Свет
Следните неколку недели од војната во Украина ќе бидат критични
Војната во Украина, која беше забавена со месеци, повторно избувна пред доаѓањето на зимата. Конфликтот влегува во непредвидлива фаза, наведува CNN во новата анализа.
„Ова сега е трета, четврта, можеби петта различна војна што ја гледаме во Украина“, изјави за Си-Ен-Ен – Кир Гилс, консултант во лондонскиот тинк-тенк „Чатам хаус“ задолжен за Русија и Евроазија, пренесува Индекс.хр.
Минатонеделниот масивен руски ракетен напад беше проследен со постојано напредување на Украина, но и со огромна експлозија на мостот на Крим, единствениот копнеен премин што ги поврзува Русија и Крим, полуостров што Русија го анектираше во 2014 година. Експлозијата на мостот на Крим беше значаен психолошки и стратешки удар за Русија, наведува Си-Ен-Ен.
Со приближувањето на студените, зимски месеци кои би можеле целосно да ги забават копнените битки, експертите велат дека следните неколку недели од војната ќе бидат критични.
„Едно време, се чинеше дека секој исход што може да се опише како победа на Украина ќе биде многу пресилен. Таквиот исход сега изгледа многу поверодостоен. Одговорот на Русија веројатно ќе биде нова ескалација“ – смета Гилс.
Да потсетиме, Русија во четвртокот соопшти дека ќе помогне да се евакуираат жителите на окупираниот Херсон во екот на украинската контраофанзива во тој регион.
Имено, успехот на украинската контраофанзива, како на истокот, така и на југот на земјата, успешно ја отфрли идејата дека Украина можеби ќе може да се одбрани, но не може да ги ослободи окупираните територии.
„Русите сега се надеваат дека ќе избегнат колапс на фронтот пред да пристигне зимата“, изјави за Си-Ен-Ен – Самир Пури, истражувач во Меѓународниот институт за стратешки студии и автор на книгата „Патот на Русија кон војната со Украина“.
„Ако успеат да го видат Божиќ и бојното поле сега да изгледа вака, тоа ќе биде огромен успех за Русите со оглед на сè што успеаја да уништат од февруари“ – смета Пури.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Нарачала фустани преку интернет, а во пакетот ѝ стигнала епрувета со крв
Ана Елиот од Тенеси неодамна нарачала фустани преку онлајн продавница, а кога пристигнал пакетот била преплашена.
Во кутијата, покрај облеката, пронашла епрувета со човечка крв и конзерва грав!
„Епруветата немаше име, име на лабораторија, ниту датум кога е земена крвта“, објаснува таа во видеото кое е прегледано повеќе од седум милиони пати.
Девојчето го контактирало Центарот за контрола и превенција на болести, кој го третира инцидентот како „биолошка опасност“, пренесува New York Post.
Ана ги предупреди клиентите на онлајн продавницата да бидат внимателни при отворањето на пакетите, а подоцна откри дека била во контакт со нивните претставници.
„Покренавме истрага и утврдивме дека пакетот поминал контрола на квалитетот и го оставил нашиот пакет без дополнителни артикли. Само со артикли кои се нарачани“, велат од компанијата.
Жителката на Тенеси објави серија видеа во кои ги информира своите следбеници за најновите случувања.
Претставник на транспортната компанија изјави:
„Искрено се извинуваме за ова искуство. Ние ги третираме пратките на нашите клиенти со најголема грижа и преземаме соодветни чекори за да го решиме овој проблем“.
Сè уште не се знае чија крв е во шишето, а конзервата со грав е уште поголема мистерија.
@anna_200.1 @SHEIN is denying that they have anything to do with it. And the @CDC.govOfficial ♬ Spooky, quiet, scary atmosphere piano songs – Skittlegirl Sound
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.