Свет
Супертајфун многу поопасен од ураганот Флоренс им се заканува на милиони луѓе

Неделава во фокусот на светските медиуми се две опасни бури. Се разбира, станува збор за ураганот Флоренс на источниот брег на САД, но и супертјфунот Мангхут. За ураганот Флоренс повеќе се известува, но се чини дека супертајфунот ќе биде многу поопасен.
Филипините во моментов се подготвуваат за евакуација на стотици илјади луѓе, на терен се испраќаат војници и се распоредува персонал за спасување во итни случаи, ширум подрачјата за кои се очекува да бидат погодени од супертајфунот. Оваа бура ќе погоди области во северниот дел на Филипините, населени со повеќе од четири милиони луѓе.
Мнагхут е посилен од ураганот Флоренс, кој во моментов е над Северна Каролина, а супертајфунот се очекува да стигне до брегот на Филипините утре наутро. Ќе го погоди најнаселениот и најголем остров во таа земја, Лузон.
Како што јавува агенцијата Severe Weather Europe, Мангхут потсетува на ураганот Катрина, но е уште посилен од него.
Супертајфун по својата сила е еднаков со ураган од петта категорија. Тој носи ветришта со брзина од 285 километри на час. За споредба, ураганот Флоренс во САД предизвика ветрови со брзина од 145 километри на час.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Британскиот премиер: Светот каков што го знаевме повеќе не постои

Вo одговор за американските царини, британскиот премиер Кир Стармер рече: „Светот каков што го знаевме повеќе не постои“. Тој најави дека ќе продолжи да се обидува да постигне економски договор со САД за да се избегнат некои од царините, но ја покрена и можноста британската влада директно да интервенира за заштита на националните интереси.
Во статија за Сандеј Телеграф, Стармер изјави дека ќе продолжи да се обидува да постигне трговски договор со САД и најави можна интервенција на државата на пазарот.
„На некои можеби не им е пријатно – идејата државата директно да влијае на пазарот често беше исмејувана. Но, не можеме да се држиме до старите верувања додека светот се менува толку брзо“, рече тој.
Велика Британија беше меѓу земјите погодени од новата основна царина од 10 отсто, со дополнителни царини од 25 отсто за извозот на автомобили, челик и алуминиум. Некои земји се соочуваат со уште повисоки царини кои од 9 април ќе достигнат и до 50 проценти.
Британскиот производител на автомобили Jaguar Land Rover вчера објави дека ги паузира сите испораки во САД додека не ги прилагоди своите операции на новите трговски услови.
Минатата година, Велика Британија извезе речиси 60 милијарди фунти стоки во САД, главно машини, автомобили и фармацевтски производи.
Регион
(Видео) Загина поранешната „Мис Балкан“, пијана пеш бегала од полицијата и паднала од надвозник

Поранешната Мис на Балканот, 27-годишната Ѓулер Ердоган го загуби животот откако падна од надвозник на патот бегајќи од полициски контролен пункт, каде беше констатирано дека е во алкохолизирана состојба, пишува турски Хуриет.
Според „Хуриет“, несреќата се случила ноќта на 1 април. При проверката било констатирано дека била под дејство на алкохол, по што излегла од автомобилот и почнала да бега.
🔴 Ramazan Bayramı tatili için ailesinin yanına Giresun’a gelen Kosova Avrupa Güzeli ve model Güler Erdoğan, üst geçitten düşerek hayatını kaybetti.
📌 Genç kadının ölümü ile ilgili soruşturma başlatıldı. pic.twitter.com/EBtIK8c5gV
— Mynet (@mynet) April 3, 2025
Обидувајќи се да побегне, таа се качила на надвозникот, но паднала на патот и се здобила со тешки повреди. Потоа ја прегазил друг автомобил.
Медицински екипи пристигнале на местото на настанот по пријава од случаен минувач. Од прегледот било утврдено дека таа починала. Според Хуриет, познато е дека Ердоган имал психички проблеми. За овој случај е отворена истрага.
Свет
Околу 15 илјади луѓе се евакуирани во Германија поради сомнителни бомби од Втората светска војна

Главната железничка станица во северозападниот германски град Оснабрик беше затворена, а околината евакуирана откако беа пронајдени четири бомби за кои постои сомневање дека се од Втората светска војна, соопшти националната железничка компанија Дојче Бан (ДБ).
Ограничувањата што го засегаат меѓуградскиот, дневниот и товарниот сообраќај ќе останат во сила цел ден, а целата област околу станицата е зона за евакуација, соопшти ДБ. Околу 15.400 жители мораа да ги евакуираат своите домови рано утринава, откако истрагата откри сомнителни бомби на поранешниот товарен терминал, соопштија градските власти.
Доколку се утврди дека бомбите се неексплодирани, ќе бидат повикани експерти да ги деактивираат. Градот, кој се наоѓа на околу 70 километри источно од холандската граница, веќе има неколку евакуации откако беа пронајдени бомби од Втората светска војна.
„Колодвор беше масовно бомбардиран за време на војната како стратешка цел. Во голем дел од регионот, теренот воопшто не беше пребаруван, но таму се можни дополнителни пронајдоци“, објавија градските власти во февруари.
На местото на поранешната товарна станица се гради нов станбен простор.