Свет
Сомнителен пакет пред Амбасадата на САД во Лондон, се слушнала експлозија, установата затворена

Амбасадата на САД во Лондон е затворена поради безбедносна тревога.
Полицијата и пожарникарите се снимени пред зградата на Амбасадата.
„Свесни сме за шпекулациите на интернет за инцидент во близина на американската амбасада во Нин Елмс. Во областа се поставени кордони како мерка на претпазливост додека полицајците го истражуваат сомнителниот пакет“, се вели во соопштението на полицијата.
„Локалните власти истражуваат сомнителен пакет пред американската амбасада во Лондон“, изјави портпаролот на американската амбасада.
„Можеме да потврдиме дека гласниот тресок што неодамна беше пријавен во оваа област е резултат на контролирана експлозија предизвикана од полициски службеници. Истрагите сè уште се во тек, а кордоните засега ќе останат на место“, соопштија потоа од градската полиција.
We’re aware of speculation online about an incident in the vicinity of the US Embassy in Nine Elms.
Cordons are in place in the area as a precaution while officers investigate a suspect package.
We will provide a further update in due course.
— Metropolitan Police (@metpoliceuk) November 22, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија лансираше 97 беспилотни летала во неколку региони низ Украина

Во текот на ноќта, Русија лансираше 97 беспилотни летала во неколку региони низ Украина, соопштија Воздухопловните сили на вооружените сили на Украина.
Воздухопловните сили објавија на Телеграм дека украинските сили собориле 66 руски беспилотни летала во текот на ноќта.
Во голем број украински региони е прогласена воздушна опасност поради лансирање руски беспилотни летала, вклучувајќи ги Полтавската и Харковската област, Одеса, Киев, Суми, Чернигов, Днепропетровск и Запорожје
Свет
Од денеска за верниците се отвора гробницата на папата Франциско во базиликата Санта Марија Маџоре во Рим

Од денеска гробницата на папата Франциско во базиликата Санта Марија Маџоре во Рим ќе биде отворена за верниците, соопшти Ватикан.
Папата, кој почина на 88-годишна возраст на 21 април од мозочен удар, беше погребан вчера во гробница одвоена помеѓу две капели во римската базилика, по церемонија на жалост одржана во Ватикан. Церемонијата на поставување на ковчегот траеше околу половина час.
На погребот во базиликата Санта Марија Маџоре присуствуваа само најблиските, а едноставниот, дрвен ковчег на папата беше пречекан со ѕвона.
На мисата во Ватикан, според официјалните податоци од Ватикан, присуствуваа околу 250.000 луѓе, како и 170 странски делегации. Меѓу нив имаше шефови на држави и влади, монарси, поранешни државници, политичари од Италија и други земји, интелектуалци, уметници. Подоцна, италијанскиот министер за внатрешни работи Матео Пјантедози изјави дека најмалку 400.000 луѓе присуствувале на погребот на папата Франциск, собрани на плоштадот „Свети Петар“ и по улиците на Рим.
Целиот настан го следеа околу 2.700 акредитирани новинари.
Свет
Има жртви откако возило влета во публиката на уличен фестивал во Ванкувер, Канада

Неколку лица загинаа, а поголем број се повредени кога возило влета во публиката на уличен фестивал во Ванкувер, Канада, соопшти полицијата, без да го прецизира точниот број на жртви.
Полицијата соопшти дека возачот е во притвор по инцидентот во саботата во близина на улицата Фрејзер и Источна 41-ва авенија, објави канадската мрежа Си-Би-Си.
Се наведува дека полицијата ќе објави повеќе информации како што ќе се одвива истрагата.