Свет
Тајландските болници преполни, пациентите ги лечат на паркинзи

Болниците во Тајланд се под притисок поради големиот број луѓе кои страдаат од коронавирус, а поради недостигот на кревети лекарите се принудени да лекуваат пациенти на паркинзите пред болниците.
Поради влошувањето на епидемијата, лекарите мора да враќаат сериозно болни случаи на инфекција со Ковид-19, пишува „Гардијан“.
Тајланд доби пофалби за успешната реакција на епидемијата минатата година, кога одржуваше најмал број на случаи во светот, но гневот кај јавноста расте поради бавната кампања за вакцинација.
За околу четири месеци од почетокот на новиот бран на Ковид-19, смртните случаи во земјата се зголемија од 100 на 4.146.
Само денеска пријавени се 14.150 нови инфекции и 118 смртни случаи од Ковид-19.
Владата е критикувана што не воведе полициски час пред неколку месеци кога бројот на случаи беше помал. На 12 јули беа воведени разни ограничувања во областите со висок ризик, како што е главниот град Бангкок.
Во понеделникот стотици академици и медиумски работници издадоа заедничко соопштение во кое повикуваат на поголема транспарентност во врска со договорите за вакцини, вклучувајќи детали за тоа кој и кога примил вакцина.
Изјавата дојде откако во јавноста протече писмо од „Астразенека“, во кое се вели дека ќе се доставуваат 6 милиони дози вакцини на Тајланд, што не е во согласност со изјавата на владата дека треба да добие 10 милиони дози.
Околу 5 проценти од тајландското население е целосно вакцинирано, додека 17 проценти примиле една доза.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
„Би-Би-Си“: Европа сака да покаже дека е клучна за договорот за Украина

И покрај неуспехот да се обезбеди прекин на огнот, Европа сега се обидува да му покаже на американскиот претседател Доналд Трамп дека е клучна за мировниот договор што тој го сака, пишува „Би-Би-Си“.
Откако Вашингтон првично ја исклучи ЕУ од своите дипломатски напори, европските лидери сега ќе бидат претставени во поддршка на Володимир Зеленски на утрешниот состанок во Белата куќа. За украинскиот претседател, ова е и можност да го поправи впечатокот по последната, озлогласена посета на Белата куќа и конфликтот со Трамп и неговиот потпретседател Џ.Д. Венс.
Според Би-Би-Си, Европа веќе ја поддржа одлуката на Трамп да го прескокне прекинот на огнот, и останува да се види дали ќе се обидат да го убедат да заземе поцврст став кон Владимир Путин.
Светските медиуми претходно пренесоа дека Зеленски во Вашингтон ќе стигне со тешка артилерија, придружуван од првите луѓе на ЕУ и НАТО.
Свет
(Видео) Зеленски пристигна во Брисел на средба со Урсула фон дер Лајен

Украинскиот претседател Володимир Зеленски пристигна во Брисел, каде што ќе се сретне со претседателката на Европската комисија, Урсула фон дер Лајен, потврди неговиот портпарол.
Таа претходно објави дека ќе им се придружи на Зеленски и на американскиот претседател Доналд Трамп на утрешната средба во Вашингтон.
Zelensky has arrived in Brussels. He is scheduled to meet with European Commission President Ursula von der Leyen today, followed by their participation in an online meeting of the Coalition of the Willing leaders. pic.twitter.com/b6dOpeLLin
— WarTranslated (@wartranslated) August 17, 2025
Регион
Вучиќ: Прашање на ден е кога ќе почнат да убиваат; за 3-4 дена изненадувачки одлуки, ќе го победиме злото

Претседателот на Србија, Александар Вучиќ, се обрати нацијата поради протестите и насилствата на улиците. Тој предупреди дека „прашање на ден е кога ќе почнат да убиваат“, оценувајќи дека „банда владее по улиците“ и државата ќе одговори.
Вучиќ ги обвини демонстрантите за насилства во Валево, Белград и Нови Сад, вклучително и палења и напади врз простории на политички партии и полицијата. Тој оцени дека она што се случуваше во Нови Сад и Ваљево, каде што беа демолирани и запалени просториите на владејачката Српска напредна партија, е тероризам.
На прашање за Мартa Кос и присуството на малолетници на протестите, рече дека недозволиво е рушењето на простории на политички партии и дека одговорноста е кај насилниците, а не кај државата.
Вучиќ уверува дека станува збор контролирани сценарија на хаос, според кои протестите се организирани со цел дестабилизација и поттикнување на изборни барања. Тој најави дека во наредните 3-4 дена ќе следат „изненадувачки одлуки“ на државата и дека за 10 дена ќе бидат приведени сите кои учествувале во нередите.
„Со народот на Србија ќе го победиме ова зло“, заклучи претседателот, истакнувајќи дека државата ќе се спротивстави на внатрешниот хаос и надворешните притисоци.