РЕ-Дигитал
„Спејс икс“ лансираше десетици минисателити во орбитата
Во рамките на мисијата „Транспортер 9“, во ниската орбита на Земјата беше лансирана ракетата Фалкон 9 со десетици минисателити, објави „Спејс икс“ на социјалната мрежа „Икс“ (Твитер).
Мисијата „Транспортер 9“ е деветти специјален лет на ракета „Спејс Икс“ во орбитата која носи десетици микро и наносателити за комерцијални и владини клиенти, пренесува новинската агенција „Танјуг“.
„Фалкон 9“ беше лансиран од вселенската база Ванденберг во Калифорнија.
„Транспортер 9“ е 82-та орбитална мисија на „Спејс икс“ оваа година.
Повеќето од мисиите беа посветени на создавањето на „Старлинк“, интернет мегасоѕвездието на „Спејс икс“ со повеќе од 5.000 сателити.
Претходната мисија „Транспортер 8“ беше лансирана во јуни, кога во орбитата беа испуштени 72 минисателити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
„Инстаграм“, конечно, ја добива функцијата што сите ја сакаат
Многу корисници ја бараа оваа функција, а „Инстаграм“, конечно, им ги исполни желбите.
„Инстаграм“, конечно, ги послуша своите корисници: популарната социјална мрежа воведува нова функција „Историја на гледање“, која ви овозможува да ги прегледате сите видеа од Reels што сте ги гледале претходно, дури и ако не сте ги лајкнале, зачувале или споделиле.
Досега, ако случајно сте „скролувале“ преку интересно видео од Reels и сте заборавиле да го зачувате, беше речиси невозможно повторно да го пронајдете. Новата функција го решава токму тој проблем.
Како што објаснува извршниот директор на „Инстаграм“, Адам Мосери, многу корисници барале начин да ги пронајдат видеата што претходно ги гледале, но не ги зачувале, а оваа функција е директен одговор на овие барања.
View this post on Instagram
Функцијата „Историја на гледање“ ќе биде достапна во делот „Ваша активност“. За да пристапите до неа, треба да го отворите вашиот профил, да ги допрете трите реда во горниот десен агол, потоа да изберете „Ваша активност“ и да ја пронајдете „Историјата на гледање“.
Корисниците ќе може да ги видат сите претходно гледани видеа подредени хронолошки, како и да ги сортираат според времето на гледање или авторот. Тие исто така ќе може да избришат поединечни ставки или целата историја одеднаш.
Новата функција се воведува постепено и треба да биде достапна за сите корисници во светот во наредните недели.
Фото: Принтскрин
РЕ-Дигитал
„Епл“ ќе ја пренесува Формула 1 ексклузивно во САД со договор вреден 750 милиони долари
Американската компанија „Епл“ потпиша историски петгодишен договор вреден околу 750 милиони долари за ексклузивно пренесување на Формула 1 во САД.
Од сезоната 2026, „Епл ТВ“ ќе биде единствената платформа за следење на сите трки, квалификации и тренинзи. Според „Хајпбист“, овој потег следи по огромниот успех на филмот „F1: The Movie“, најпрофитабилниот спортски филм во историјата.
Содржината на Формула 1, вклучувајќи ги и функциите на „Ф1 ТВ Премиум“, ќе биде достапна во рамките на стандардната претплата на „Епл ТВ“, без дополнителни трошоци.
„Епл“ планира да ги интегрира F1-содржините низ целиот свој систем, со цел да привлече помлада и технолошки свесна публика.
РЕ-Дигитал
Tрамп тврди дека има купувач за „Тик-ток“
Американскиот претседател, Доналд Трамп, изјави дека пронашол купувач за апликацијата „Тик-ток“ во таа земја.
Во интервју за „Фокс њуз“, Трамп рече дека пронашол група многу богати луѓе како потенцијален купувач за „Тик-ток“, чиј идентитет ќе го открие за околу две недели, пренесува „Ројтерс“.
На 18 јуни, Трамп по трет пат ја одложи забраната за апликацијата „Тик-ток“ во Соединетите Американски Држави, додека чека нејзиниот сопственик, кинеската компанија „Бајт денс“ да ја продаде социјалната мрежа.

