Свет
„Твитер“ јавно го обвини Трамп дека шири непроверени информации

„Твитер“ ги повика корисниците да ги проверуваат податоците во твитовите објавени од американскиот претседател Доналд Трамп предупредувајќи дека неговите тврдења во врска со гласањето преку пошта се покажале невистинити.
Американскиот претседател веднаш му одговори на „Твитер“ во твит тврдејќи дека компанијата се меша во претседателските избори во САД.
„’Твитер’ комплетно ја задушува слободата на говор, а јас како претседател нема да го дозволам тоа“, напиша Трамп.
There is NO WAY (ZERO!) that Mail-In Ballots will be anything less than substantially fraudulent. Mail boxes will be robbed, ballots will be forged & even illegally printed out & fraudulently signed. The Governor of California is sending Ballots to millions of people, anyone…..
— Donald J. Trump (@realDonaldTrump) May 26, 2020
Со син извичник, „Твитер“ под твитот на Трамп ги предупредува корисниците да ги проверат фактите за гласањето по пошта и ги насочува кон страница со написи од весници и информации, што тимот за проверка на факти ги дознал за тврдењата на Трамп.
„Трамп изнесува неосновани тврдења дека гласањето по пошта ќе доведе до изборни злоупотреби“, е еден од насловите на горниот дел од страницата.
Трамп, кој има 80 милиони следбеници на „Твитер“, вчера изјави дека гласањето по пошта е значително неправедно и дека ќе резултира со лажирани избори.
Во тој поглед тој го именува гувернерот на Калифорнија иако таа сојузна американска држава не е единствената што користи гласање по пошта.
„Твитер“ потврди дека првпат ја применува специјалната опција за обележување твит бидејќи новата политика на компанијата за објавување погрешни информации беше воведена на почетокот на овој месец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Загина жена при експлозија во Солун

Во експлозија на бомба што рано утрово се случи во центарот на Солун, животот го загуби 38-годишна жена, Како што пренесуваат грчките медиуми, жената веројатно загинала додека го пренесувала експлозивниот механизам.
Експлозијата се случи околу 5.30 часот утрово, предизвика штета на излозите на соседните продавници, како и на возилата паркирани во близина.
Очевидци за грчките медиуми рекоа дека експлозијата била многу силна.
Свет
Трамп ја отстрани Романија од програмата за безвизно патување во САД

Администрацијата на американскиот претседател Доналд Трамп објави дека ја отстранува Романија од програмата за безвизно патување во САД.
Претходната администрација на претседателот Џо Бајден на 9 јануари објави дека ја прифаќа Романија во програмата, нагласувајќи дека државата ги исполнила строгите безбедносни барања. Визите за романските граѓани требаше да бидат укинати околу 31 март.
Сепак, на крајот на март, Министерството за внатрешна безбедност објави дека ја замрзнува мерката со цел повторно да се разгледа одлуката за вклучување на Романија во програмата за безвизно патување во согласност со загриженоста на администрацијата на Трамп за безбедноста на земјата. Резултатот од повторната проценка е дека Романија е отстранета од програмата, јавија синоќа американските медиуми.
Регион
Две години од масовното убиство во „Рибникар“: Тешка трагедија која Србија никогаш нема да ја заборави

Поминаа две години од страшното масовно убиство кога 13-годишно момче уби девет деца и училишен чувар во ОУ „Владислав Рибникар“. Убиени беа Мара Анѓелковиќ, Бојана Асовиќ, Ангелина Аќимовиќ, Ана Божовиќ, Адријана Дукиќ, Ема Кобиљски, Катарина Мартиновиќ, Софија Негиќ, Андрија Чикиќ и чуварот Драган Влаховиќ.
Минатата година, во декември, беа осудени Владимир и Миљана Кецмановиќ, а првостепено беа осудени родителите на момчето.
Владимир Кечмановиќ е осуден на 14,5 години затвор, а Миљана Кечмановиќ на три години затвор. Инструктор на стрелиште е осуден на 15 месеци затвор поради лажно сведочење.
3 мај е. Пристигнува вест за пукање во близина на училиштето „Владислав Рибникар“, по што веднаш се појави информација дека е убиен училишниот чувар. Сепак, глетката надвор од училиштето укажува дека се случило нешто многу пострашно.
Пред училиштето имало голем број амбулантни и полициски возила, учениците биле евакуирани, родителите трчале од сите страни кон училиштето за да ги земат своите деца. Учениците зборуваа за тоа дека ученик на „Рибникар“ пукал во училиштето. Според првите информации, во училиштето имало повредени, но не и загинати деца. Имаше вест и дека е ранета учителка. Околу половина час по објавувањето на веста за пукањето, полицијата го извела момчето со лисици и јакна преку главата за да го заштити неговиот идентитет како малолетник. Влегол во автомобилот, кој потоа се оддалечил.
Следните часови се претворија во мачно чекање за родителите. Децата ги изнесоа на вториот влез, класа по класа. Ги чекаа нивните вознемирени родители. Оние кои не ги пречекаа децата, прашуваа по болниците. Паника владеела и кај учениците. Некои виделе школски другари како лежат таму и не знаеле дали се живи.
По сите настани во мај, приказната за „Рибникар“ замолкна поради спроведување на детална истрага. На таткото и мајката на момчето и двајца вработени во стрелиштето денеска им се суди во кривична постапка, додека граѓанска постапка се води против момчето, неговите родители, ОУ „Владислав Рибникар“ и Република Србија.
Во тек е кривична постапка која е затворена за јавноста, како и три активни граѓански постапки, а се очекува да започне четвртата по тужбата на оштетениот наставник по историја.