Свет
Тексас забрани продажба на земоделско земјиште на кинески државјани
![](https://makfax.com.mk/wp-content/uploads/2023/04/Џин-Ву.jpg)
Сенатот на Тексас усвои нацрт-закон со кој на кинеските граѓани ќе им се забрани да купуваат одредени видови обработливо земјиште, предизвикувајќи сериозна загриженост во другите делови на САД.
Предлог-законот 147 усвоен во тексашкиот Сенат има за цел да им забрани на граѓаните на четири нации за кои се смета дека се непријателски настроени кон САД – Кина, Русија, Иран и Северна Кореја – да купуваат обработливо земјиште, поради стравувањата дека продажбата на такво земјиште на поединци непријателски настроени кон Америка може да ја загрози безбедноста на храната во земјата.
Според „Фокс њуз“, тексашкиот сенатор Лоис Колхорст го оправда законот како неопходен како осигурување дека САД можат да се одбранат од странските закани. Со предлог-законот, исто така, се забранува кинеска сопственост на нафта, дрва и земјиште со минерали.
„Безбедноста на храната е национална безбедност. Нафтата и гасот, нашите ретки рудни богатства, дрвото, и нив треба да ги заштитиме,“ вели таа.
Тексас не е единствената американска држава која сака да го спречи кинеското поседување на американско обработливо земјиште зашто и Флорида исто така бара воведување некаква забрана за кинеските субјекти да купуваат земјиште во државата.
„Ние не сакаме кинеските комунисти да го купуваат американското плодно земјиште и тие, оќигледно, нема да го прават тоа директно. Ама че отвораат параван-форми, па мора да имаме систем за да го регулираме тоа“, рече гувернерот Рон Десантис во врска со ова прашање.
„Но, зошто би сакале тие да купуваат обработливо земјиште? додаде тој. „Зошто би сакала кинеската Комунистичка партија да поседува земјиште во близина на воена база или на критична инфраструктура?
Спротивно на тоа, демократите во двете држави го нападнаа предлог-законот како дискриминаторски, при што тексашкиот конгресмен Џин Ву истакна дека со законот им „се одземаат правата на цела група луѓе без соодветна постапка и исклучиво врз основа на нивното национално потекло“.
„Националната безбедност е сериозно прашање, но ако сме загрижени за активностите на странските влади, тогаш законот треба да влијае само на странските влади и нивните агенти“, рече таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Вучиќ: Курти не сака дијалог, сака де јуре признавање
![](https://makfax.com.mk/wp-content/uploads/2020/03/vucik.png)
Претседателот на Србија, Александар Вучиќ денеска изјави дека продолжувањето на дијалогот со Приштина во Брисел не се случило бидејќи косовскиот премиер Албин Курти „не сака дијалог“.
Вучиќ оцени дека вчерашното непродолжување на дијалогот во Брисел е последица на желбата на Приштина за „де јуре признавање“.
„Дијалог не се одржа бидејќи тие не сакаат дијалог. Сакаа де јуре, не де факто туку де јуре признавање. Ова е она што тие го бараа. Сакавме да разговараме за компромиси за решавање на проблемите, но знаев и претходно дека не се подготвени за тоа“, изјави Вучиќ.
Тој додаде дека не верува оти „сериозен дијалог“ може да продолжи „во блиска иднина“.
„Секогаш ќе треба да најдете начин да разговарате со некого. Подготвени сме да разговараме, но не гледам можност за сериозно продолжување на дијалогот во блиска иднина“, рече Вучиќ.
Свет
Медведев: Конфискацијата на рускиот имот е причина за објавување војна
![](https://makfax.com.mk/wp-content/uploads/2024/06/677z381_677z381_14-665b2c2cd87c9.jpg)
Заменик-претседателот на Советот за безбедност на Русија, Дмитриј Медведев, денеска ја повика меѓународната заедница да не поддржува конфискација на руски имот во корист на Украина, за да се избегнат обвинувањата за соучесништво.
Според него, кога се запленува имот, Русија има право на „колективна самоодбрана“.
„Кражбата на државен имот, под одредени услови, генерално може да се оквалификува како агресија, па дури и да стане причина за објавување војна“, рече Медведев на пленарната седница на Меѓународниот правен форум во Санкт Петербург (СПБИЛФ).
Тој ги повика сите одговорни членови на меѓународната заедница да се изјаснат против „флагрантното кршење на меѓународното право“ и да се воздржат од „поддршка и признавање на таквите злосторства“, пренесува „Комерсант“.
Медведев истакна дека Русија „во секој случај ќе биде принудена да преземе одмазднички мерки во согласност со принципот на реципроцитет“.
Тој, исто така, истакна дека е неопходно да се пресмета вистинската штета што западните санкции и ја нанесоа на руската економија, нејзините граѓани и бизниси, како и изгубениот профит од ограничувањата на економската активност.
„Законот мора да биде непомирлив во такви случаи и да бара недвосмислено отфрлање на политиката на мешање во внатрешните работи на другите земји преку санкции. Во спротивно, ниту една личност, ниту една компанија, ниту една земја нема да може да се чувствува вистински заштитена“, рече Медведев.
Тој оцени дека современиот свет и правниот систем воспоставен во него радикално се разликуваат од претходните и дека „дошле до точка од која нема враќање“.
„Нашата заедничка цел е да направиме се за да најдеме основа за решавање на противречностите што ескалираа до крај“, додаде тој.
Медведев објасни дека понекогаш намерно дава „песимистички или апокалиптични“ изјави, бидејќи, како што наведе, се обидува да привлече внимание на тешката ситуација во светот.
„Често зборувам за разни проблеми и понекогаш слушам поплаки дека изгледа песимистички или дури апокалиптично, само сакам сите да размислуваат за тоа што се случува во светот. Се случуваат сосема невидени работи. Да не зборуваме за тоа, како што знаете, песимист е добро информиран оптимист“, рече Медведев.
Регион
Невреме и обилни врнежи во Србија: пет воспитувачки евакуирани од градинка, во Суботица избувнал пожар по удар на гром
![](https://makfax.com.mk/wp-content/uploads/2024/06/Screenshot-2024-06-27-202530.jpg)
Припадници на Секторот за вонредни состојби при две интервенции евакуирале 10 лица поради невреме и обилни врнежи во Србија.
Како што е наведено во соопштението на српската полиција, пет воспитувачки биле евакуирани од градинка.
Во соопштението се наведува дека 57 пожарникари-спасувачи со 26 возила и 12 пумпи биле ангажирани во 11 операции за испумпување на вода во Врање, Лесковац и Мионица и во гаснење пожари по удар на гром во Суботица и Врање.
Пожарникарите-спасувачи им помагаат на граѓаните и во отстранувањето на паднатите дрвја во Заечар, Књажевац, Ужице, Чачак и Лесковац, како и отстранување на делови од лимени покривни конструкции пишуваат српските медиуми.
„Во моментов службените лица се ангажирани во Лесковац за отстранување на паднато дрво зад Центарот за култура, како и во Лазаревац за отстранување на паднатите дрвја и за испумпување на вода од домаќинствата во Лазаревац и Крушевац“, се наведува во соопштението.