Свет
Се намалува бројот на заразени со коронавирус во Вухан, градот почнува да се враќа во нормала
Во Кина повторно е забележан пораст на бројот на случаи на коронавирус по четиридневниот пад на бројот на заразени, што е резултат на приливот на луѓе од странство. Сепак, ситуацијата во провинцијата Хубеи, од каде што се појави епидемијата, продолжува да се стабилизира, а шести ден по ред е забележано намалување на бројот на нови случаи.
Во копнениот дел на Кина вчера биле потврдени 24 нови случаи на вирусот, што е за 19 повеќе отколку претходниот ден, соопшти Националната здравствена комисија.

Доктори го слават затворањето на привремената болница за пациенти со коронавирус (Фото: ЕПА)
Од тој број, 10 случаи се лица кои влегле во Кина, со што вкупниот број на заразени кои дошле од странство се зголемил на 79, пренесува „Ројтерс“. Во Пекинг вчера се потврдени шест нови случаи, меѓу кои лица кои допатувале од Италија и од САД.
Во главниот град на провинцијата Хубеи, Вухан, вчера биле пријавени само 13 нови случаи, што е и вкупен број во Хубеи.
Главните служби во Вухан почнале со работа, соопшти тамошната влада. Тоа се однесува на клучните сектори како што се јавниот превоз и јавните служби.
Вкупниот број на заразени во копнениот дел на Кина до вчера е 80.778, а бројот на починати 3.158. Вчера беше затворена привремената болница за пациенти со коронавирус во Хонгшан откако сите пациенти биле отпуштени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.
Свет
Трамп ги поништил сите уредби и документи потпишани од Бајден
Американскиот претседател Доналд Трамп соопшти дека ги поништил сите уредби и документи потпишани од неговиот претходник на функцијата, демократот Џозеф Бајден, бидејќи користел уред за автоматско потпишување.
Кои се правните последици од одлуката на Трамп засега не е јасно.
„Секој документ кој го потпишал Поспаниот Џо користејќи автоматско пенкало, што е околу 92 проценти од нив, со ова се поништува и повеќе нема никаква правна сила или ефект“, напиша републиканскиот претседател на својата платформа Трут Соушл.
Свет
Преговорите со САД за мировниот план за прекин на конфликтот со Русија ќе почнат наскоро, вели Зеленски
Украинскиот претседател Володимир Зеленски изјави дека на преговорите со Соединетите Американски Држави за мировниот план за прекин на конфликтот со Русија, кои, како што наведе, наскоро ќе започнат, земјата ќе ја претставуваат началникот на Генералштабот на вооружените сили на Украина, Андреј Гнатов и секретарот на Советот за национална безбедност и одбрана Рустем Умеров.
Во синоќешното видео обраќање, Зеленски рече дека претставници на Министерството за надворешни работи и украинската разузнавачка служба ќе бидат меѓу членовите на украинската делегација, пренесува „Униан“.
Тој додаде дека во моментов се во тек подготовки за состанок со американската страна.
„Преговорите наскоро ќе започнат, а наши претставници ќе бидат таму – началникот на Генералштабот, претставници на Министерството за надворешни работи, секретарот на Советот за национална безбедност и одбрана и нашата разузнавачка служба. Состаноци со американската страна ќе се одржат во блиска иднина“, нагласи Зеленски.
Украинската делегација досега ја предводеше Андриј Јермак, кој вчера поднесе оставка од функцијата шеф на претседателскиот кабинет.

