Свет
Судење во Германија: по сообраќајна несреќа, фотографирала маж кој умира и заминала на работа

Во судот во Диселдорф го почна судењето на 41-годишна жена, која, по сообраќајна несреќа, фотографирала маж на умирање со својот мобилен телефон во јули 2020 година, а потоа отишла на работа.
Како што пренесуваат германските медиуми, 41-годишната жена возела автомобил и наеднаш свртела на недозволено место. Зад неа стоел 60-годишен маж на мотор, кој се лизнал и удрил во ограда. Жената го видела повредениот мотоциклист, излегла од автомобилот и ги фотографирала и него, и автомобилот и моторот. Потоа отишла на работа, а човекот починал.
Жената тврди дека не е виновна за несреќата бидејќи директно не се судрила со мотоциклистот. Таа беше обвинета за убиство од небрежност, загрозување на сообраќајот, удирање и бегство и повреда на лични права со фотографирање лице на умирање.
„Доцна сфатив дека погрешно свртев“, изјави обвинетата. „Не ја знаев улицата“, додаде таа.
„Фотографиите од мотоциклистот веднаш му ги испратив на шефот за да ми поверува дека несреќата е причината што доцнам на работа“, изјави таа.
Тројца сведоци на несреќата пред судот потврдија дека жената рекла дека мора да оди на работа и се оддалечила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Авион се урна покрај автопат во САД, има загинати

Има сомнежи дека две лица загинале во мал авион што се урнал во јужниот дел на американската сојузна држава Луизијана, соопштија властите.
Авионот вчера околу 20 часот и 30 минути по локално време, паднал во мочурлив простор во близина на автопатот, а причината за уривањето ја утврдуваат Националниот одбор за безбедност на транспортот и Федералната управа за авијација, пренесува АП.
До утрото, официјалните лица стигнаа до урнатините, а голем дел од авионот со двете лица бил под вода.
Официјален претставник на канцеларијата на шерифот ги потврди медиумските извештаи за Асошиетед прес дека и двете лица се претпоставува дека се мртви.
Свет
Венс за падот на берзата: Беше тоа само еден лош ден, ќе имаме бум

Американскиот потпретседател Џеј Ди Венс изјави за Newsmax дека вчерашниот пад на берзата, најголем од 2020 година, е само еден лош ден.
„Но, долго време ќе имаме бум на берзата, бидејќи повторно инвестираме во САД“, рече тој.
Потпретседателот нагласи дека владата сака Волстрит да работи успешно: „Но она што ни е најважно се американските работници и американските мали бизниси. Тие се оние кои ќе имаат најголема корист од овие политики“.
Венс, исто така, рече дека воведените царини можеле да бидат многу повисоки, но дека Трамп се обидува да испрати порака дека САД ќе бидат донекаде попустливи.
Свет
Данската премиерка за Америка: „Не можете да анектирате друга земја, дури и со аргументот за меѓународна безбедност“

Премиерката на Данска Мете Фредериксен вчера повторно ги отфрли повиците на американскиот претседател Доналд Трамп за анексија на Гренланд.
Трамп повеќе пати повторуваше дека сака големиот арктички остров да стане дел од Соединетите Американски Држави. Гренланд моментално е автономен дел од Кралството Данска.
На конференцијата со новоизбраниот премиер на Гренланд Јенс-Фредерик Нилсен и неговиот претходник Муте Егед, Фредериксен директно им се обрати на САД. „Не можете да анектирате друга земја, дури и со аргументот за меѓународна безбедност“, рече таа.
Таа рече дека САД и Данска се блиски пријатели и дека не сака ништо друго освен да го продолжи тоа пријателство.
„Ако дозволиме да бидеме поделени како сојузници, тогаш им правиме услуга на нашите непријатели“, рече таа. „Но, кога барате да преземете дел од територијата на Кралството Данска, кога се соочуваме со притисок и закани од нашиот најблизок сојузник, што да мислиме за земјата на која и се восхитуваме толку години?“
Таа рече дека не се работи само за Гренланд или Данска. „Се работи за светскиот поредок што го градиме заедно преку Атлантикот со генерации“.
Тридневната посета на данската премиерка на Гренланд дојде откако американската делегација предводена од потпретседателот Џеј Ди Венс минатата недела пристигна на островот.
Фредериксен се соочува со предизвикот да ги балансира односите со САД како важен трговски партнер, истовремено поддржувајќи го правото на Гренланд на самоопределување и одржување на кохезијата во Данска.