Свет
„Слоново стапало“ – токсично место на земјата кое може да ве убие за 5 минути
![](https://makfax.com.mk/wp-content/uploads/2024/04/Screenshot-2024-04-13-193355.jpg)
Несреќата во нуклеарната централа во Чернобил, во близина на градот Припјат во Украина, се смета за една од најголемите, ако не и најголемата еколошка катастрофа во историјата.
И, дали знаевте дека во срцето на озлогласената зона на исклучување (под реакторот број 4) има смртоносен радиоактивно место кое убива за неколку минути? Поради својата бизарна форма, тоа била наречена „Слоново стапало“.
Научниците ги проучувале кучињата кои живеат во околината на Чернобил и откриле нешто необично.
Станува збор за маса од токсичен материјал, создаден во зората на нуклеарната катастрофа во 1986 година, од многу опасен кориум.
Спасувачките служби го откриле „Слоновото стапало“ кое лежи во темната комора, а се верува дека материјалот истекол од реакторот и завршил на заштитниот под.
По контактот со бетонот, го променил составот, се оладил и се стврднал, пренесува The Sun.
Според читањата, масата и денес испушта доволно зрачење за да убие за 300 секунди.
Доколку дојде до таков контакт, последиците би биле внатрешно крварење, конвулзии, неконтролирано повраќање, дијареа и секако болна смрт.
Многумина веруваат дека „Слоновото стапало“ е најопасниот отпад на светот, а јавноста до денес видела само две фотографии.
Зрачењето влијаело и на камерите, па тие се со послаб квалитет, без разлика на опремата што се користи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.