Свет
Соборениот претседател на Нигер бара помош од Американците: „Ви пишувам како заложник“
![](https://makfax.com.mk/wp-content/uploads/2023/08/5ac85430-93cf-4828-82d7-9b9d89af2108-1.jpg)
Соборениот претседател на Нигер побара од САД и целата меѓународна заедница да помогнат, како што вели, во обновувањето на уставниот поредок по минатонеделниот пуч.
Во својот коментар објавен во „Вашингтон пост“ сменетиот претседател Мохамед Базум изјави дека пишува како заложник.
Тој исто така предупреди дека регионот може уште повеќе да дојде под руско влијание преку групата „Вагнер“, која работи во соседните земји. Западните земји стравуваат дека Нигер би можел да го следи примерот на своите соседи во свртувањето кон Русија како сојузник, како и дека тоа ќе ги зајакне исламистите, а соседните земји на Нигер од Западна Африка се заканија со воена интервенција.
Нигер е еден од главниот производител на ураниум во светот
Водачите на пучистите вчера објавија дека ги повлекуваат амбасадорите од Франција, САД, Нигерија и од Того. Само неколку часа претходно, амбасадорот на Нигер во САД, Кијари Лиман-Тингири, изјави за АФП дека хунтата „треба да се вразуми“ и да сфати дека „нивната кауза не може да успее“. Исто така, за време на соборениот претседател Базум таа земја беше еден од клучните сојузници на Западот со кого ја водеше борбата против исламистите во Сахел.
Нигер е еден од главните производител на ураниум во Африка, гориво од суштинско значење за нуклеарната енергија. Според податоците на Светската нуклеарна асоцијација (WNA), Нигер е седми најголем производител на ураниум во светот, а листата ја предводат Казахстан, Канада и Намбија.
Во напис за американскиот весник Базум истакнува дека „борбата за заеднички вредности, плурализам и почитување на владеењето на правото е единствениот пат кон одржлив напредок против сиромаштијата и тероризмот“. То, исто така тврди дека пучистите се поврзани со платеници од „Вагнер“, кои имаат злобно влијание во Нигер и дека целиот регион Сахел може да потпадне под руско влијание.
Пригожин го поздрави државниот удар
Стотици приврзаници на хунтата во Нигер вчера маршираа на улиците на главниот град Нијамеј протестирајќи против западноафриканските санкции извикувајќи проруски слогани и веејќи руски знамиња. Иако лидерот на „Вагнер“ го поздрави пучот како триумф, САД велат дека нема индикации оти „Вагнер“ бил вмешан во соборувањето на Базум.
Военото преземање беше осудено од меѓународната заедница, вклучително и ЕУ, ОН и САД. Претседателот Базум е првиот демократски избран претседател, кој наследи друг во Нигер. Нигер е клучен дел од африканскиот регион Сахел, област зафатена од џихадисти и опколена од воени режими. Во последните години таа се сметаше за пример за релативна стабилност, а нејзините соседи Мали и Буркина Фасо подлегнаа на воените удари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Шефот на агенцијата на ОН: Борбите во Газа и Рафа продолжуваат и покрај израелските најави
![](https://makfax.com.mk/wp-content/uploads/2024/04/izraelska-vojska.jpg)
Борбите во градот Рафа и во јужниот дел на Газа продолжуваат и покрај вчерашната најава на израелската армија за тактички паузи во операциите за да се дозволи влез на хуманитарна помош, изјави денеска во Осло шефот на Агенцијата на Обединетите нации за помош на Палестинците (УНРВА).
Израелскиот премиер Бенјамин Нетанјаху вчера ги критикуваше плановите на армијата да воведува дневни прекини на огнот долж еден од главните патишта до палестинската енклава.
Филипе Лазарини, шеф на УНРВА, сепак, рече дека немало пауза. „Имаше информации дека е донесена таква одлука, но политичкото ниво вели дека таква одлука не е донесена“, рече Лазарини на прес-конференцијата.
„Затоа, засега можам да ви кажам дека борбите во Рафа и на југот на Газа продолжуваат и дека оперативно ништо досега не е променето“, додаде тој.
Израелската војска во понеделникот објави дека нејзините сили ги продолжуваат операциите во областа Рафа, кои вклучуваат тесна борба со милитантите и заплена и уништување оружје.
За викендов, армијата најави дневни паузи од 7 до 18 часот во областа од преминот Керем Шалом на југот на Израел до патот Салах ал-Дин, а потоа и понатаму кон северот. Подоцна појасни дека нормалните операции ќе продолжат во Рафа, главниот фокус на неговите операции во јужниот дел на Газа.
Свет
(Видео) Авион на „Боинг“ почна да гори, му откажа моторот, мораше итно да слета
![](https://makfax.com.mk/wp-content/uploads/2024/06/Screenshot-2024-06-17-143908.jpg)
Патнички авион безбедно слета на аеродром во Нов Зеланд откако избувна пожар и откажа еден од моторите, соопшти националната противпожарна служба, пренесува Асошиејтед прес.
Боингот 737-800 на Virgin Australia летал за Мелбурн, Австралија, но на крајот слетал во новозеландскиот град Инверкаргил. Инцидентот можеби е резултат на „удар од птица“, изјави Стјуарт Агс, главен оперативен директор на авиокомпанијата.
Последиците од ударите на птиците варираат по сериозност во зависност од големината на птиците, реакцијата на пилотот и кој дел од авионот бил погоден. Пламенот во авионот бил забележан веднаш по полетувањето од аеродромот во Квинстаун.
A burning plane makes an emergency landing in New Zealand.
People in Queenstown saw flames sparking from the engine of a Boeing 737 as loud explosions were heard after a bird strike incident. pic.twitter.com/jZhpx7M7Kc
— Vexwift (@vexwift) June 17, 2024
Нема дополнителни информации за тоа што се случило во моментот на инцидентот, изјави Кетрин Нинд, портпаролка на аеродромот. Во инцидентот нема повредени. Во авионот имало 67 патници и шест членови на екипажот. Агс најави дека патниците ќе бидат сместени преку ноќ во Инверкаргил и дека ќе се договорат нови летови.
Ова е само последниот во серијата инциденти со авиони Боинг. Вчера се дозна за случајот на 11 април, кога Боинг 737 Макс 8 на Southwest Airlines почна забрзано да паѓа, запирајќи го падот на околу 120 метри над Тихиот Океан.
Свет
Путин оди во посета на Северна Кореја
![](https://makfax.com.mk/wp-content/uploads/2024/06/kim-putin.jpg)
Рускиот претседател Владимир Путин утре и задутре ќе ја посети Северна Кореја, објави Кремљ, а тоа е исклучително ретко патување кое го истакнува сè посилното партнерство на Москва со таа нуклеарна држава.
Во септември минатата година, севернокорејскиот лидер Ким Џонг Ун, за време на неговата посета на Далечниот исток на Русија, го покани рускиот претседател да ја посети неговата земја.
Путин не го посетил Пјонгјанг од јули 2000 година.
„На покана на претседавачот за државни работи на КНДР, Ким Џонг Ун, Владимир Путин ќе престојува во пријателска државна посета на Демократска Народна Република Кореја од 18 до 19 јуни“, се вели во соопштението на Кремљ, во кое се додава дека, по Северен Кореја, Путин на 19 и 20 јуни ќе го посети Виетнам.