Американската војска не претрпе жртви во борбените дејствија откако Иран одговори на американско-израелските напади со стотици ракети и беспилотни летала, соопшти во саботата Централната команда на САД.

Во исто време, иранските медиуми, повикувајќи се на Црвената полумесечина, објавија дека 201 лице загинале во израелските и американските напади во 24 провинции.

Американската команда соопшти дека иранските контранапади предизвикале минимална штета на американските инсталации и дека тоа не влијаело на операциите.

Според војската, целите на нападите биле командни пунктови на иранската армија и Револуционерната гарда, како и објекти за лансирање ракети и беспилотни летала.

Израелскиот премиер Бенјамин Нетанјаху им се обрати на иранскиот народ, велејќи им дека имаат „можност што се јавува еднаш во генерација“ да го соборат режимот таму. Тој рече дека нападите на Израел ќе им помогнат „да се ослободат од тиранијата“.

„Излезете масовно на улиците и завршете ја работата“, рече тој. „Крајно време е да се обединиме во историска мисија“, додаде Нетанјаху.

⚡️ Netanyahu: "There are more and more signs that Khamenei is no longer alive"

It is currently known that the ayatollah’s son-in-law, daughter-in-law, and secretary have been killed.

The Israeli Prime Minister also stated that the people of Iran will soon have a chance at… pic.twitter.com/WIbfArriiq

— NEXTA (@nexta_tv) February 28, 2026

Нетанјаху, исто така, тврди дека „постојат многу знаци дека тиранинот Хамнеи повеќе не е жив“.

Тој не понуди докази за тоа тврдење.

Врховниот лидер на Иран, ајатолахот Хамнеи, е мртов и неговото тело е пронајдено, изјави за Ројтерс висок израелски функционер.

We obtained the first known satellite image of Ayatollah Ali Khamenei's compound in Tehran. There are several destroyed buildings. While the current whereabouts of Iran's supreme leader are unknown, the compound is generally used as his official residence. 🛰️📸: @Airbus pic.twitter.com/48krjclMBL

— Christiaan Triebert (@trbrtc) February 28, 2026

Високи израелски функционери изјавија за неколку медиуми дека ајатолахот е мртов, но нема официјална потврда од Иран. Израелските медиуми објавија дека неговото тело е пронајдено во урнатините на палата.

Footage circulating online appeared to show smoke rising in central Tehran after a reported strike near Iran’s Supreme Leader’s office complex. pic.twitter.com/f3ac9a0jOf

— Iran International English (@IranIntl_En) February 28, 2026

Израелскиот Канал 12, исто така, објави дека на премиерот Бенјамин Нетанјаху наводно му била презентирана документација за телото на Хамнеи. И покрај овие тврдења што доаѓаат од Израел, нема официјална реакција или потврда од Техеран за судбината на врховниот лидер.

Iran’s Supreme Leader Ali Khamenei is dead and his body has been found, a senior Israeli official tells Reuters. pic.twitter.com/05Q9Epmm04

— Al Arabiya English (@AlArabiya_Eng) February 28, 2026