Свет
Столтенберг: Процесот на проширување на НАТО на Истокот не е провокација против Русија
Генералниот секретар на НАТО, Јенс Столтенберг, изјави во четвртокот дека проширувањето на алијансата на Истокот не претставува провокација против Русија отфрлајќи ги ваквите процени како концепт на сфери на влијание што треба да се остават зад себе, пренесува „Спутник“.
Изјавата беше дадена на јавниот настан GLOBSEC во Словачка, која беше домаќин на разговорите на групата букурешка деветка – земји на источната граница на НАТО.
„Одлуката дали и кога ќе се приклучи некоја земја апликант е на 29-те сојузници и на апликантот. Никој друг нема право на глас. Ако се приклучи Украина, ако се приклучи Македонија, ако се приклучи Грузија, тоа е провокација, силно верувам оти секој народ има право да одлучи за својот пат, а НАТО целосно го почитува тоа, без разлика дали тие работат за членство во НАТО или велат дека се неутрални“, рече Столтенберг.
Како пример тој се осврна на Финска, Шведска и на Австрија, кои не се членки, но сепак се блиски партнери на НАТО.
„Ние го почитуваме тоа што сакаат да бидат неутрални“, додаде тој повторно нагласувајќи дека проширувањето на НАТО не е провокација против соседот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Поплави и одрони во Босна и Херцеговина: Потрагата по исчезнатите продолжува
Потрагата по исчезнати лица во поплави и свлечишта продолжи денеска на подрачјето на Бутуровиќ Поље и други места во сливот на реката Неретвица, соопшти утринава Оперативниот центар за цивилна заштита на Херцеговско-неретванскиот кантон на Босна и Херцеговина, пренесува агенцијата Фена.
Според последните податоци за поплави и свлечишта во Коњиќ, Јабланица и Фојница загинале најмалку 22 лица.
Целата тешка механизација во моментов е фокусирана на чистење на локалните патишта. Тие ја пробиваат тињата на патиштата, а во исто време во тек се санации на водоводната, електричната и телефонската мрежа. Лекови, храна, облека, хигиена и сите други неопходни потреби редовно се делат на ранливото население.
Цивилната заштита доцна во вторникот издаде наредба за итна евакуација на загрозените области Коњица и Јабланица. До 03:43 часот евакуирани се 330 лица.
Регион
Зеленски и Вучиќ денеска пристигнуваат во Дубровник, огромни безбедносни мерки
Денеска попладне во Дубровник се одржува самитот Украина – Југоисточна Европа. По тој повод, украинскиот претседател Володимир Зеленски за прв пат доаѓа во Хрватска. Заедно со него и хрватскиот премиер беше најавено доаѓањето на претседателот на Црна Гора, претседателот на Косово и премиерите на Северна Македонија, Грција, Бугарија и Албанија.
Се очекува и доаѓањето на српскиот претседател Александар Вучиќ.
Учесниците на самитот треба да ја прифатат заедничката дубровничка декларација за чиј текст се уште се преговара, но таа да оди по патот на претходните декларации од самитите во Атина и Тирана.
Главните точки на декларацијата, јавува ХРТ, треба да вклучуваат осуда на руската агресија, поддршка за територијалниот интегритет на Украина, вклучително и полуостровот Крим, поддршка за мировниот план на претседателот Зеленски, барање за процесуирање на воените злосторства во Украина, поддршка за европската интеграција на Киев и членството во НАТО кога ќе се стекнат услови за тоа и поддршка за енергетска безбедност и обнова на Украина по завршувањето на војната.
Регион
(Видео) По поплавите, Неретва ја смени бојата
Неретва ја промени бојата во Мостар. Поради обилните дождови и поплави, под Стариот мост повеќе не тече зелената река, туку кафена и матна.
Во Грабовице, пред хидроелектричната брана, се насобрало куп ѓубре.
Само во хидроакумулацијата Грабовице, според проценката, депонираниот отпад е близу 50.000 м3, со континуиран прилив на нови количини.