Децата повредени во напад со нож во основното училиште Пречко се пренесени во болниците во Загреб. Двајца од нив се во загрепската детска клиника.

Едното дете е седум, другото 11 години. Имаат повеќе убодни рани, но, како што вели директорот, се надвор од животна опасност. Се врши дијагностичка обработка, по што на крајот ќе се утврди дали на некој од овие деца им е потребна операција. Детето кое со итен хеликоптер беше пренесено во болницата во Дубрава, односно до нивниот хелиодром, беше пренесено во КБЦ Загреб. Се работи на дијагностичка обработка  и, детето е надвор од животна опасност.

Двајца од повредените, како што неофицијално дознава ХРТ, насилникот и наставничката се во клиничката болница Свети Дух.

„Наставничката се бори за живот и ситуацијата е тешка. Насилникот си нанел опасни по живот повреди на себе во пределот на вратот“.

Министерката за здравство Ирена Хрстиќ изјави дека починатото дете имало седум години.

Едно дете загина, наставник и шест ученици се повредени во напад со нож што се случи утринава во основното училиште „Пречко“ во Загреб.

Полицијата потврди дека напаѓачот е 19-годишен маж и дека е приведен.

Во Дневникот на ХРТ беше објавено дека децата кои го напуштале појадокот виделе крв во ходникот и млад човек како тепа момче.

Почнале да бегаат, настанала паника.

Младиот човек потоа влегол во првата паралелка на којашто наишол. Таму избол неколку ученици.

После тоа истрчал од училиште и побегнал во блискиот Здравствен дом, каде се заклучил во тоалетот и се обидел да се самоубие, дознава ХРТ, што полицијата го спречила.

Според информациите од местото на настанот, напаѓачот бил облечен во црно.

Како што пишуваат хрватските медиуми, напаѓачот се повредил самиот и му се помага додека истовремено е под полициски надзор бидејќи веднаш бил уапсен.

Починатото имало седум години и посетувало прво одделение, пишуваат хрватските медиуми.

Наводно, напаѓачот со нож влегол во училиштето на првиот час на кој наишол. Не се знае дали жртвите биле само од тој клас или од други. Состојбата во училиштето е драматична, дел од децата се изнесени од училиштето, а дел се уште се во зградата. Вработените се во шок, многумина во солзи.

На социјалните мрежи се шират непотврдени информации дека деца скокнале од прозорци.

На местото на настанот има многу полиција и најмалку шест возила на брза помош.

Страшен инцидент се случи во основно училиште во Пречко во Загреб, кога тинејџер (19) со нож нападнал наставник и неколку ученици, а едно дете починало, информираат од Министерството за здравство на Хрватска.