Свет
Спасени двајца едриличари по 10 дена пловење во Атлантикот: „Како ѓаволот да беше надвор“
Двајца пријатели планирале забавно патување со едрење од Њу Џерси до Флорида Кејс, но работите тргнале наопаку.
Џо ди Томасо (76) и Кевин Хајд (65) го напуштиле Орегон на 3 декември и набргу изгубиле контакт со семејството. Им снемало гориво и струја и повеќе од десет дена пловеле во Атлантскиот Океан.
Тие беа спасени во вторникот. Пудлицата Мини беше на бродот со нив. Тие биле забележани од екипажот на танкерот на околу 340 километри од брегот на Делавер, објави американската крајбрежна стража, пренесе „Њујорк тајмс“.
„Никогаш во животот не сум доживеал толку силен ветер. Звучеше како самиот ѓавол да е надвор“
Крајбрежната стража почна потрага во неделата. Мажите биле на едрилица долга 9 метри. Останале без гориво и струја поради што не им работеле радиото и навигацијата. Искинат им е и еден јарбол. Хајд на конференцијата изјави дека јарболот се скршил кога ги погодило силно невреме со бранови од 12 метри.
„Никогаш во животот не сум доживеал толку силен ветер. Звучеше како самиот ѓавол да е надвор. По некое време бевме без вода и со многу малку храна. Цицавме вода од цевките. Сечевме цевки само за да добиеме малку вода“, рече Ди Томасо.
Екипажот на танкерот ги префрлил мажите и кучето на бродот, каде што биле прегледани од лекар. Ди Томасо на прес-конференцијата изјави дека повеќе нема да плови од Њу Џерси до Флорида и дека ќе остане поблиску до брегот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Прво обраќање на Хезболах откако беше убиен нивниот лидер: „Подготвени сме за израелска копнена инвазија“
Заменик-шефот на Хезболах, Наим Касем на почетокот на обраќањето рече дека групата изгубила брат и водач кога Израел го убил Хасан Насрала.
Тој изрази сочувство до семејствата на сите загинати во истиот напад.
"He was loved by the people"
Hezbollah deputy chief Sheikh Naim Qassem offers condolences to Ayatollah Khamenei over the martyrdom of Sayyed Hassan Nasrallah, also mentioning the characteristics of the martyred Hezbollah leader. pic.twitter.com/AF8SC7JB15
— Press TV 🔻 (@PressTV) September 30, 2024
„Тој беше сакан од народот“, рече заменик-шефот на Хезболах.
Касем вели дека израелските сили убиваат и масакрираат цивили. „САД се партнер на Израел, преку неограничена воена поддршка – културно, политички, финансиски“, рече тој.
„Ние сме сосема подготвени доколку Израелците сакаат копнена инвазија, силите на отпорот се подготвени за тоа. Се подготвивме и сме подготвени. Непријателот на Израел нема да ги постигне своите цели“, рече тој.
Ова е прв ваков говор откако лидерот Хасан Насрала беше убиен во израелски напад, пренесува АФП.
Свет
САД со одлука: 567 милиони за Тајван
Претседателот на Соединетите Американски Држави Џозеф Бајден одобри 567 милиони долари за одбрана на кинескиот регион Тајван, соопшти денеска Белата куќа.
Во соопштението се наведува дека Бајден му делегирал на американскиот државен секретар „да повлече до 567 милиони долари од Министерството за одбрана на САД за оружје, услуги, воено образование и обука за да му пружи помош на Тајван“.
Ова е најновата одлука на американската администрација донесена со цел зајакнување на армијата на островот во услови на растечки тензии со Кина, пренесува Ројтерс.
Агенцијата наведува дека САД се најважниот меѓународен сојузник и снабдувач на оружје на Тајпеј, пренесуваат светските медиуми.
Свет
ИФО: Германските компании генерално нема да ги зголемат цените на нивните производи и услуги
Германските компании генерално не планираат да ги зголемат цените на своите производи и услуги, е заклучокот од извештајот што денеска го објави Институтот за економски истражувања ИФО од Минхен.
Според извештајот, индексот што ја мери подготвеноста на германските компании да ги зголемат цените падна од 16,1 поени во август на 13,8 поени во септември.
Врз основа на резултатите, шефот на одделот за прогнозирање на Институтот за економски истражувања, Тимо Волмершеуцер, заклучува дека стапката на инфлација во Германија ќе остане под два отсто во наредните месеци.
Според него, економската криза во Германија ги ограничува можностите на локалните компании да ги зголемат цените, пренесува Танјуг.
Германските граѓани треба да очекуваат повеќе зголемувања на цените во производниот сектор, додека сè помалку компании во малопродажбата, градежната индустрија и меѓу давателите на услуги се подготвени да ги зголемат цените, се вели во извештајот.
Годишната стапка на инфлација во Германија падна во август од 2,3 отсто во јули на 1,9 отсто и моментално е најниска од март 2021 година, објави неодамна германската Федерална статистичка служба (Дестатис).
Прелиминарните податоци за септемвриската инфлација во Германија ќе бидат објавени денеска.