Свет
Тексас забрани продажба на земоделско земјиште на кинески државјани

Сенатот на Тексас усвои нацрт-закон со кој на кинеските граѓани ќе им се забрани да купуваат одредени видови обработливо земјиште, предизвикувајќи сериозна загриженост во другите делови на САД.
Предлог-законот 147 усвоен во тексашкиот Сенат има за цел да им забрани на граѓаните на четири нации за кои се смета дека се непријателски настроени кон САД – Кина, Русија, Иран и Северна Кореја – да купуваат обработливо земјиште, поради стравувањата дека продажбата на такво земјиште на поединци непријателски настроени кон Америка може да ја загрози безбедноста на храната во земјата.
Според „Фокс њуз“, тексашкиот сенатор Лоис Колхорст го оправда законот како неопходен како осигурување дека САД можат да се одбранат од странските закани. Со предлог-законот, исто така, се забранува кинеска сопственост на нафта, дрва и земјиште со минерали.
„Безбедноста на храната е национална безбедност. Нафтата и гасот, нашите ретки рудни богатства, дрвото, и нив треба да ги заштитиме,“ вели таа.
Тексас не е единствената американска држава која сака да го спречи кинеското поседување на американско обработливо земјиште зашто и Флорида исто така бара воведување некаква забрана за кинеските субјекти да купуваат земјиште во државата.
„Ние не сакаме кинеските комунисти да го купуваат американското плодно земјиште и тие, оќигледно, нема да го прават тоа директно. Ама че отвораат параван-форми, па мора да имаме систем за да го регулираме тоа“, рече гувернерот Рон Десантис во врска со ова прашање.
„Но, зошто би сакале тие да купуваат обработливо земјиште? додаде тој. „Зошто би сакала кинеската Комунистичка партија да поседува земјиште во близина на воена база или на критична инфраструктура?
Спротивно на тоа, демократите во двете држави го нападнаа предлог-законот како дискриминаторски, при што тексашкиот конгресмен Џин Ву истакна дека со законот им „се одземаат правата на цела група луѓе без соодветна постапка и исклучиво врз основа на нивното национално потекло“.
„Националната безбедност е сериозно прашање, но ако сме загрижени за активностите на странските влади, тогаш законот треба да влијае само на странските влади и нивните агенти“, рече таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Бројот на жртви во несреќата во Лисабон се зголеми на 17, повредени се 21 лице

Бројот на повредени во несреќата во Лисабон, кога жичницата Глорија излета од шините, се искачи на 17, додека 21 лице е повредено, од кои седум се со тешки повреди, соопшти денес португалската цивилна заштита.
Полицијата претходно објави дека 15 лица се настрадани, но уште две починале во текот на ноќта, пишува португалскиот портал Executive Digest.
Директорката на португалската цивилна заштита, Маргарида Кастро Мартинс, изјави дека меѓу жртвите има четворица Португалци, двајца Германци, двајца Шпанци, еден Јужнокореец, еден Каповертски жител, еден Канаѓанец, еден Италијанец, еден Французин, еден Швајцарец и еден Мароканец.
Жичницата превезувала повеќе од 40 лица во времето на несреќата, кога излетала од шините и удрила во зградата.
Властите веруваат дека несреќата е предизвикана од лабав кабел или дефект на сопирачките, пренесува Танјуг.
Португалската влада прогласи ден на национална жалост и три дена жалост во Лисабон.
Бригадата на судската полиција беше повикана да ја испита причината за несреќата на жичницата Глорија, која може да прими до 42 патници и е обележје на Лисабон, кое е многу популарно меѓу туристите. Жичницата е отворена пред повеќе од еден век – во 1885 година.
Фото: ЕПА
Свет
Џиновска ледена санта мраз се топи покрај брегот на Антарктикот

Џиновска ледена санта мраз формирана со отцепување од Антарктикот пред 39 години, и некогаш најголема во светот, сега брзо се топи бидејќи океанот се затоплува, велат научниците.
На почетокот на годината, овој колос од мраз, наречен A23a, покриваше речиси 4.000 квадратни километри, што е половина од големината на Луксембург.
Но, како што се движеше на север, кон потоплите региони на Јужниот Океан, се откинаа големи парчиња. Неговата големина сега е 1.770 квадратни километри, а ширината достигнува до 60 километри според анализата на АФП на сателитските снимки на Европската служба Коперник.
„Би рекол дека е навистина на крајот. Водата е премногу топла. Се топи постојано“, изјави за АФП Ендру Мејерс, океанолог во Британското антарктичко истражување.
„Очекувам тоа да продолжи и тој ќе биде непрепознатлив во рок од неколку недели“, додаде тој.
A23a се одвои од континентот во 1986 година и се насука во морето Ведел, каде што остана повеќе од три децении. Повторно исплови во 2020 година, носена од силната антарктичка циркумполарна океанска струја.
Повторно се насука во март 2025 година, недалеку од Јужна Џорџија, британски остров во Јужниот Атлантик. Се стравуваше дека го загрозува животот на пингвините и морските лавови.
Тој го заврши своето патување со тоа што го обиколуваше тој остров и се движеше побрзо додека силните бранови и постудените води на тој океан сè уште земаа данок.
Научниците беа изненадени кога видоа дека траеше толку долго. „Повеќето ледени брегови не одат толку далеку“, бидејќи се „осудени“ откако ќе ја напуштат заштитата на антарктичката клима, објасни Мајерс.
Формирањето на ледени брегови е природен процес и научниците веруваат дека стапката со која Антарктикот ги произведува е зголемена, веројатно поради климатските промени предизвикани од човекот.
Фото: принтскрин
Свет
Google има проблеми утрово

Некои корисници ширум светот утрово пријавуваат тешкотии при пристап до услугите на Google.
Проблемите се поврзани со прелистувачот и поврзаните услуги, а тешкотии може да се забележат и на специјализираната страница Downdetector, каде што е забележан голем скок на бројот на пријавите за проблем.
Во моментов не е јасно колку корисници се засегнати или кога услугите ќе продолжат со нормалното работење.
фото: принтскрин