Свет
Столтенберг: Путин ја прецени својата војска, имаат проблеми со моралот и опремата
Генералниот секретар на НАТО, Јенс Столтенберг, во неделата изјави дека Украина може да очекува нови испораки тешко оружје од своите западни сојузници во „блиска иднина“.
„Неодамнешните ветувања за набавка на тешко оружје се важни – и очекувам повеќе во блиска иднина“, изјави Јенс Столтенберг за германскиот весник Handelsblatt.
Тој зборуваше во пресрет на состанокот на западните земји кои обезбедуваат помош за Украина, што треба да се одржи на 20 јануари во американската база Рамштајн во Германија.
„Ние сме во одлучувачка фаза од војната“, продолжи Столтенберг. „Важно е да и обезбедиме на Украина оружје кое и е потребно за да победи.
Западните земји долго време не сакаа да ја снабдуваат Украина со тешко оружје, наведувајќи го како причина стравот да не бидат вовлечени во војна или да ја испровоцираат Русија.
Опсегот на оружје што го даваат сега е проширен. На почетокот на месецот, Франција, Германија и САД ветија дека ќе испратат оклопни возила или извиднички тенкови – 40 германски мардери, 50 американски Бредли и француски AMX-10 RC.
Обединетото Кралство во саботата објави дека ќе испорача тешки тенкови Челинџер 2 на Украина.
Москва рече дека тие одлуки само ќе го „ескалираат“ конфликтот.
Според генералниот секретар на НАТО, рускиот претседател Владимир Путин направил грешка со нападот на Украина.
„Тој ја прецени силата на своите вооружени сили. Ги гледаме нивните погрешни чекори, нивниот недостаток на морал, нивните проблеми со командата, нивната лоша опрема“, рече тој.
Но, Русите „покажаа дека се подготвени да претрпат големи загуби за да ја постигнат својата цел“, додаде тој,пренесе Индекс.хр.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Египет врачи протестна нота поради операцијата на Израел во Рафа
Египет врачи протестна нота до Израел, САД и европските влади, тврдејќи дека операцијата на Израел во Рафа го загрозува нивниот мировен договор, изјави за АП висок египетски функционер кој сакаше да остане анонимен.
Израелската армија (ИДФ) вчера ги повика палестинските цивили да евакуираат неколку населби од Рафа, поради операцијата насочена кон милитантната група Хамас, пишува „Д тајмс оф Израел“.
„Волстрит журнал“ во февруари објави дека египетските власти тврделе дека долгогодишниот мировен договор меѓу Египет и Израел може да биде загрозен доколку војниците на ИДФ влезат во Рафа или ако бегалците од тој град бидат принудени да се упатат на југ кон египетскиот Синајски Полуостров.
За да спречи голем прилив на бегалци, Египет постави тенкови на границата со Газа.
Свет
Ердоган: И Хитлер по позавидел на методите на Нетанјаху
Турскиот претседател Реџеп Таип Ердоган изјави денеска дека израелскиот премиер Бенјамин Нетанјаху достигнал ниво со геноцидни методи што дури и Хитлер би го направил љубоморен.
„Дали е можно да се набљудува што им прави Израел на луѓето во Газа со месеци и да се види дека е легитимно Израел да бомбардира болници, да убива деца, да угнетува цивили и да ги осудува невините луѓе на глад, жед и недостаток на лекови под различни изговори ? Што правел Хитлер во минатото? Угнетуваше и убиваше луѓе во концентрациони логори“, изјави Ердоган во интервју за грчкиот весник „Катимерини“, пренесе „Анадолија“.
Тој праша „нели Газа беше претворена во затвор на отворено, не само по 7 октомври, туку и години пред тоа“.
„Зарем луѓето таму со години не беа осудени на ограничени ресурси, речиси како во концентрационен логор? Кој е одговорен за најбруталните и најсистематски масовни убиства во Газа од 7 октомври?“, праша Ердоган.
Тој додаде дека Нетанјаху достигнал ниво што би го направило Хитлер љубоморен на неговите геноцидни методи.
„Зборуваме за тоа Израел да таргетира амбулантни возила, да ги погоди местата за дистрибуција на храна и да отвори оган врз конвоите со помош“, рече тој.
Претседателот на Турција додаде дека се прекршени правата и слободите на жителите на Газа, особено нивното право на живот.
„Ги браниме нивните права. Ние го браниме мирот. Израел, од друга страна, продолжува несовесно да ги крши резолуциите на ОН, меѓународното право и човековите права“, нагласи тој.
Ердоган рече дека палестинскиот отпор нема да биде неопходен доколку постои „суверена, независна, географски интегрирана држава Палестина, во границите од 1967 година, со источен Ерусалим како главен град“.
„Хамас исто така најави дека, доколку тоа се случи, ќе го распушти своето вооружено крило и ќе продолжи да дејствува како политичка партија. Решението за две држави е ефикасен начин за обезбедување траен и одржлив мир“, рече Ердоган, додавајќи дека палестинската група се согласила на договор за прекин на огнот, но Израел не сака примирје бидејќи сака да ја окупира цела Газа.
Свет
Силен земјотрес во близина на брегот на Мексико
Земјотрес со јачина од 6,3 степени според Рихтеровата скала е регистриран денеска во близина на брегот на мексиканската држава Чијапас, соопшти германскиот истражувачки центар за геонауки (ГФЗ).
ГФЗ соопшти дека епицентарот на земјотресот бил на длабочина од околу 10 километри.