Свет
Спасиле многу луѓе, меѓу кои и бебе – брачен пар скокнал низ прозорецот и помагал во првите мигови од земјотресот
Брачниот пар здравствени работници, кои со својата шестгодишна ќерка скокнаа низ прозорецот на нивната куќа во Хатај, која беше тешко оштетена во земјотресот со јачина од 7,7 степени според Рихтеровата скала, со епицентар во местото Пазарџик во турската област Кахраманмараш, на настраданите им подадоа рака на помош уште во првите минути од катастрофата, пишува турската новинска агенција „Анадолија“.
Бурак, 30-годишен медицински техничар во единицата на Итната медицинска помош, вработен во обласната Управа за здравство 112, неговата сопруга Недиме, исто така вработена во Итната медицинска помош и нивната шестгодишна ќерка Азра Јилдирим, земјотресот ги затекна додека спиеја во својот дом во градот Антакија.
Членовите на семејството кои скокнале од прозорецот на нивната куќа која се наоѓаше на првиот кат од тешко оштетената седумкатна зграда, веднаш по првичниот шок, притрчаа да им помогнат на луѓето во околината. Брачниот пар кој почнал веднаш да им укажува помош на настраданите, чувајќи ја ќерката покрај себе, придонесе да преживеат голем број луѓе.
Семејството, кое престојува во шаторот на мобилната болница поставена во градината на Болницата за обука и истражување на Хатај, во исто време им помага на повредените и се грижи за своето дете.
Семејството Јилдирим го преживеа и земјотресот во Малатија
Бурак Јилдирим за AA изјави дека ноќта кога се случи земјотресот се разбудиле од бучавата.
Раскажувајќи дека за разлика од она што претходно го доживеале во Малатија, овој пат се соочиле со многу пострашна катастрофа, Јилдирим продолжи со зборовите:
„Ја прегрнав ќерка ми и покажувајќи ѝ на сопругата, скокнав од прозорецот на нашата куќа кој гледа кон детското игралиште. Локалитетот во кој живееме се состои од четири згради. По потресот зградите беа меѓусебно испреплетени и јасно можеше да го видиме хаосот. Ние бевме првите кои ја напуштија зградата. Имаше луѓе кои врескаа, бегаа, викаа за помош, но во тој момент не можеш да помогнеш, сѐ уште ни себеси не си се спасил. Во тој момент нашиот сосед од првиот кат извика „Земете го моето дете!“ Мојата ќерка беше во моите раце, а во тој момент сопругата се врати. Нашиот сосед го фрли своето две и пол-тригодишно дете низ прозорецот во прегратките на мојата сопруга. Фала му на Бога, мојата сопруга го фати детето.“
Јилдирим рече дека откако се прибрал, заедно со сопругата отишле во станицата на Итната медицинска помош 112 во која работела неговата сопруга.
Зборувајќи дека контактирајќи со своите колеги од другите станици на Итната помош пронашле амбуланта, Јилдирим истакна:
„Заедно со сопругата почнавме да ги прегледуваме настраданите. Јас се грижев за нашето дете, а мојата сопруга ги прегледуваше повредените. Потоа таа ќе дојдеше да го земе детето, а јас ќе продолжев да ги прегледувам настраданите. Ова вака продолжи шест-седум дена. Совесно дадовме сѐ од себе, но не беше доволно, не можевме да стигнеме насекаде.“
Ја загубив мојата најдобра колешка
Недиме Јилдирим нагласи дека продолжуваат да го преживуваат шокот од катастрофата.
Раскажа и за интервенцијата кај Мустафа Авџи, кој беше заглавен под урнатините и кого земјотресот го затекнал во приватна болница во која дошол поради породување на неговата сопруга. Тој по земјотресот бил извлечен од под урнатините по 261 час од страна на спасувачките екипи. Недиме Јилдирим за него рече:
„Ни кажа дека неговата сопруга се породила, го видел бебето 15 минути, а потоа ја загубил свеста. Подоцна дознавме дека сопругата и детето се добро. Од нас побара вода. Му ја навлажнивме усната. Се обидовме да му помогнеме нему и на многумина како него секогаш колку што можевме.“
Таа нагласи дека бидејќи нејзиното дете било во добра состојба, се обидела да им помогне на луѓето кои се под урнатините колку што може.
Осврнувајќи се на сето она што го преживеала во земјотресот, Недиме Јилдирим додаде:
„Зградата се уриваше, помислив дека треба да им се помогне на луѓето што викаат озгора. Моето дете беше во шок, цврсто се држеше за мојот сопруг. Бев на нозе и потрчав по детето кое беше фрлено озгора. Фрлија душек озгора, надевајќи се дека ќе ги спасат децата… Во тоа време земјотресот сѐ уште траеше и врнеше неверојатен дожд. Целите бевме накиснати, бевме жива вода. Децата велеа „Ладно ни е, однесете нѐ дома.“ Беа во шок, не го разбраа земјотресот. Тие гласови сѐ уште ми се во ушите. Бидејќи и јас и мојот сопруг сме вработени во Службата за итна медицинска помош 112, немавме каде да го оставиме нашето дете. Наизменично работевме со повредените. Кога дојдов на работното место, им се јавив на моите пријатели кои можеа да работат, кои беа во добра состојба. Сакав да дознаам во каква состојба се. Дознав дека загинале мојата најблиска колешка Гамзе, нејзиниот сопруг Илјас и нивното дете Чинар Акаја. Во моментов сè уште не можеме во потполност да ја разбереме нашата болка бидејќи продолжуваме да им помагаме на настраданите. Најверојатно нашата болка ќе ја доживееме кога целиот овој процес ќе заврши.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рускиот извоз намален, пратките во Азија и Европа се најмногу намалени
Рускиот извоз се намали во периодот од јануари до септември, објави царинската управа. Вредноста на рускиот извоз изнесуваше 302,8 милијарди долари, што е намалување за 4,6 проценти во однос на истиот период минатата година, според податоците што ги цитираше агенцијата ТАСС.
Рускиот увоз, од друга страна, достигна 201,1 милијарди долари, што е намалување за околу еден процент. Ова го намали суфицитот на Русија во трговијата со светот за 11 проценти, на 101,7 милијарди долари, објави царинската управа. Вкупната вредност на трговијата на Русија со светот се намали за 3,23 проценти во споредба со првите девет месеци од минатата година, на 503,9 милијарди долари.
Во периодот од јануари до септември, Русија најмногу тргуваше со азиските земји, со вкупна вредност на трговијата од околу 370 милијарди долари. Вредноста на руските испораки во Азија се намали за 1,9 проценти, на 235,1 милијарди долари. Вредноста на увозот од оваа група земји исто така се намали малку, за 0,9 проценти, на 134,3 милијарди долари.
Според царинската управа, рускиот извоз во европските земји се намали за 15,7 проценти, на 42,2 милијарди долари. Европските испораки во Русија, од друга страна, беа за 5,0 проценти пониски по вредност, на вкупна вредност од 51,5 милијарди долари. Во трговијата со африканските земји, рускиот извоз се намали за 13,4 проценти, на 15,8 милијарди долари. Увозот, од друга страна, скокна за 32,2 проценти, достигнувајќи 3,3 милијарди долари.
Русија најмалку тргуваше со земјите од Северна и Јужна Америка во првите девет месеци, со вредност на извозот од 9,3 милијарди долари, што е намалување од 1,2 проценти во однос на минатата година. Рускиот увоз од оваа група земји скокна за 12,9 проценти на 11,8 милијарди долари.
Во структурата на рускиот извоз, најголемо учество имаа минералните производи, со вредност на испораките од 168,7 милијарди долари, што е намалување од 14,3 проценти во однос на минатата година. Металите и металните производи се на второто место, со скок на вредноста на испораките од 17,6 проценти на 52,2 милијарди долари.
Следеа земјоделските производи, со вредност на испораките од 27,5 милијарди долари, што е намалување од 11,1 процент во однос на истиот период од претходната година.
Во периодот од јануари до септември, Русија увезе најмногу машини, опрема и моторни возила, според царинските податоци, со вредност на испораките од 96,7 милијарди долари, што е намалување од 7,0 проценти во однос на минатата година.
Хемикалиите се на второто место, со зголемување од 3,6 проценти во вредноста на набавките, на 40,2 милијарди долари. Следат земјоделските производи, со пратки во вредност од 31,2 милијарди долари, што е зголемување од 14,6 проценти во однос на минатата година, покажаа царинските податоци.
Свет
Трамп му постави ултиматум на Би-Би-Си: Исправете го извештајот или ќе се соочите со тужба од милијарда долари
Претседателот на САД, Доналд Трамп, му се закани на Би-Би-Си со тужба од милијарда долари и ѝ даде рок на британската јавна радиодифузија до петок да ги исполни неговите барања. Како што наведоа адвокатите на Трамп во писмо до кое дојде американската NBC News, причината за тужбата е наводното злонамерно уредување на негов говор во документарец на Би-Би-Си.
Трамп му даде рок на Би-Би-Си до петок, 14 ноември во 17 часот по источно време (22 часот по британско време) да го исполни барањето. Во спротивно, се наведува, ќе следи правна битка, објавува Sky News.
„Претседателот Трамп нема да има друг избор освен да ги оствари своите законски права, од кои сите се изрично резервирани и не се откажуваат, вклучително и поднесување барање за отштета во износ од најмалку 1.000.000.000 долари (една милијарда долари). Би-Би-Си е известена“, се вели во меморандум од правниот тим на Трамп.
Адвокатите на Трамп бараат редакција на спорниот материјал. Портпаролот на неговиот правен тим беше јасен во изјава за NBC: „Би-Би-Си го клевети претседателот Трамп со намерно и измамничко уредување на својот документарец за да се обиде да влијае на претседателските избори. Претседателот Трамп ќе продолжи да ги смета за одговорни оние кои се вклучуваат во лаги, измами и лажни вести.“
Од друга страна, имаше краток и одмерен одговор од Би-Би-Си: „Ќе го разгледаме писмото и ќе одговориме директно навреме“, изјави портпарол за NBC News.
Свет
Трамп со остра порака до контролорите на летање: Веднаш вратете се на работа, ќе има казни
Американските сенатори постигнаа привремен договор за прекин на буџетската парализа што блокира некои јавни услуги рекордни 40 дена, објавија неколку медиуми. Но, ситуацијата ескалираше денес со заканата на американскиот претседател Доналд Трамп до контролорите на летање кои не доаѓаат на работа затоа што не примаат плата.
Поради блокадата, илјадници летови беа откажани минатата недела. Само денес, американските авиокомпании откажаа над 1.500 летови.
Трамп, преку својата социјална мрежа Truth Social, им порача на сите контролори на летање дека мора веднаш да се вратат на работа. Тој им се закани на оние кои нема да го сторат тоа со казни, а во исто време вети дека ќе ги награди оние кои продолжиле да работат за време на блокадата, со бонус од 10.000 долари.
„Сите контролори на летање мора веднаш да се вратат на работа!!! Секој што нема да го стори тоа ќе биде значително „казнет“. За оние контролори на летање кои беа ГОЛЕМИ ПАТРИОТИ и не зедоа СЛОБОДНИ ДЕНОВИ за време на „измамата за затворање на демократите“, ќе препорачам БОНУС од 10.000 долари по лице за извонредна служба на нашата земја.
За оние кои само се пожалија и зедоа слободни денови иако сите знаеја дека ќе бидат платени ВО ЦЕЛОСТ кратко потоа, НЕ СУМ ЗАДОВОЛЕН СО ВАС. Не им помогнавте на САД против ЛАЖНИОТ ДЕМОКРАТСКИ НАПАД кој имаше само за цел да ја оштети нашата земја. Ќе имате негативна оценка, барем според мене, за вашата претходна работа. Ако сакате да ја напуштите службата во блиска иднина, слободно сторете го тоа, БЕЗ никакви плаќања или отпремнина! Брзо ќе бидете заменети со вистински патриоти кои ќе работат подобро на СОСЕМ НОВАТА СОВРЕМЕНСКА ОПРЕМА, најдобрата во светот, која моментално ја нарачуваме. Претходната „администрација“ потрошија милијарди долари обидувајќи се да поправат застарени „багови“. Немаа поим што прават!
Повторно, до нашите големи американски патриоти, БОГ ДА ВЕ БЛАГОСЛОВИ. До сите други, ВРАТЕТЕ СЕ НА РАБОТА СЕГА. БОГ ДА ЈА БЛАГОСЛОВИ АМЕРИКА! ПРЕТСЕДАТЕЛ ДОНАЛД Џ. ТРАМП.“, објави тој.
Затворањето на владата, кое трае рекордни 40 дена, доведе до недостиг на контролори на летање, кои, како и другите вработени во федералната влада, не се платени со недели.
Исплатите од ИПАРД програмата привремено прекинати поради проверка на законитоста
Македонија преку структурите и органите за управување на средствата од ИПА/ИПАРД донесе одлука за времен прекин на исплатите на средствата...
Пендаровски му одговори на Фрчкоски: Никогаш не сум мешетарел, тоа го прават други кои се занимаваат со кафеанско озборување
Поранешниот претседател Стево Пендаровски ја отфрли изјавата на Љубомир Фрчкоски дека мешетари во СДСМ и дека има улога во можни...
Приведена жена од Кавадарци поради напад врз своето 6-месечно бебе
Утрово, околу 6 часот, полицијата во Скопје приведе 23-годишна девојка од Кавадарци, која се сомничи дека ноќеска, околу 00:37 часот,...
„’Вреди’ до Јаневска“: Непознавањето на албанскиот јазик не треба да води до фрустрација
Вчера, за време на јавен настап, министерката за образование, Весна Јаневска, во два или три наврати изрази незадоволство од комуникацијата...
Половина од младите во Македонија не веруваат дека земјата некогаш ќе стане членка на ЕУ
Повеќе од 46 отсто од младите во Македонија не веруваат дека земјата ќе стане членка на Европската унија, покажува новиот...
Граѓаните да бидат внимателни и да не отвораат лажни електронски пораки во име на директорот на БЈБ, предупредува МВР
Министерството за внатрешни работи известува дека до неколку граѓани од страна на сторители што лажно се претставуваат во име на...
Комисијата за историски прашања е алиби за моментно многу комплицираните односи меѓу Бугарија и Северна Македонија, вели Димитров
Комисијата за историски прашања со РСМ е еден вид алиби за моментно многу комплицираните односи меѓу Бугарија и Северна Македонија,...
Турција сака безбеден премин за 200 цивили заробени во тунелите во Газа
Турција се обидува да обезбеди сигурен премин за околу 200 цивили заробени во тунелите во Газа, откако го олесни враќањето...
Сенатот постигна договор: заврши најдолгата блокада на буџетот во историјата на САД
Американските сенатори постигнаа привремен договор со кој ќе се стави крај на буџетската парализа што блокираше некои јавни услуги рекордни...
(Видео) Зеленски: За разлика од целиот свет, јас не се плашам од Трамп
Украинскиот претседател Володимир Зеленски изјави дека, за разлика од многу западни лидери, не се плаши од Доналд Трамп и ги...
(Видео) Супертајфун ги погоди Филипините: бројот на жртви расте, еден милион луѓе принудени да се евакуираат
Супертајфунот Фунг-вонг ги погоди Филипините вчера, при што загинаа две лица, а еден милион луѓе беа принудени да се евакуираат...
(Видео) Нов напад врз Крим: погоден важен руски складиштен објект за нафта
Украинските војници во неделата нападнаа руско складиште за нафта во близина на селото Гвардејское на окупираниот украински полуостров Крим, објави...
(Видео) Судир на возови во Словачка, десетици повредени
Два воза се судрија ноќеска во Словачка откако едниот се удрил во задниот дел на другиот, при што се повредени...
Ѓорѓиевски: За два дена од Скопје се исчисти над четири и пол илјади тони отпад, скопјани имаат човек на кој може да се потпрат
Над четири и пол илјади тони отпад или четири до пет пати повеќе од секој вообичаен викенд што се собирало...
Пијан возач од Турција направи хаос во Аеродром
Полицијата објави фотографија од сообраќајката што се случила синоќа на улицата Матеја Матевски во Аеродром, кога возач на „БМВ 5“...
Ѓорѓиевски со предупредување до граѓаните, ќе се казнува секој што ќе фрла отпад
Градоначалникот на Град Скопје, Орце Ѓорѓиевски, објави дека акцијата за чистење „72 часа“ се одвива одлично, со цел градот да...
Таткото на едно од девојчињата загинати со „Пулс“ објави видео од нејзиното последно излегување од дома
Александар Наунов, таткото на трагично загинатата Надица, една од 63-те жртви во пожарот во дискотеката „Пулс“ во Кочани, сподели видео...
Јаневска: Следната година нема „прогледување низ прсти“ ако директорите не нарачаат учебници на време
Директорите на училиштата треба многу сериозно да си ја сфатат работата дека се должни да ги почитуваат законите и да...
„Супорт Кочани“ собра 11 милиони денари од донации за настраданите од „Пулс“, државата им наплати 1 милион денари данок
Околу 11 милиони денари се распоредени од заедничката сметка за донации од граѓанската иницијатива „Супорт Кочани“. Од граѓанската иницијатива велат...
Родителите на починатите во „Пулс“ со порака до судиите: Не дозволувајте болката и гневот да станат уште поголеми
Во Кочани денеска родителите на жртвите од пожарот во дискотоеката „Пулс“ одржаа нов „Марш за ангелите“, упатувајќи порака до правосудните...
