Свет
Судот му нареди на Маск повторно да сведочи за преземањето на „Твитер“

Американскиот федерален суд му нареди на Илон Маск повторно да сведочи пред Комисијата за хартии од вредност на САД (SEC) за неговото преземање на Твитер за 44 милијарди долари.
SEC го тужеше Маск во октомври за да го принуди извршниот директор на производителот на електрични автомобили Тесла и ракетната компанија Спејс Икс да сведочи откако тој одби да биде интервјуиран во септември за целите на истрагата. Милијардерот тогаш изјави дека SEC се обидува да го „малтретира“ со бројни судски покани.
Истрагата се обидува да утврди дали Маск ги прекршил федералните закони за хартии од вредност кога купил акции на Твитер, кои подоцна го преименувал во Икс, во 2022 година. Исто така, се разгледуваат изјавите и поднесоците што тој ги дал во SEC поврзани со договорот, објави агенцијата претходно.
Сојузниот судија Лорел Билер пресуди во корист на SEC во февруари, пишувајќи дека додека Маск и неговиот правен тим тврдеа дека поканата на SEC во врска со ова прашање претставува вознемирување на милијардерот, федералниот финансиски регулатор кажа дека е „во рамките на своите овластувања“ и нивната покана беше „утврдена и бара релевантни информации“ за нивната истрага. Маск побара ревизија на таа одлука.
Окружниот судија Жаклин Скот Корли во вторникот, рече: Како што објасни судијата Билер, истрагите за кои Маск тврди дека претставуваат вознемирување се „легитимни владини истраги“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Очекувам да се сретнам со Доналд Трамп во следните два месеци

Српскиот претседател Александар Вучиќ изјави дека се надева дека ќе се сретне со американскиот претседател Доналд Трамп во следните два месеци.
„Очекувам да ја имам таа средба. Тој е премногу зафатен, секогаш е можно нешто да се смени, датумот се уште не е одреден, но знаете дека јас сум многу внимателен кога зборувам за тоа. Тоа би било огромна чест за нашата Србија и верувам дека е изводливо“, изјави Вучиќ.
Зборувајќи за вчерашниот телефонски разговор со францускиот претседател Емануел Макрон, како и за нивната средба во април, Вучиќ рече дека секогаш имаат неколку важни теми за разговор.
„Вчера поминавме низ неколку важни теми. Понекогаш разговараме ненадејно. Како што оди по државен протокол, тоа е закажано и се чека пет до седум дена“, рече Вучиќ.
Свет
Белата куќа: Секоја земја која неправедно се однесува кон САД ќе биде цел на дополнителни царини

Секоја земја што неправедно се однесува кон САД треба да очекува дека ќе биде цел на дополнителни царини, соопшти денеска Белата куќа, два дена пред американскиот претседател Доналд Трамп да ги објави, како што рече, сеопфатните, реципрочни царини.
„Секоја земја што се однесуваше неправедно со американскиот народ треба да очекува да добие царина во среда како реципрочна мерка“, им рече на новинарите портпаролката на Белата куќа Каролин Левит, одбивајќи да даде дополнителни детали, според Ројтерс.
На прашањето дали ќе има исклучоци за земјоделците, таа рече дека „во овој момент нема исклучоци“.
Свет
Силен земјотрес ја погоди Индонезија, се стравува од повредени

Земјотрес со јачина од 6 степени според Рихтеровата скала е регистриран во 17:54 часот во Индонезија.
Според достапните податоци, епицентарот на земјотресот бил лоциран во областа со географски координати на географска ширина -10,1246 и географска должина 119,0393.
Хипоцентарот на земјотресот, според Европско-медитеранскиот сеизмолошки центар, се наоѓал на длабочина од приближно 37 километри под површината на земјата во близина на островот Сумба.
Засега нема извештаи за материјална штета или повредени, а надлежните служби ја следат состојбата.
Во Мјанмар минатата недела беше регистриран разорен земјотрес со јачина од 7,7 степени.