Свет
Следниот потег на Орбан – подјармување на судовите
Виктор Орбан ја носи својата кампања за целосна контрола на Унгарија на ново ниво. Унгарскиот премиер најави минатиот месец дека неговата влада ќе блокира судска одлука со која се обесштетуваат ромски жртви на училишна сегрегација во градот Ѓенѓеспата, пишува „Политико“.
Орбан тврди дека Унгарците никогаш нема да прифатат да даваат пари за ништо и дека вистинските жртви се неромските ученици во градот.
Импликациите од најавата на Орбан оди подалеку од судбината на Ромите во Ѓенѓеспата или во остатокот од Унгарија.
Орбановата владејачка партија Фидес, ранета од победите на опозицијата во Будимпешта и на други важни места на неодамнешните избори, сега е загрижена дека би можела да ја загуби власта. Орбан и Фидес досега се задоволуваа со играњето на картата на надворешни непријатели – ЕУ, Сорос, мигрантите – за да ја зајакнат својата контрола на сите нивоа на моќ, но сега создаваат непријатели од сопствените граѓани, а поттикнувањето антиромски расизам е можеби најлесниот метод што би можеле да го изберат.
Оваа срамна епизода ќе биде показател за тоа колку далеку ќе оди режимот за да ја задржи контролата врз Унгарија. Орбан во суштина вели дека секојпат кога жртвите на незаконски или кривични дела ќе победат на суд, владата ќе утврди дали одлуката е исправна, дали треба да има отштета и како треба да се додели таа.
Кога режимот ќе направи преседан за подјармување на судовите, секој што не им е по волја на оние на власт, ќе нема права, а тие што им се по волја, дури и ако се криминалци, ќе бидат заштитени.
Орбан најави планови и за одржување национални консултации за пресудата за отштета од судот – тактика што ја користеше и претходно за дискредитација на Џорџ Сорос. За возврат, ромските граѓански лидери организираа мирен протест на улиците на Будимпешта барајќи од владата да ги почитува правата на Ромите.
Потезите на режимот се производ на страв од губење на власта. По една деценија под Орбан, унгарските граѓани почнуваат да поставуваат прашања што владата претпочита да не ги одговара: Зошто историски голем број Унгарци ја напуштија земјата? Со што заслужиле Унгарците нагло влошување на услугите во јавното здравство? Со што заслужиле унгарските деца образовен систем, кој во последната деценија се спушти од 37. на 96. место од 138 земји рангирани од Светскиот економски форум?
И, така, режимот сега користи дел од стратегиите на крајнодесничарската унгарска партија Јобик, која се обидуваше да изгради моќ со напаѓање на Ромите.
Јобик ги креира тие стратегии пред речиси една деценија користејќи ги гневот и вознемиреноста создадени од финансиската криза и правејќи жртвени јагниња од Ромите со нивно туркање во вкоренетите стереотипи. Овие потези предизвикаа омраза кон Ромите и поттикнаа создавање униформирани паравоени сили, кои маршираа низ ромските заедници, и убиства на Роми.
Во европскиот начин на живеење нема место за омразата, а методите на Орбан се уште позастрашувачки со оглед на крајнодесничарската закана, која се крева околу него.
„Расизмот е отров“, рече германската канцеларка Ангела Меркел по последниот крајнодесничарски терористички напад во нејзината земја, во кој загинаа 10 лица во Ханау – од кои неколкумина, наводно, биле Роми. А сепак, кога станува збор за Унгарија, постапките на Меркел ги демантираат нејзините зборови. Меркел и нејзината ЦДУ, како и Европската народна партија, сè уште соработуваат со Орбан и овозможуваат ЕУ да продолжи да финансира режим што игра со истиот отров што доведе до трагедијата во Ханау.
Ова им дава на членовите на германската политичка и индустриска елита мотивација да работат со и во Унгарија – ефикасно овозможување на авторитарната кампања на омраза на Орбан.
Многу може да се стори за да се промени ова додека сè уште има средства. Првин треба да се замени политичкото лицемерство со морална јасност. И Орбан и крајнодесничарските терористи тврдат дека штитат начин на живеење – исто како и новата Европската комисија, која првпат вклучува комесар за промовирање на европскиот начин на живеење.
Европските лидери мора да појаснат дека нивната дефиниција за европски начин на живеење не е иста како онаа што ја промовираат Орбан и неговите истомисленици, како италијанскиот лидер на десницата, Матео Салвини. Политичките лидери мора да одговорат на крајнодесничарскиот тероризам со истата моќ и одлучност што ги користат против тероризмот извршен од име на исламот.
Крајнодесничарскиот тероризам тројно се зголеми во последните пет години. Дебатите за политиката на ЕУ мора да ја вклучат расистичката политика која поттикнува терор. Освен тоа, ЕПП мора да ја исклучи Фидес од семејството, а ЕУ треба да престане да ја финансира корумпираната и расистичка машина на Фидес. Ако не се преземат вакви активности, зборовите нема да имаат никакво значење кога ќе се случат следните убиства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Средновечен пар во Германија киднапирал 19-годишна девојка, ја чувал во дрвена кутија
Во Фогелсберг, Германија, полицајците пронашле 19-годишна девојка која претходно била пријавена за исчезната, објавува Феникс.
Девојката била заклучена во дрвена кутија, изјавиле од канцеларијата на државниот обвинител за MDR. Маж (43) и жена (56) се испитуваат под сомнение за киднапирање. Младата жена била пријавена за исчезната во текот на викендот. Бидејќи е зависна од редовни лекови, полицијата веднаш започнала интензивна потрага.
Трагата водеше до зграда во Фогелсберг. Сопственикот на зградата рече дека не знае ништо за исчезнатата девојка, но ѝ дозволи на полицијата да изврши пребарување. Додека го пребарувале имотот, полицијата слушнала вресоци што доаѓале од шталата. Таму, ја пронашле девојката заклучена во дрвена кутија.
Според полицијата, таа не би можела да се ослободи. Итно била префрлена во болница. Сè уште не е познато дали жртвата и осомничените се познаваат, ниту кој би можел да биде мотивот за киднапирањето. Судот издаде налог за притвор против осомничените, а истрагата е во тек.
Свет
Трамп му се заканува на Бразил со царини од 50%: бара да се запре судењето на Болсонаро
Американскиот претседател Доналд Трамп најави воведување царина од 50% за стоки произведени во Бразил, дополнително затегнувајќи ги односите со јужноамериканската земја.
Тој го објави планот во писмо за царините што го сподели на социјалните мрежи. Во писмото се обвинува Бразил за „напади“ врз американските технолошки компании и „лов на вештерки“ против поранешниот ултрадесничарски претседател Жаир Болсонаро, кој се соочува со кривични обвиненија за неговата наводна улога во обидот за поништување на резултатите од претседателските избори во 2022 година.
Бразилскиот претседател Луиз Инасио Лула да Силва одговори преку социјалните мрежи дека Бразил ќе возврати доколку САД воведат царини и предупреди да не се меша во бразилското судство. Трамп, исто така, се судри со Лула претходно оваа недела поради судењето на Болсонаро. Лула во тоа време рече дека Бразил нема да прифати надворешно мешање, велејќи: „Никој не е над законот“.
Трамп, исто така, истиот ден рече дека царината од 50 проценти за увоз на бакар, што ја најави претходно оваа недела, ќе стапи на сила на 1 август. Тој во објава на социјалните мрежи рече дека одлуката е донесена од причини за национална безбедност.
Оваа недела, Трамп испрати 22 писма до земји ширум светот, вклучувајќи трговски партнери како Јапонија, Јужна Кореја и Шри Ланка, најавувајќи нови тарифи кои треба да стапат на сила на 1 август.
Повеќето од мерките се продолжение на плановите што Трамп ги изложи во април, но беа одложени поради реакцијата на пазарот.
Пораката до Бразил беше многу поостра, најавувајќи големо зголемување од претходно најавената тарифа од 10 проценти за бразилските стоки. За разлика од многу други земји, Соединетите Американски Држави имаа трговски суфицит со Бразил минатата година – извезоа повеќе стоки отколку што увезоа од Бразил.
Регион
(Видео) Тасос во пламен: огромен пожар го зафати грчкиот остров, туристите во паника, еден хотел евакуиран
Голем пожар избувна на грчкиот остров Тасос во областа Гликади во близина на Лименас синоќа околу 23 часот и гори повеќе од шест часа. Освен Гликади, погодени се и областите Пахија и Рахони, објавија грчките медиуми.
Според „Грција Инфо“, пожарот избувнал синоќа во близина на пристаништето Лименас. Тие велат дека се шири толку брзо што е видлив од Кавала.
Според „Кавала Њуз“, пожарот зафатил голема шумска површина покриена главно со борови дрвја, по кои е познат Тасос, и набрзо почнал да се шири кон запад.
Многу маслинови дрвја и пчелни колонии изгореле, според грчките медиуми.
Стамбените области и зградите во моментов не се во опасност. Исклучок бил хотел во областа Пачи, кој бил евакуиран како мерка на претпазливост. Еден од баровите на плажата Гликади целосно изгорел.
Многу туристи паничеле, според грчките медиуми, и многу од нив брзо се упатиле кон пристаништето Лименас, со цел што поскоро да ги напуштат своите сместувања и островот.
Првиот ферибот рано наутро од Лименас до пристаништето Керамоти тргнал натоварен со патници, додека патот од Пахис до Лименас е затворен, а на возачите им се советува да одат по алтернативни рути бидејќи се формирале редици.
Алтернативна рута за возачите што се наоѓаат во Принос, Калирача или Мариес е преку Лименарија – Потос – Потамија и Панагија, за да стигнат до Лименас.
Градоначалникот на Тасос апелира да не се шири паника
Огромниот пожар на Тасос го натера градоначалникот, Лефтерис Киријакидес, да проговори и да повика да не се шири паника.
„Ве молам престанете со публикациите што шират паника. Тие создаваат паника кај жителите и посетителите без никакви значајни резултати. Целиот Тасос е обединет на првите линии на битката. Потребна е мирна и координирана акција“, напиша тој на својот Фејсбук профил.
Првиот авион пристигна на Тасос
Првиот авион пристигна на Тасос во 5:50 часот наутро за да помогне во гаснењето на пожарот.
Засилени противпожарни и полициски сили, како и волонтери, слетаа во Лименас помеѓу 14 и 16 часот.
СДС се сити на пожарите, постојано се подметнуваат, а тие шират политички хаос и прават политички маркетинг, велат од ВМРО-ДПМНЕ
Според партијата на власт, во СДС ништо не се менува и СДС продолжува со истата политичката матрица секогаш кога има...
„Вреди“ до ДУИ: Доста со лаги, Албанците не се бројки за манипулација, ниту нули за игнорирање
Секојдневно, ДУИ шири ниски и бесрамни лаги против владењето на „Вреди“, обидувајќи се да ја измами јавноста со празни тврдења...
Активни девет пожари во државата: се уште гори во Чучер Сандево, Визбегово, Дојран, Македонски Брод
Центарот за управување со кризи информира дека во моментов се активни девет пожари, меѓу нив и пожарот на депонијата во...
Вимблдонска приказна која треба да ја прочитаат Сиљановска и Мицкоски: Чилеанец со македонско потекло, кој се гордее со тоа
Од специјалниот известувач од Вимблдон По скандалите со доделувањето на македонски пасоши на белосветски криминалци и нарко-босови, вистински потег на...
Рубио денес ќе се сретне со Лавров
Американскиот државен секретар Марко Рубио ќе се сретне со рускиот министер за надворешни работи Сергеј Лавров на маргините на состанокот...
(Видео) Експлозии одекнуваат низ Киев, во тек е масовен руски напад, има жртви
Русија изврши масовен воздушен напад врз Украина втора ноќ по ред, а Киев беше најтешко погоден, каде што експлозиите одекнуваа...
Сообраќајот од клучката Орман до клучката Мирковци е пуштен за редовен сообраќај
Сообраќајот на потегот од Клучка Орман до Клучка Мирковци е пуштен за редовен сообраќај, исто така и на потегот Скопје-ГП...
(Фотогалерија) Армијата вклучена во гаснењето на пожарите
Армијата согласно одлуката на претседателката Гордана Сиљановска-Давкова за учество на дел од припадниците на Армијата во гаснењето на пожарите и...
Тошковски: Пожарите можеби се дел од поинакво сценарио, истрагите за подметнувања се во тек
Министерот за внатрешни работи, Панче Тошковски, изјави дека денеска бил тежок ден со вкупно 20 пожари ставени под контрола, а...
Ангажирани 60 војници за пожарот кај Ѓорче Петров, грчките канадери упатени кај Дојран
По барање на Центарот за управување со кризи, грчки канадери веќе дејствуваат на пожарот кај селото Николиќ, во близина на...
Најдено починато лице во близина на пожар во Кривопаланечко
Едно лице е најдено починато во близина на пожар во сeлото Лозаново, Кривопаланечко, соопшти МВР. Во присуство на јавен обвинител...
Општина Крива Паланка до граѓаните: Излезете и помогнете, состојбата со пожарите е сериозна
Крива Паланка попладнево е зафатена од голем пожар. Од општината информираат дека огнот претставува сериозна закана за домовите, шумите и...
(Видео) Мицкоски за извештајот во ЕП: Ова е уште една неправда врз Македонија – не се работи за Бугарите во Уставот, туку за идентитетот и јазикот
Ова е уште една неправда врз Македонија – не се работи за Бугарите во Уставот, туку за идентитетот и јазикот,...
(Видео) Целосно прекинат сообраќајот кон ГП Блаце поради пожар
Министерството за внатрешни работи ја известува јавноста дека поради повторно разгорување на пожарот во близина на Блаце, целосно е прекинат...
(Видео) Пожарот кај Лозаново закана за домовите, градоначалникот на Крива Паланка бара итна интервенција
Во директна опасност од огнената стихија се наоѓаат населеното месо Лозаново и домовите на жителите, соопшти градоначалникот на Крива Паланка,...
На територијата на Македонија активни 10 пожари
Според последните податоци од Центарот за управување со кризи, до 13 часот на територијата на целата држава имало 14 активни...
Повредено лице во пожарот во Шуто Оризари, пукотниците се од плински уреди на хаварисани возила, кои горат во отпад за железо
Едно лице утрово е повредено при гаснењето на пожарот во Шуто Оризари, од кој се креваат облаци густ црн чад....
(Видео) Полицискиот хеликоптер утринава фрли 30 тони вода врз пожарот во Дојран
Во утринската акција за гаснење на пожарот во Дојран беше активиран хеликоптерот „агуста бел 212“, со кој во повеќе налети...
Вајц: Мора да се бориме против српското влијание во Северна Македонија
Во Северна Македонија гледаме многу странско влијание. Мора да се бориме против него, без разлика дали е српско, кинеско или...
(Видео) Ангелов: Пожарот во Чучер-Сандево е целосно изгаснат, денеска фокусот ќе биде гасењето на пожарот во Дојранско
Рано утрово пожарот кој три дена гореше во атарот на општина Чучер-Сандево е целосно изгаснат. Сè уште се гледа чадење...
