Свет
Стармер: Живееме во нова и опасна ера

Новиот британски премиер Кир Стармер синоќа ги повика сојузниците во НАТО да направат повеќе за да ги зголемат трошоците за одбрана велејќи дека тоа е потребно за да се заштитат вредностите на алијансата во „новата и опасна ера“.
Говорејќи на својот прв меѓународен самит откако стана британски премиер минатата недела, Стармер повтори дека неговата влада ќе изготви план за распределба на 2,5 отсто од БДП за трошоците за одбраната, со распоред што допрва треба да се постави.
Стармер постојано избегнуваше да одговори на прашањата дали американскиот претседател Џо Бајден е доволно способен да се кандидира за нов мандат откога по грешка украинскиот претседател Володимир Зеленски го нарече рускиот претседател Владимир Путин и набргу се поправи.
Наместо тоа, Стармер ја пофали улогата на Бајден во организирањето на, како што рече, успешен самит на НАТО во Вашингтон.
„Ова беше успешен совет, тој го водеше, тој заслужува признание за тоа“, рече Стармер на прес-конференција.
Во своите забелешки Стармер се обиде повеќе да се фокусира на самиот самит велејќи дека 23 од 32-те членки на алијансата сега трошат 2 отсто од БДП на одбраната, „но во пресрет на сериозните закани за нашата безбедност мораме да одиме понатаму“ цитирајќи во овој контекст „генерациска закана од Русија, поддржана од Северна Кореја и Иран“ и конфликтите што беснеат на Блискиот Исток и во Северна Африка, а тука е и предизвикот на Кина и тероризмот.
Анализата објавена во април од претходната британска конзервативна влада покажа дека британската одбранбена потрошувачка подобна за НАТО се очекува да биде 2,32 отсто од БДП во финансиската 2024 – 2025 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.