Свет
Советот за безбедност на ОН закажа итен итен состанок за Либија попладнево
![](https://makfax.com.mk/wp-content/uploads/2019/04/05-либија.jpg)
Итен итен состанок на Советот за безбедност на ОН во врска со ситуацијата во Либија е закажан за денеска, во 19:00 часот, објави мисијата на Обединетото Кралство во ОН, пренесува „Спутник“. Советот за безбедност на ОН се очекува да се собере за консултации на затворена седница.
Претходно, дипломатски извор изјави за „Спутник“ дека британската мисијата во ОН побарала итен состанок на Советот за безбедност на ОН во врска со ескалацијата на тензиите во Либија.
„Ал-Арабија“ објави во четвртокот дека маршалот на Либиската национална армија (ЛНА), Калифа Хафтар, им наредил на своите војници да почнат офанзива врз Триполи за да го ослободат градот од терористите.
Хафтар ја издал наредбата откако ЛНА ја презеде контролата врз градовите на Сурман и Гарјан, кои претходно беа под власта на привремената влада на национален договор поддржана од ОН. Хафтар, наводно, ги повикал силите на ЛНА да ја гарантираат безбедноста на странците во Триполи и да не пукаат на цивили.
Во средата владата на национален договор прогласи општа воена подготвеност откако источните сили предводени од Хафтар објавија дека се движат кон западни делови на земјата.
Либија е вовлечена во политичка криза откако силите на Националниот преоден совет, поддржан од НАТО, го убија поранешниот шеф на државата, Моамер Гадафи. Земјата е поделена меѓу парламентот поддржан од ЛНА, избран во 2014 година, со седиште во Тобрук на истокот и владата на национален договор, формирана по иницијатива на ОН, која претходно ја контролираше Триполи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Бајден: Не одам никаде, ќе го победам Трамп
![](https://makfax.com.mk/wp-content/uploads/2024/06/bajden-italija.jpg)
Американскиот претседател, Џо Бајден, изјави во интервју дека ќе остане кандидат на Демократската партија на претседателските избори на 5 ноември, додавајќи дека е убеден дека тоа сè уште го сакаат гласачите.
„Не одам никаде“, изјави Бајден.
Тој ги повика сите што сакаат да излезе да го предизвикаат на конвенцијата на демократите во август.
Интервјуто е уште еден обид на Бајден да се опорави од лошиот настап во дебатата на 27 јуни против републиканецот Доналд Трамп, по што неговите ментални способности беа доведени во прашање. Бајден изрази фрустрација од, како што ги нарече, напорите на „елитите“ да го истуркаат од претседателската трка против Трамп, кого го победи во 2020 година.
Кога ко-водителот на емисијата ги наведе главните медиумски организации и експерти кои го повикаа да се повлече, Бајден рече: „Не ми е гајле што мислат тие големи имиња“. „Поентата е дека не одам никаде. Не одам никаде. Не би се кандидирал ако апсолутно не верував дека сум најдобриот кандидат што може да го победи Доналд Трамп во 2024 година“, истакна тој. .
Сè поголем број демократски членови на Конгресот изразуваат загриженост дека ниската јавна поддршка на Бајден и неизвесноста во однос на неговата возраст може да и наштетат на партијата. Потпретседателката Камала Харис се смета за најверојатниот наследник доколку Бајден се повлече.
Анкетата на Ројтерс/Ипсос минатата недела покажа дека секој трет демократски гласач верува дека Бајден треба да се откаже од трката, а 59 отсто од испитаниците од партијата на претседателот рекле дека е премногу стар за да ја води земјата.
Во писмото до демократите, Бајден рече дека е свесен за нивната загриженост, но дека сега е време да се стави крај на тоа прашање.
„Прашањето како да се оди напред кружи веќе една недела. Време е да заврши. Имаме една работа. Тоа е да го победиме Доналд Трамп“, им напиша Бајден на сопартијците.
Свет
ИДФ издаде нова наредба за жителите на Газа: Евакуирајте се
![](https://makfax.com.mk/wp-content/uploads/2024/05/gaza1.jpg)
Израелската армија издаде нова наредба за евакуација на Палестинците кои живеат во Појасот Газа.
Наредбата се однесува на жителите на населбите Сабра, Тел ал Хава, Римал и Дарај, пренесе „Ал Џезира“.
На жителите им беше наредено да се упатат кон хуманитарната зона лоцирана во Ал Малави, област на јужниот крај на Појасот Газа, која претходно беше нападната од израелската армија.
Последната наредба за евакуација доаѓа откако израелските вооружени сили ги засилуваат нападите врз Газа.
Утринава израелската армија почна нови напади во јужните и западните делови на градот Газа, додека продолжи да врши притисок врз источниот кварт Шуџаеи.
Свет
Бројот на загинати во рускиот напад се искачи на 31 лице
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Бројот на загинати во денешните руски напади се искачи на 31, а повеќе од 150 лица се повредени, соопштија украинските власти.
Последните извештаи говорат дека 17 лица се убиени во главниот град Киев, од кои две во детска болница, а уште 11 на неколку места во регионот Дњепропетровск.
Руското Министерство за одбрана денеска ги отфрли наводите на Киев за намерен напад на руските сили врз цивилни цели нагласувајќи дека групниот напад врз воени цели во Украина е одговор на обидот на Киев да ги оштети руските енергетски и економски капацитети.