Свет
(Видео) Тајфун во Јапонија, едно лице загина, неколку се повредени
Јапонската метеоролошка агенција предупреди дека високи бранови, обилни дождови, лизгање на земјиштето и поплави може да ја погодат централна, источна и северна Јапонија, вклучувајќи го и главниот град Токио.
Тајфунот Талас денеска се приближи до брегот на Јапонија предизвикувајќи обилни врнежи и лизгање на земјиштето во кои загина едно лице, а повеќе беа повредени, една недела откако друг циклон уби четири лица.
WATCH: A #typhoon lashed central #Japan on Saturday with torrential rain and strong winds, causing a landslide that killed one person in his 40s. pic.twitter.com/hUhzDdlQAT
— BNN Newsroom (@BNNBreaking) September 24, 2022
Маж на возраст од 40 години загинал во Какегава, префектурата Шизуки, во центарот на земјата, кога неговата куќа се урнала поради лизгање на земјиштето, објавија денеска јавната телевизија NHK и локалните медиуми.
Во Хамамацу, во истата префектура, три лица се полесно повредени при уште еден одрон, јави NHK.
Полицијата не можеше веднаш да ја потврди информацијата. Јапонската метеоролошка агенција наведува дека во 6:00 часот во саботата (петок, 23:00 часот по средноевропско време) тајфунот бил во Тихиот Океан, на околу стотина километри јужно од префектурата Шизука. Се движел кон североисток придружен со удари на ветер од 90 км/ч.
Јапонија е погодена од околу дваесет тајфуни секоја година помеѓу летото и есента. Минатата недела четири лица ги загубија животите, а 151 беа повредени кога тајфунот Нанмадол го зафати југозападниот дел на архипелагот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.