Претседателот на Русија Владимир Путин го посети Центарот за иновативни технологии во ортопедија (АД ЦИТО) и разговараше со војниците кои се на рехабилитација откако беа ранети.

Путин им се заблагодари на војниците „кои ги бранат интересите на Русија“, како и на нивните родители.

„Сакам да ви се заблагодарам за изборот, благодарам на вашите родители. Ви благодарам што воспитувате деца како што сте вие“, рече рускиот лидер.

На пленарната седница на јужнокорејскиот парламент денеска е усвоена Резолуција со која се бара укинување на воената состојба, јави јужнокорејската агенција Јонхап.

Резолуцијата со која се бара укинување на воената состојба во таа земја е донесена со 190 гласа „за“, од 190 присутни пратеници.

Претседателот на Националното собрание Ву Вон-сик рече дека, според резолуцијата, јужнокорејскиот претседател Џун Сук-Јол мора веднаш да ја прекине воената состојба.

Ирак нема да дејствува како обичен набљудувач во Сирија, каде што се верува дека групи и секти се жртви на етничко чистење, изјави денеска ирачкиот премиер Мохамед Шија ал Судани за време на телефонскиот разговор со турскиот претседател Реџеп Таип Ердоган.

За време на разговорот со Ердоган, тој рече дека Ирак ќе вложи максимални напори за зачувување на безбедноста на Ирак и Сирија, пренесе Ројтерс.

„Ова што денес се случува во Сирија е во интерес на ционистичкиот ентитет, кој намерно бомбардираше воени локации во Сирија на начин што им го отвори патот на терористичките групи да контролираат дополнителни области во Сирија“, рече ирачкиот премиер во телефонскиот разговор, се вели во соопштението од неговиот кабинет.