Свет
Сириските сили ја презедоа контролата врз Калат ел Мадик
Сириските провладини сили ја презедоа контролата врз градот Калат ел Мадик во северозападниот дел на Сирија, објавија жителите на градот и опозициската Сириска опсерваторија за човекови права.
Сириската влада ги интензивира нападите врз најголемата преостаната територија контролирана од бунтовниците во Сирија, а Калат ел Мадик е област што е најблиску до руската база Хмеjмим, која неодамна беше бомбардирана од страна на бунтовниците.
Сириските провладини сили ја проширија офанзивата во северозападниот дел на земјата, а која досега беше заснована на воздушни напади и гранатирање.
Провладините сили вчера влегоа во селото Кфар Набуда, кое е под контрола на бунтовниците во југозападниот дел на енклавата.
Иако е во сила прекинот на огнот договорен во септември, тоа не се почитува.
Во граѓанската војна во Сирија од 2011 година стотици илјади луѓе ги загубија своите животи, а милиони се раселени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.