Свет
Стејт департментот ги блокира пораките од странските лидери до Бајден
Пораките од странските лидери до новоизбраниот претседател Џо Бајден, наводно, седат непрочитани во Стејт департментот бидејќи претседателот Трамп ја блокира транзицијата на новата администрација, пренесува „Њујорк пост“.
При нормална претседателска транзиција избраниот претседател може да ги искористи ресурсите на Стејт департментот за подобро да ги менаџира комуникациите помеѓу идната администрацијата и светските лидери, вели Си-ен-ен.
Бидејќи Трамп одби да се повлече, Бајден и неговиот тим ја презедоа задачата приватно, без поддршка од владата. Но, тие повеќе би сакале да ги користат ресурсите на Стејт департментот, изјави извор за Си-ен-ен.
Бајден викендот веќе разговара со германската канцеларка Ангела Меркел и со канадскиот премиер, Џастин Трудо. Во средата тој доби честитки од лидерите на Република Кореја, Јапонија и на Австралија.
Денис Мекдоно, кој работеше за поранешниот претседател Барак Обама и помагаше при неговото преминување на власт, за Си-ен-ен изјави дека повиците во овој период не се многу чувствителни.
„Овие повици во минатото се водеа на отворени линии. Тоа се честитки“, рече Мекдоно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Јамајка прогласи катастрофа, објавени снимки
Ураганот Мелиса помина над Јамајка, но обемот на штетата сè уште не е познат – само зората ќе покаже што е уништено.

Премиерот Ендру Холнес вчера го прогласи островот за зона на катастрофа и предупреди на „разорни последици“. „Досега имаме извештаи за оштетени болници и обемни штети на станбени и комерцијални згради“, рече Холнес синоќа.
Jamaica 🇯🇲
Hurricane Melissa aftermath pic.twitter.com/WcUVfhbgTR— Rusty Sun Compass (@sun_iscompass) October 29, 2025
Мелиса ослабе на категорија 3 додека се приближува кон Куба
Националниот центар за урагани објави дека Мелиса малку ослабела и сега е ураган од категорија 3, со ветрови до 205 километри на час.
И покрај ова, се очекува да остане моќен ураган додека поминува над Куба и Бахамите и во близина на Бермудите.
Свет
Русите: Французите планираат да испратат војници во Украина
Руската надворешно-разузнавачка служба (СВР) објави дека Франција наводно подготвува испраќање контингент од околу 2.000 војници и офицери во Украина, главно составени од припадници на Француската легија на странци од Латинска Америка.
Според СВР, тие веќе се наоѓаат во пограничните области на Полска со Украина, каде што минуваат интензивна воена обука и добиваат оружје и опрема, а нивниот трансфер во централна Украина е планиран во блиска иднина.
Во соопштението се тврди дека француските болници ги прошируваат капацитетите за прифаќање ранети војници и дека медицинскиот персонал се обучува за теренски услови.
СВР наведува дека, ако информацијата стане јавна, Париз ќе тврди дека се работи само за мала група инструктори за обука на украински војници.
Во коментар насочен кон францускиот претседател Емануел Макрон, СВР објави дека тој „ја прескокнал Наполеоновата лекција“, додавајќи иронично дека неговото познавање на историјата е „срамно слабо“ и потсетувајќи на поразите на Наполеон и шведскиот крал Карл XII во Русија, со заклучок дека „историјата не учи лекции, туку казнува незнаење“.
Свет
(Видео) Мексикански нарко-картели го нападнаа ранчот на Ел Чапо со дронови
Гувернерот на северозападната мексиканска држава Синалоа, потресена од конфликт меѓу нарко-картелите, изјави дека родниот град на мексиканскиот нарко-бос Хоакин „Ел Чапо“ Гузман, кој моментално е во затвор, вчера бил цел на напад со експлозивни дронови.
Бомбардирањето го погоди Бадирагуато, домот на предците на семејството Ел Чапо и историско упориште на трговијата со дрога во Мексико, принудувајќи десетици жители да ја напуштат областа, објасни гувернерот Рубен Роча Моја.
„Во тие напади навистина беа користени дронови“, потврди гувернерот за новинарите, уверувајќи ги дека владата се грижи за раселените лица.
🇲🇽 #Mexico: The home of El Chapo Guzmán’s mother was recently attacked by the Gulf Cartel (CDG) using explosives dropped from drones. The house is located in La Tuna, Badiraguato. The second footage shows the perspective of the drone operator as he drops the explosive payload… pic.twitter.com/pxsF4Htjnz
— POPULAR FRONT (@PopularFront_) October 28, 2025
Нападите биле насочени кон ранчот Ла Туна, кој му припаѓа на семејството на Ел Чапо, а според сведоците, цел на напади биле и други имоти, при што повеќе од 80 семејства биле загрозени од вооружени групи. Нападите со беспилотни летала започнале на 16 септември, според жителка на Бакакорагва, една од општините Бадирагват, која избегала од своето село на почетокот на октомври.
Вооружените мажи го блокирале пристапот до фармите и ја исклучиле електричната енергија во областа, изјавил друг сведок, кој исто така избегал од село во регионот.
Насилниот конфликт ги спротивставил различните фракции на картелот Синалоа од септември 2024 година, во кој загинале најмалку 1.700 луѓе, вклучувајќи 57 рудари, а речиси 2.000 се водат како исчезнати.
Во Мексико, разни криминални групи користат беспилотни летала за да извршат напади врз своите соперници или врз владини претставници, а картелот Халиско Нуева Генерацијан (CJNG) бил првиот што ги користел уредите во 2020 година.
фото: принтскрин

