Свет
Терористот од Нов Зеланд објавил манифест: „Никогаш нема да ги освоите нашите земји“
Напаѓачот на џамијата во градот Крајстчрч на Нов Зеланд уби најмалку 49 лица, а повеќе од 20 се повредени, според последните информации објавени од страна на полицијата во Нов Зеланд.
Четири лица се уапсени во врска со нападот, а меѓу нив, наводно, е и терористот.
Убиецот, како што покажа првичната истрага, на „Фејсбук“ во живо го емитувал почетокот на нападот. На оваа социјална мрежа тој се претставил како Брентон Терант, 28-годишник од Австралија.
Покрај профилот на „Фејсбук“, тој бил корисник и на „Твитер“, а на тој налог, кој сега е отстранет, објавил фотографии од своето оружје и линк до манифестот.
Се верува дека Терант на 73 страници напишал антиимигрантски манифест во кој објаснил кој е тој и причините за неговите постапки, пишува британски „Телеграф“.
Така, за себе вели дека има 28 години и е роден во Австралија, а по потекло од Шкотска, Ирска и од Англија. На Нов Зеланд се преселил привремено за да го испланира и спроведе терористичкиот напад.
„Читав текстови од Дилан Руф и многу други, но во суштина ме инспирира само Брејвик“, пишува тој.
Тарент, според пишувањето на „Вашингтон егземинер“, во манифестот навел слоган кај приврзаниците на доминицијата на белата раса, познат како „14 збора“ и рекол дека мигрантите што немаат бела боја на кожата се натрапници и напаѓачи. Тој споменал дека неговиот поглед на светот е најблиску со оној на политичарот Освалд Мозли, основач на Британската унија на фашистите (British Union of Fascists – BUF), кој се залагал за употреба на насилство за спроведување на идеите на расистичкиот национализам.
„14 збора“ се однесува на слоган што на англиски јазик се состои од четиринаесет збора: We must secure the existence of our people and a future for white children („Мора да обезбедиме постоење на нашиот народ и иднина за белите деца“).
Понекогаш со терминот „14 збораи“ се мисли и на паролата Because the beauty of the White Aryan woman must not perish from the earth („Убавината на белата ариевска жена не смее да исчезне од Земјата“). Слоганот првично го смислил Дејвид Лејн, еден од основачите на терористичката организација The order.
Во манифестот Брентон Терант споменува дека доаѓа од работничко семејство со пониски приходи и одлучил да направи нешто конкретно за да ја обезбеди иднината на своите луѓе, пренесуваат австралиски медиуми.
Тој исто така ја објаснил и причината за овој терористички чин. Имено, како што вели, сакал да им покаже на освојувачите дека нашите земји никогаш нема да бидат нивни.
„Нашата татковина е наша и сè додека белиот човек оди по Земјата, тие никогаш нема да ги освојат нашите земји и никогаш нема да го заменат нашиот народ“, пишува Терант.
Неговата идеологија на терор била инспирирана од низа историски личности. Нивните имиња ги впишал на опремата и оружјето со кое го извршил масакрот. Заедничко за повеќето од нив е што биле војсководци во времето на борбите против Отоманската Империја.
Тој открил и дека нападот го планирал веќе две години додавајќи дека пред три месеци се одлучил да биде во Крајстчрч.
„Нападот во Нов Зеланд ќе го привлече вниманието кон вистинскиот напад на нашата цивилизација, дека никаде во светот веќе не е безбедно, дека освојувачите ги имаат населено сите наши земји, дури и во најоддалечените региони, дека веќе нема каде да одиме“, додава тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Медведев: Конфискацијата на замрзнатите средства од страна на ЕУ може да биде оправдување за војна
Дмитриј Медведев, заменик-претседател на Советот за безбедност на Русија, изјави дека ако Европската Унија преземе замрзнати руски средства, Москва би можела да го смета тоа за чин што ја оправдува војната.
„Ако лудата Европска Унија сè уште се обидува да украде руски средства замрзнати во Белгија под маската на таканаречен заем за репарации, Русија би можела да го смета овој потег за casus belli со сите релевантни импликации за Брисел и поединечните земји од ЕУ“, рече Медведев.
Европската комисија вчера предложи без преседан начин на користење на замрзнатите руски средства или меѓународно задолжување за да се соберат 90 милијарди евра (105 милијарди долари) за Украина за покривање на нејзините нестабилни воени и основни услуги.
фото/ЕПА
Свет
Путин ја опиша средбата со Виткоф како многу корисна, но тешка задача е да се постигне консензус
Средбата со специјалниот претставник на САД, Стивен Виткоф, и Џаред Кушнер, зет на американскиот претседател Доналд Трамп, во Кремљ беше многу корисна, изјави денес рускиот претседател Владимир Путин.
Во интервју за Индија Тудеј, тој рече дека предлозите што американските преговарачи ги донесоа во Москва се базираат на договорите меѓу претседателите на САД и Русија во Алјаска, но исто така истакна дека постигнувањето консензус е „тешка задача“.
Американската страна ги подели 27-те точки од планот на Трамп во четири пакети и предложи да се дискутираат одделно, објави рускиот претседател.
Путин објасни дека морал да ја разгледа речиси секоја точка од планот, поради што состанокот со американската делегација траел толку долго, околу пет часа.
Имало прашања со кои Русија не се согласувала, а страните разговарале за нив, рече Путин.
Рускиот претседател, исто така, истакна дека жителите на регионите Доњецк и Луганск на Украина не сакаат да живеат со Украина и дека тоа го изразиле на референдум.
„Русија ѝ предложи на Украина да ги повлече своите трупи од Донбас и да не започнува воени операции, но Киев одлучи да влезе во војна“, рече Путин.
Тој изјави дека Русија ќе ги ослободи Донбас и Новорусија „во секој случај, со воени или други средства“.
Путин, исто така, рече дека Русија се обидува да изгради односи меѓу ДНР и ЛНР и Украина, но дека Киев не ги признава.
Свет
(Видео) Поранешен американски полицаец го убил својот 11-годишниот син, мајката гледала се преку камера
Семејна трагедија ја потресе Калифорнија откако мајка видела како нејзиниот поранешен сопруг полицаец со нож го убива нивниот 11-годишен син на камера за надзор. Само неколку часа подоцна, по драматична полициска потера, таткото исто така беше убиен во престрелка, пишува „Пипл“.
Во вторникот наутро, 2 декември, полицијата доби повик од сопругата на Марвин Моралес (40), која пријавила дека гледала како го боде нивниот син на нивната домашна безбедносна камера. Полицијата веднаш била испратена на местото на настанот.
„Веднаш по 8 часот наутро, канцеларијата на шерифот на округот Сакраменто беше известена за убиство во блокот 7600 на Ферел Веј во Елк Гроув, каде што полициската управа откри дека е убиено 11-годишно момче“, се вели во соопштението на канцеларијата на шерифот.
По приемот на повикот, полицијата на Елк Гроув испрати опис на возилото на Моралес до сите околни агенции. Кратко потоа, шерифот на округот Сакраменто, Џим Купер, го забележал бараниот автомобил и ја известил службата за итни случаи. Моралес избегал, што довело до потера. Брканицата завршила кога Моралес удрил со своето возило во дрво покрај пат. Снимките од локалната телевизија покажале како возилото се удира во дрво.
„Двајца заменик-шерифи на округот Сакраменто, заедно со полицајци од други агенции, пукале кон Моралес“, соопшти полицијата. Поранешниот полицаец бил застрелан и однесен во болница, каде подоцна бил прогласен за мртов. Сè уште не е познато дали Моралес го испукал првиот куршум кон полицајците.
Проблематичното минато на поранешниот полицаец
Марвин Моралес бил поранешен заменик-шериф на округот Сакраменто, кој бил отпуштен во февруари 2024 година по скандал со дрога. Според извештаите, Моралес конфискувал нешто што верувал дека е метамфетамин од осомничениот и го конзумирал во тоалетот на полициската станица.
Калифорниската автопатска патрола отвори истрага за пукањето во кое бил убиен Моралес, а двајцата заменик-шерифи вклучени во инцидентот се ставени на административно отсуство до завршување на истрагата, што е стандардна процедура.
Обвинетите за „Пулс“ утрово во „Идризoво“ ги пречекаа фотографии од сите загинати
Металните барикади пред влезот во судницата во „Идризово“, кои ги одвојуваат влезовите преку кои влегуваат обвинетите и родителите на загинатите,...
Друг затвореник признал дека се негови 13-те мобилни и лаптоп најдени во ќелијата на Џеваир Камбери, обвинет за „Пулс“
Тринаесетте мобилни телефони и еден лаптоп пронајдени во ќелијата на обвинетиот за трагедијата во кочанската дискотека „Пулс“, Џеваир Камбери, не...
Посетата на Путин на Индија: Нафта, оружје и геополитичка порака до светот
Рускиот претседател Владимир Путин оди во Индија во дводневна посета, каде што се очекува да се сретне со премиерот Нарендра...
(Видео) Украинците: Го нападнавме рускиот нафтовод „Дружба“
Во понеделникот, уште една експлозија го потресе рускиот нафтовод „Дружба“, потврдија извори од украинското воено разузнавање (ХУР) за „Киев пост“....
Британците и Норвежаните потпишуваат договор: заедно ќе ги следат руските подморници
Велика Британија и Норвешка денес ќе потпишат нов договор за одбранбена соработка, планирајќи заедничко управување со флота од фрегати за...
(Видео) Се урна американски „Ф-16“
Американски борбен авион F-16C Fighting Falcon на воздухопловни сили „Thunderbirds“ се урна во оддалечена пустинска област јужно од аеродромот Трона,...
Нови израелски напади врз Газа: погодени шатори за бегалци, повеќе мртви
Петмина Палестинци вчера беа убиени, а неколку други беа повредени кога израелските авиони гаѓаа шатори и импровизирани засолништа за раселени...
Мадуро потврди дека разговарал со Трамп
Венецуелскиот претседател Николас Мадуро во средата потврди дека пред околу 10 дена имал „срдечен и полн со почитување“ телефонски разговор...
ОН усвои резолуција за враќање на киднапираните украински деца: Русија и 11 други земји гласаа против
Генералното собрание на Обединетите нации усвои резолуција со која се бара од Русија да обезбеди итно, безбедно и безусловно враќање...
Куновска по оставките во СДСМ:„Сите дома, тој останува“
Поранешната пратеничка и функционерка во СДСМ, Софија Куновска, на „Фејсбук“ објави критички статус откако вчера, на барање на партискиот лидер...
ВМРО-ДПМНЕ: Ние како мнозинство немаме од што да бегаме, ќе се расчистат сите прашања поврзани со трагедијата во Кочани
Пратеникот од ВМРО-ДПМНЕ, Бојан Стојаноски, изјави дека во периодот кога државата ја воделе СДСМ и ДУИ се закажувале анкетни комисии,...
(Видео) Филипче: Посебна анкетна комисија за трагедијата во Кочани, тоа е барање на родителите
Нашиот став е дека ние ќе ги поддржиме двете анкетни комисии. Едната којашто ја предлага владеачкото мнозинство каде сакаат да...
(Фото) Поставени дигитални уреди за мерење бучава кај кафеаните во Дебар Маало
Општина Центар започна со имплементација на паметен систем за следење на бучавата, преку поставување на дигитални индикативни уреди на местата...
Осигурителни компании склучиле картел и се договориле да ја зголемат цената за автомобилското осигурување
Десет осигурителни компании се казнети со 17.266.930 денари затоа што се договориле да ја зголемат цената за автомобилската одговорност што секој...
„РКЕ да ја преземе во целост надлежноста во формирањето конечна цена на водата“, порака од тркалезната маса
РКЕ да ја преземе во целост надлежноста во формирањето конечна цена на водата – е пораката од тркалезната маса „Иницијатива...
Засилени контроли на градилиштата во општина Аеродром: изречена глоба од 1.300 евра за непочитување на законот
Општина Аеродром изрече парична глоба од 1 000 евра за правно лице и 300 евра за управителот на истата фирма...
(Видео) Турканици и викање: уапсени три лица во Трново, не им дозволиле на полицајците да влезат на имотот
Полицијата уапси три лица од кривопаланечко кои попречувале полициски службеници и вработени во Агенцијата за храна и ветеринарство при извршување...
Висок функционер на НАТО: Путин блефира, не верувам дека е подготвен за војна со Европа
Висок функционер на НАТО верува дека рускиот претседател Владимир Путин блефира за својата подготвеност за војна против Европа. Зборувајќи со...
ВМРО-ДПМНЕ: Колку криминални шеми имаат издејствувано Заев, Филипче и Николовски, Обвинителството да отвори постапка
„Заев му помогнал со отпишување на жито за 800.000 евра, Љупчо Николовски возвратил со грант за „Мамас“ од 1,4 милиони...
НАТО ја зголемува поддршката за Украина: пристигнува нова резерва оружје и муниција
Министрите за надворешни работи на НАТО ќе се состанат денес во Брисел за да разговараат за понатамошна поддршка за Украина,...
