за безбедност на Русија по разговорите со Трамп
Рускиот претседател Владимир Путин свика состанок на моќниот Совет за безбедност на Русија по телефонскиот разговор со американскиот претседател Доналд Трамп, објавија денес руските новински агенции, повикувајќи се на помошникот на Кремљ, Јуриј Ушаков.
Според Ушаков, Путин детално ги информирал членовите на Советот за безбедност за разговорот со Трамп.
Трамп и Путин се согласија во четврток да одржат уште еден самит за војната во Украина, изненадувачки потег што дојде откако најавата за нова американска воена поддршка за Киев предизвика загриженост во Москва.
Во Русија, Советот за безбедност е клучно тело за донесување одлуки за најважните прашања за националната безбедност на Русија.
фото: принтскрин
Свет
(Видео) Насилни протести против претседателот во Перу: еден мртов, прогласена вонредна состојба
Најмалку едно лице беше убиено, а десетици полицајци беа повредени во широките ноќни протести во Перу против претседателот Хозе Хери, кој ја презеде власта пред само неколку дена, соопшти канцеларијата на народниот правобранител.
Владата ќе прогласи вонредна состојба во главниот град Лима во рок од неколку часа и подготвува пакет мерки за справување со растечката несигурност, изјави премиерот Ернесто Алварез на прес-конференција доцна синоќа.
🇵🇪WATCH:
Visuals from Peru show Gen Z led protests turning violent in front of the Congress building in Lima, with clashes leaving at least one dead and over 70 injured, including police officers.
The demonstrations erupted less than a week after José Jeri took over as interim… pic.twitter.com/xWxkZGJKyP
— Aares (@aares0205) October 16, 2025
Протестот, свикан од демонстрантите од младата генерација Z, транспортните работници и граѓанските здруженија, беше најновиот во серијата демонстрации против корупцијата и растечкиот криминал во земјата што доведоа до драматично соборување минатата недела на поранешната претседателка Дина Болуарте, на која едногласно и беше изгласана недоверба и разрешување од функцијата од страна на перуанскиот Конгрес.
Илјадници демонстранти се собраа низ целата земја, а стотици се судрија со полицијата пред Конгресот во Лима. Полицијата испука солзавец, а некои фрлаа огномет, камења и запалени предмети. „Сите мора да си одат!“ извикуваа демонстрантите додека пристигнуваа во Конгресот и се обидуваа да ги срушат металните бариери што ја штитеа зградата, што доведе до судири.
Едуардо Маурисио Руиз, 32, беше убиен за време на протестот и неговата смрт ќе биде истражена, изјави Фернандо Лосада, портпарол на Канцеларијата на народниот правобранител. Канцеларијата на перуанскиот обвинител соопшти дека Руиз починал откако бил застрелан.
Претседателот го изрази своето жалење за смртта на Руиз во објава на Икс, велејќи дека смртта ќе биде истражена „објективно“. Тој ги обвини за насилството „деликвентите кои се инфилтрирале во мирните демонстрации за да посеат хаос“. „Врз нив ќе биде применета целосната сила на законот“, напиша тој.
фото: принтскрин
Регион
(Видео) На детско игралиште во Белград убиен маж
Едно лице беше убиено синоќа во пукотница на булеварот „Вудро Вилсон“ во Белград на вода, објави РТС.
Докторката Виолета Николиќ од Одделот за итни случаи потврди за РТС дека 35-годишен маж бил застрелан синоќа во 23:13 часот.
„Нашиот тим можеше само да заклучи дека 35-годишниот маж е мртов“, рече д-р Николиќ.
На социјалните мрежи се објавени снимки на кои се гледа телото на убиениот маж на детско игралиште и апсењето на друго лице.
фото: принтскрин
(Видео) Русија: Нападнавме украински аеродром каде што беа стационирани авиони на НАТО
Руските сили извршија напад врз воениот аеродром во Криви Рих, каде што наводно биле стационирани авиони на НАТО, објави руската...
Зеленски реагира на најавениот самит Трамп-Путин: тој денес пристигнува во Белата куќа
Американскиот претседател Доналд Трамп денес е домаќин на украинскиот претседател Володимир Зеленски во Вашингтон за да разговараат за иднината на...
(Видео) Трамп: Го прашав Путин дали би имал ништо против ако им дадам неколку илјади Томахавки на Украинците
Претседателот на САД, Доналд Трамп, изјави дека за време на разговорот со рускиот претседател Владимир Путин, ја споменал можноста Украина...
Пицула ја критикува ЕУ за пофалбите што ги дава на Србија: „Наместо тоа, барајте вистински реформи“
Известувачот на Европскиот парламент за Србија, Тонино Пицула, изјави дека претставниците на ЕУ треба да се воздржат од прекумерно фалење...
Дописник на Би-би-си: Заборавете на Томахавките, состанокот Трамп-Путин е ладен туш за Украинците
Доналд Трамп повторно се обидува да ги комбинира дипломатијата и политиката на моќ – овој пат помеѓу Москва и Киев....
Шукова: Време е за резултати, уреден Бутел, нови паркови, подобар превоз и вода за сите
Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека...
Трамп по телефонскиот разговор: Ќе се сретнам со Путин во Будимпешта
Американскиот претседател Доналд Трамп денес разговараше по телефон со рускиот претседател Владимир Путин, еден ден пред најавената средба со украинскиот...
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
