Свет
СЗО: Задолжителната вакцинација треба да биде последна мерка
Светската здравствена организација (СЗО) за Европа предупреди на задолжителнaта вакцинација и повика на подобра заштита на децата, кои во моментот се сѐ повеќе изложени на Ковид-19.
Генералниот директор на СЗО за Европа, Ханс Клуге, рече дека задолжителните вакцини треба да бидат „апсолутно последно средство и да се користат само кога се исцрпени сите други опции за подобрување на вакцинацијата“.
Истакнувајќи дека во некои случаи задолжителните вакцини дале резултати, Клуге рече дека мора да се земе предвид и ефектот што задолжителните вакцини може да го имаат врз довербата на јавноста: она што е прифатливо во едно општество и заедница може да биде неефикасно или неприфатливо во друго.
Бројот на заболени во Европа е зголемен во сите возрасни групи, а највисоките нивоа во моментот се забележани кај возрасната група од 5 до 14 години.
Подобрената вентилација и употребата на маски треба да бидат стандардни во сите основни училишта како дел од безбедна средина за учење, притоа избегнувајќи затворање на училиштата и учење онлајн, рече регионалниот директор.
„За вакцинирањето на децата треба да се разговара и тоа да се разгледа на национално ниво“, додаде Клуге.
Тој нагласи дека задолжителните мерки во никој случај не треба да придонесуваат за зголемување на социјалната нееднаквост во пристапот до здравствените и социјалните услуги. Клуге потсети и дека при воведувањето рестриктивни мерки е неопходно за да се води грижа за менталното здравје на луѓето и да се спречи семејното насилство.
„Минатиот месец предупредивме дека до почетокот на 2022 година би можеле да изгубиме уште половина милион животи доколку не преземеме итни мерки“, рече тој и додаде дека помина еден месец и починаа уште 120.000 луѓе, а регистрирани беа уште 10 милиони случаи на Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Приведен еден осомничен за пукањето на Универзитетот Браун во САД
Полицијата во Провиденс приведе едно лице во врска со пукањето на Универзитетот Браун, во кое загинаа двајца студенти, а девет други беа повредени.
Портпаролката на службата за јавна безбедност на Провиденс, Кристи ДосРејс, за Ројтерс изјави дека „лице од интерес“ е во притвор по пукањето на универзитетот во Род Ајленд.
Повеќе од 400 полицајци беа ангажирани да бараат осомничен кој влегол со огнено оружје во зграда каде студентите полагале испити.
Пристапот до делови од кампусот беше ограничен, а полицијата остана на местото на настанот.
Агенти од ФБИ и Бирото за алкохол, тутун, огнено оружје и експлозиви соработуваат со локалната и државната полиција во истрагата.
Службениците објавија видео од осомничениот, за кој се верува дека е маж на околу 30 години облечен во црно.
Истражителите пронашле чаури на местото на настанот, а вооружениот напаѓач избегал по пукањето.
Свет
Зеленски: Украина се откажува од НАТО во замена за безбедносни гаранции
Украина е подготвена да се откаже од членството во НАТО во замена за западни безбедносни гаранции, како компромис за завршување на војната со Русија, изјави претседателот Володимир Зеленски пред разговорите со американски претставници во Берлин.
Зеленски оцени дека безбедносните гаранции од САД, европските земји и други партнери, би можеле да спречат нова руска инвазија и претставуваат значаен отстап од украинска страна.
Тој потсети дека членството во НАТО долго време беше стратешка цел на Украина и дел од уставните определби на земјата.
Иако официјалниот состав на разговорите во Берлин не е објавен, американски функционер потврди дека специјалниот пратеник на поранешниот претседател Доналд Трамп, Стив Виткоф, и Џаред Кушнер ќе учествуваат на средбите со украински и европски претставници.
Свет
(Видео) Храбар случаен минувач го совлада и разоружа еден од напаѓачите на плажа во Сиднеј
На плажата Бонди во Сиднеј се случи пукaње, во кое, според последните информации, 12 лица се убиени, а 29 се повредени.
Светските медиуми објавуваат видео од социјалните мрежи на кое се гледа како минувач совладува и разоружува еден од напаѓачите.
Видео објавено на социјалните мрежи, според „Гардијан“, покажува како минувач го соборува на земја еден од напаѓачите на плажата Бонди и му го грабнува пушката.
Пукањето официјално беше прогласено за терористички чин.
Еден вооружен напаѓач е исто така убиен, а вториот осомничен е во критична состојба, соопшти полицијата.
На плажата се одржувал настан по повод почетокот на Ханука, еврејскиот празник на светлината, на кој присуствувале повеќе од 1.000 луѓе, соопшти полицијата.

