Свет
Северна Кореја ja уништи канцеларијата за комуникација на границата со Јужна Кореја

Северна Кореја ја крена во воздух канцеларијата за заедничка комуникација на границата со Јужна Кореја. Поточно, ја разнесе зградата во градот Каесонг, кој се наоѓа на границата меѓу двете земји.
Претходно Северна Кореја се закани дека ќе испрати војска во демилитаризираната зона што ја одделува од Јужна Кореја.
Тензиите меѓу двете земји растат откако јужнокорејските активисти и пребегнатите од Северна Кореја, наводно, испратиле околу 50.000 летоци во комунистичката држава. Таквите кампањи генерално ги повикуваат луѓето од Северна Кореја да ја соборат својата влада.
Пјонгјанг размислува за план да ја врати армијата во зоните што се демилитализирани според договорот меѓу северот и југот, да ја претвори фронтовската линија во упориште и дополнително да се зајакне воената будност кон југот“, соопшти севернокорејската војска, пренесува државната новинска агенција КЦНА.
Пјонгјанг претходно побара од Сеул да престане со испраќање летоци со критики за севернокорејскиот лидер Ким Џонг-ун. Сеул вети во преговорите во 2018 година дека ќе го спречи тоа, пишува Би-би-си. Летоци се испраќаат преку границата во балони и често се користат за испраќање храна, банкноти, радија и уесбе со филмови и вести од Јужна Кореја.
Затоа Северна Кореја се закани дека ќе ја прекине целата комуникација со нејзиниот јужен сосед, дека ќе ги затвори граничните канцеларии за врски и ќе се повлече од заедничкиот воен договор.
Министерството за одбрана на Јужна Кореја објави дека сериозно ги сфаќа заканите на северот и соработува со САД во внимателно следење на воените движења во комунистичката земја
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Киев бесен на Меркел: „Зборовите на поранешната канцеларка се неприфатливи“

Киев остро реагираше на тврдењата на поранешната германска канцеларка Ангела Меркел дека Полска и балтичките земји ги саботирале обидите за решавање на украинскиот конфликт во 2021 година, што, како што изјави таа, индиректно придонело за почетокот на „Новата светска војна“, објавува Политико.
Меркел во интервју изјави дека Франција и Германија потоа предложиле воспоставување нов формат за преговори со Русија, кој би ги заменил договорите од Минск, но Варшава и балтичките престолнини одбиле да ја поддржат иницијативата.
Таа проценка предизвика негодување во Киев, каде што висок украински функционер, според Политико, рекол дека зборовите на поранешната канцеларка се „неприфатливи и, искрено, одвратни“.
Во истото интервју, поранешната германска канцеларка, исто така, оцени дека обвинувањето дека унгарскиот премиер Виктор Орбан е „тројански коњ“ на рускиот претседател Владимир Путин во рамките на Европската Унија е „глупост“, посочувајќи на потребата да се запрат меѓусебните обвинувања во рамките на ЕУ и да се обнови дипломатскиот дијалог.
Фото: принтскрин
Свет
Светската здравствена организација тестира смртоносен сируп против кашлица

Светската здравствена организација (СЗО) побара информации од Индија за тоа дали сирупот против кашлица поврзан со смртни случаи кај деца во земјата е извезен во други земји, соопшти денес агенцијата.
СЗО изјави за Ројтерс дека ќе разгледа издавање глобално предупредување за медицински производ во врска со сирупот Колдриф откако ќе добие официјални информации од Њу Делхи, објави Ројтерс.
Според информациите од локалните власти, најмалку 17 деца под петгодишна возраст починале во текот на изминатиот месец откако консумирале сируп што содржел високи концентрации на токсичното соединение диетилен гликол, речиси 500 пати над законската граница.
Фото: принтскрин
Свет
(Видео) Бурата „Барбара“ ја зафати Романија: затворени училишта, луѓе качени на покривите на автомобилите за да преживеат

Бурата „Барбара“ предизвика огромни проблеми во Романија.
Поради бурата што зафати делови од Романија во вторникот вечерта и рано утрово, наставата беше откажана во училиштата, јавниот превоз беше привремено прекинат, дрвјата беа исечени, канализациите беа блокирани, а улиците беа поплавени, како и неколку згради во округот Констанца.
Според локалните власти, спасувачките екипи се бореа со последиците од бурата во Романија цела ноќ.
Алармантна ситуација се случи во Констанца, каде што водата однесе автомобил, а еден човек се качи на хаубата на автомобилот и чекаше да биде спасен. Тој е во болница поради хипотермија.
Интервентните екипи работеа на спасување на лицето, а исто така ја отстранија и водата од зградите и дрвјата што паднаа на електричните кабли.
„Поради силните временски услови, водата го однесе автомобилот, а патникот се засолни на хаубата. Интервентните тимови спасија уште две лица заробени во водата, кои беа на покривот на автомобилот“, известуваат властите.
Како превентивна мерка, градските власти утрово наредија привремено прекинување на сообраќајот на јавните автобуси, за да не се попречи интервенцијата на теренските тимови.
Наставата е откажана
Наставата е откажана во среда за повеќе од 109.000 ученици од 205 училишта во округот Констанца.
Циклонот што ја погоди Романија се вика „Барбара“.